ဒူဘိုင်းတွင် ကမ္ဘာ့ပထမဆုံး မောင်းသူမဲ့လျှပ်စစ်ကားရထားကို စမ်းသပ်

ဖေဖော်ဝါရီ ၁၂၊ ၂၀၁၈
M-Media

– ဒူဘိုင်း လမ်းပမ်းဆက်သွယ်ရေးနဲ့ ပို့ဆောင်ရေး အာဏာပိုင်အဖွဲ့ (RTA) က ကမ္ဘာ့ပထမဆုံး မောင်းသူမဲ့ ခရီးသည်တင် ကားရထားကို စမ်းသပ်ခဲ့ပြီး ဒူဘိုင်းရဲ့ အနာဂတ် သယ်ယူပို့ဆောင်ရေး စီမံကိန်း တစ်စိတ်တစ်ပိုင်းလည်း ဖြစ်ပါတယ်။

သတ်မှတ်ထားတဲ့ လမ်းကြောင်းတွေအတိုင်း ခရီးတိုတွေနဲ့ အလယ်အလတ်ခရီးတွေကို ပို့ဆောင်ပေးဖို့ ရည်ရွယ်တည်ဆောက်ထားတဲ့ အဲဒီ ကားရထားတွေဟာ
တစ်တွဲနဲ့တစ်တွဲ ၁၅ စက္ကန့်ကနေ စက္ကန့် ၂၀ အတွင်းမှာ ချိတ်နိုင်ပြီး ၅ စက္ကန့်အတွင်းမှာ ဖြုတ်နိုင်မှာ ဖြစ်ပါတယ်။

နောက်ဆုံးပေါ် နည်းပညာတွေပါဝင်တဲ့ ဒီကားရထားတွေဟာ တစ်တွဲကို ခရီးသည် ၁၀ ယောက် (ထိုင်ခုံ ၆ ယောက်နှင့် မတ်တပ်ရပ် ၄ ယောက်) စီးနင်းနိုင်မှာဖြစ်ပါတယ်။ ဘတ္ထရီတွေဟာ ၃ နာရီကြာ ပြေးဆွဲနိုင်ကာ ပြန်အားသွင်းဖို့ ၆ နာရီကြာမြင့်မှာပါ။ မြန်နှုန်းကတော့ တစ်နာရီကို ကီလိုမီတာ ၂၀ ရှိပါတယ်။

RTA က တာဝန်ရှိသူတစ်ဦးဖြစ်တဲ့ မတ္တာ အလ် တိုင်ယာက ဒီရှေ့ပြေးစမ်းသပ်မှုဟာ ဒူဘိုင်းကို နည်းပညာအဆင့်မြင့် မြို့တော်အဖြစ် အသွင်ပြောင်းရေး ရည်မှန်းချက် တစ်စိတ်တစ်ပိုင်းဖြစ်တယ်လို့ ပြောကြားခဲ့ပါတယ်။

“ဒူဘိုင်းရဲ့ ရာသီဥတုအခြေအနေတွေမှာ အလိုအလျောက် ပို့ဆောင်ရေး နည်းလမ်း တွေကို အကောင်အထည်ဖော်ရေး RTA နည်းပညာပိုင်းဆိုင်ရာ စမ်းသပ်မှု တစ်စိတ်တစ်ပိုင်းပါ။ ဒူဘိုင်းရဲ့ အလိုအလျောက် ပို့ဆောင်ရေး မဟာဗျူဟာအရ ၂၀၃၀ ပြည့်နှစ်မှာ ပို့ဆောင်ရေးစနစ်ရဲ့ ၂၅ ရာခိုင်နှုန်းကို အလိုအလျောက် နည်းပညာတွေ အစားထိုရေး စီမံကိန်းကိုလည်း ဒါက ထင်ဟပ်စေပါတယ်။ သယ်ယူပို့ဆောင်ရေးစနစ်တွေကို အသုံးပြုရာမှာ ပြည်သူတွေနဲ့ တစ်သားတည်းဖြစ်ဖို့၊ လျင်မြန်ချောမွေ့ပြီး ထူးခြားတဲ့ စနစ်တွေကြောင့် ပြည်သူတွေ ပျော်ရွှင်စေဖို့ ဒီနည်းလမ်းက အကူအညီလည်း ဖြစ်စေမှာ ဖြစ်ပါတယ်”

Ref: Khaleej Times