နိုင်ငံအတွင်း ၀င်ရောက်တိုက်ခိုက်သည့် အစ္စရေး F16 တိုက်လေယာဉ်ကို ဆီးရီးယား ပစ်ချ

ဖေဖော်ဝါရီ ၁၀၊ ၂၀၁၈
M-Media

အစ္စရေးတိုက်လေယာဉ်တစ်စင်း

– ဆီးရီးယားပိုင်နက်အတွင်းသို့ ၀င်ရောက်တိုက်ခိုက်သည့် အစ္စရေး F-16 တိုက်လေယာဉ်တစ်စင်းကို ဆီးရီးယားအစိုးရစစ်တပ်က ပစ်ချခဲ့သည်ဟု သိရသည်။

၎င်းတို့သိမ်းပိုက်ထားသည့် ဆီးရီးယားပိုင် ဂိုလန်ကုန်းမြင့်သို့ အီရန်ဒရုန်းတစ်စင်း ၀င်ရောက်လာမှုကို တုန့်ပြန်သည့်နေဖြင့် ဆီးရီးယားရှိ အီရန်စစ်စခန်းအား ၀င်ရောက်တိုက်ခိုက်စဉ် ထိုကဲ့သို့ ပစ်ချခံလိုက်ရသည်ဟု အစ္စရေးစစ်တပ်က အတည်ပြုခဲ့သည်။

ပြီးခဲ့သည့် တစ်နှစ်တာကာလအတွင်း အစ္စရေးတိုက်လေယာဉ်များမှာ ဆီးရီးယားဖက်သို့ ကျူးကျော်ဝင်ရောက်ကာ အစိုးရစစ်စခန်းများကို အကြိမ်များစွာ တိုက်ခိုက်ခဲ့ပြီး ယခုမှ ပထမဆုံးအကြိမ် ဆီးရီးယား စစ်တပ်က အစ္စရေးလေယာဉ်အား ပစ်ချနိုင်ခဲ့ခြင်းဖြစ်သည်။

အစ္စရေးကလည်း လေယာဉ် ပစ်ချခံရသည့်အချိန်မှ ၎င်းတို့ ၀င်ရောက်တိုက်ခိုက်ခြင်းကို ၀န်ခံခဲ့သည်။

ဆီးရီးယားနိုင်ငံပိုင်သတင်းဌာနကမူ အစ္စရေးတိုက်လေယာဉ်များမှာ နိုင်ငံအလယ်ပိုင်းရှိ ဆီးရီးယားစစ်တပ် အခြေစိုက်စခန်းကို ပစ်မှတ်ထားတိုက်ခိုက်ခဲ့ခြင်းဖြစ်သည်ဟု ထုတ်ပြန်ခဲ့သည်။

တိုက်ခိုက်မှုကြောင့် ဆီးရီးယားစစ်တပ်တွင် ထိခိုက်ဒဏ်ရာရမှုများ ရှိကြောင်း ဆီးရီးယား ပြည်တွင်းသတင်းဌာနများ ဖော်ပြခဲ့သည်။

ထိုအဖြစ်အပျက်အပြီး ဆီးရီးယားဖက်မှ အပြင်းအထန် ပစ်ခတ်မှုကြောင့် အစ္စရေးမြောက်ပိုင်းတွင် သတိပေးဥသြဆွဲမှုများ ပြုလုပ်ခဲ့ရသည်။

Ref: Aljazeera