အစ္စရေးလုပ်ရပ်ကြောင့် ဆီးရီးယားတွင် တင်းမာမှုမြင့်တက်လာခြင်းကို ကုလ သတိပေး

ဖေဖော်ဝါရီ ၁၁၊ ၂၀၁၈
M-Media

ဂိုလန်တောင်ကုန်းရှိ ကုလတပ်ဖွဲ့

– အစ္စရေးက ဆီးရီးယားနိုင်ငံထဲကို ကျူးကျော်ဝင်ရောက်ကာ အကြီးစားတိုက်ခိုက်မှုတွေ ပြုလုပ်ပြီးတဲ့နောက် ဖြစ်ပေါ်လာတဲ့ တင်းမာမှုတွေကို အလျင်အမြန် ခြွင်းချက်မရှိ လျှော့ချဖို့အတွက် ကုလသမဂ္ဂ အထွေထွေအတွင်းရေးမှူး အန်တိုနီယို ဂူတာရက်စ်က တိုက်တွန်းလိုက်ပါတယ်။

အီရန်က သူတို့သိမ်းပိုက်ထားတဲ့ ဆီးရီးယားပိုင် ဂိုလန်တောင်ကုန်းကို ဒရုန်းလွှတ်တယ်လို့ အကြောင်းပြပြီး ဆီးရီးယားကို ၀င်ရောက်တိုက်ခိုက်တဲ့ အစ္စရေး တိုက်လေယာဉ်တွေထဲက တစ်စင်းကို ဆီးရီးယားစစ်တပ်က ပစ်ချခဲ့ပြီးတဲ့နောက် အစ္စရေးက မနေ့မှာ အကြီးစား တိုက်ခိုက်မှုတွေ ထပ်မံ ပြုလုပ်ခဲ့တာ ဖြစ်ပါတယ်။

ဆီးရီးယားအစိုးရ မဟာမိတ်ဖြစ်တဲ့ ရုရှားက သူတို့အနေနဲ့ အစ္စရေးရဲ့ ဒီလို ကျူးကျော်မှုအတွက် အလွန်အမင်း စိုးရိမ်ရတယ်လို့ ပြောကြားခဲ့ပါတယ်။

အန်တိုနီယို ဂူတာရက်စ်က ဒီကိစ္စတွေအတွက် သတိပေးခဲ့ပါတယ်။

“ဆီးရီးယားနဲ့ ဒေသတွင်းမှာ သက်ဆိုင်သူတွေအားလုံးဟာ ကိုယ်စီ တာဝန်ခံရမှာဖြစ်ပြီး လုံခြုံရေးကောင်စီရဲ့ သက်ဆိုင်ရာ ဆုံးဖြတ်ချက်တွေ၊ နိုင်ငံတကာ ဥပဒေတွေကို လိုက်နာရမှာပါ” လို့ မနေ့ကထုတ်ပြန်တဲ့ ကြေငြာချက်မှာ ဂူတာရက်စ်က ပြောကြားခဲ့ပါတယ်။

သူ့ရဲ့ ပြောရေးဆိုခွင့်ရှိသူ စတီဖိန်း ဒူဂျာရစ်က အတွင်းရေးမှူးအနေနဲ့ ဆီးရီးယားတစ်ဝှမ်းမှာ ဖြစ်ပွားနေပြီး ဒေသတွင်း ပြန့်နှံ့လာဖွယ်ရှိနေတဲ့ စိုးရိမ်စရာ စစ်ရေးအခြေအနေတွေ မြင့်တက်လာမှုကို အနီးကပ်စောင့်ကြည့်နေတယ်လို့ ဆိုပါတယ်။

ရုရှားနိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ မိမိတို့အနေနဲ့ သက်ဆိုင်သူအားလုံး ထိန်းချုပ်ကြဖို့၊ အခြေအနေတွေ ပိုမိုရှုပ်ထွေးစေတာမျိုး ဖြစ်လာစေမယ့် ဘယ်လိုလုပ်ရပ်မျိုးမဆို ရှောင်ရှားဖို့ တိုက်တွန်းကြောင်း ဖော်ပြထားပါတယ်။

အမေရိကန်က အစ္စရေးရဲ့ ဒီတိုက်ခိုက်မှုကို ထောက်ခံကြောင်း ပြောကြားခဲ့ပြီး ဆီးရီးယားတောင်ပိုင်းမှာရှိနေတဲ့ အီရန်ကျောထောက်နောက်ခံပြု ဆီးရီးယားတပ်ဖွဲ့နဲ့ ပြည်သူ့စစ်တွေရန်ကနေ ကိုယ့်ကိုယ်ကို ကာကွယ်ပိုင်ခွင့် အစ္စရေးမှာရှိတယ်လို့ ပြောကြားခဲ့ပါတယ်။

ဆီးရီးယားစစ်တပ်နဲ့ မဟာမိတ်တွေက ဒရုန်းဟာ အစ္စရေးလေပိုက်နက်ကို ကျော်လွန်ခဲ့ခြင်းမရှိကြောင်း၊ IS တိုက်ခိုက်ရေးသမားတွေနဲ့ပတ်သက်ပြီး ထောက်လှမ်းတဲ့လုပ်ငန်းကို လုပ်ဆောင်ခဲ့တာသာဖြစ်ကြောင်း ပြောကြားခဲ့ပါတယ်။

Ref: Aljazeera