IS အကြမ်းဖက်အဖွဲ့ခေါင်းဆောင် ဘဂ္ဂဒါဒီ မသေသေး

ဖေဖော်ဝါရီ ၁၃၊ ၂၀၁၈
M-Media

– IS အကြမ်းဖက်အဖွဲ့ခေါင်းဆောင် အဘူ ဘာကာ အလ်-ဘဂ္ဂဒါဒီဟာ ဆီးရီးယားမှာ အသက်ရှင်လျက် ရှိနေသေးပေမယ့် ဆိုးဆိုးဝါးဝါး ဒဏ်ရာရရှိထားပြီး ဆေးကုသမှု ခံယူနေရတယ်လို့ သိရပါတယ်။

“IS အကြမ်းဖက်အဖွဲ့အတွင်းက သတင်းရင်းမြစ်တွေအရ အဂ္ဂဒါဒီဟာ အသက်ရှင်လျက် ရှိနေသေးပြီး၊ အပေါင်းအပါတွေရဲ့ အကူအညီနဲ့ ပုန်းနေတယ်ဆိုတဲ့ ခိုင်မာတဲ့ သတင်းအအချက်အလက်တွေ ကျွန်တော်တို့ ရရှိထားပါတယ်” လို့ အီရတ် ထောက်လှမ်းရေးနဲ့ အကြမ်းဖက်တိုက်ဖျက်ရေးအကြီးအကဲ အဘူ အလီ အလ်-
ဘက်စ်ရီက မနေ့မှာ al-Sabah သတင်းစာကို ပြောကြားခဲ့ပါတယ်။

လေကြောင်းက တိုက်ခိုက်မှုအတွင်း ဘဂ္ဂဒါဒီဟာ ခြေထောက်မှာ ဒဏ်ရာရသွားခဲ့ပြီး ဆီးရီးယားနိုင်ငံ ဒီအက်ဇ်ဇိုရ်အနောက်ပိုင်း ဂျာဇီရာ သဲကန္တာရအတွင်းမှာ လက်ရှိ ပုန်းအောင်းနေတယ်လို့ သူက ဆိုပါတယ်။

ဘဂ္ဂဒါဒီဟာ ကမ္ဘာ့ အလိုအရှိဆုံးသူ တစ်ယောက်ဖြစ်ပြီး အမေရိကန်က သူ့ရဲ့ခေါင်းကို ကန်ဒေါ်လာ ၂၅ သန်း ဆုငွေထုတ်ထားပါတယ်။

အလ်-ဘက်စ်ရီက ‘ဒဏ်ရာအနာတရ၊ ဆီးချိုရောဂါ၊ ခန္တာကိုယ်နဲ့ ခြေထောက်က အရိုးတွေ ကျိုးကြေမှုကြောင့် ဘဂ္ဂဒါဒီဟာ အကူအညီမပါဘဲ လမ်းမလျှောက်နိုင်ဘူး’ လို့ ထည့်သွင်းပြောဆိုခဲ့ပါတယ်။

ပြီးခဲ့တဲ့နှစ်အတွင်း IS အကြမ်းဖက်အဖွဲ့ဟာ သိသိသာသာ အရေးနိမ့်လာခဲ့ပေမယ့် ဆီးရီးယားနိုင်ငံ အရှေ့မြောက်ပိုင်းက နေရာတစ်ချို့ကိုတော့ ထိန်းချုပ်ထားနိုင်ဆဲ ဖြစ်ပါတယ်။

IS အကြမ်းဖက်အဖွဲ့ဟာ အီရတ်နဲ့ ဆီးရီးယားနိုင်ငံက ဒေသတောတော်များများကို သိမ်းယူပြီးတဲ့နောက် ၂၀၁၄ ခုနှစ်မှာ ဘဂ္ဂဒါဒီက ခါလီဖိတ်နိုင်ငံ ထူထောင်ကြေင်း ကြေငြာခဲ့ဖူးပါတယ်။

ရုရှားက ဆီးရီးယားနိုင်ငံမှာ သူတို့ရဲ့ လေကြောင်းတိုက်ခိုက်မှုအတွင်း ဘဂ္ဂဒါဒီ ဒဏ်ရာရရှိကာ သေသွားနို
င်လောက်တယ်လို့ ပြီးခဲ့တဲ့နှစ်နှောင်းပိုင်းမှာ ကြေငြာခဲ့ပါတယ်။

ဘဂ္ဂဒါဒီ ဒဏ်ရာရသွားတာဟာ ဘယ်သူ့လက်ချက်လဲဆိုတာကိုတော့ အီရတ်ထောက်လှမ်းရေးအကြီးအကဲ အလ်-ဘက်စ်ရီက ထုတ်ဖော်ပြောဆိုခဲ့ခြင်း မရှိပါဘူး။

Ref: Aljazeera