ဖလော်ရီဒါ လူသတ်သမားအကြောင်း သတင်းရသော်လည်း လစ်လျူရှုခဲ့ဟု FBI ၀န်ခံ

ဖေဖော်ဝါရီ ၁၇၊ ၂၀၁၈
M-Media

သေနတ်သမား ခရုဇ်

– ဖလော်ရီဒါပြည်နယ်က အထက်တန်းကျောင်းကို ၀င်ရောက်ပစ်ခတ်ခဲ့တဲ့ သေနတ်သမားနဲ့ပတ်သက်ပြီး ပြည်သူက တိုင်ကြားမှု ရှိခဲ့ပေမယ့် လစ်လျူရှုခဲ့တယ်လို့ အမေရိကန် ဖက်ဒရယ်ထောက်လှမ်းရေးဗျူရို FBI က ၀န်ခံပြောကြားလိုက်ပါတယ်။

ပါ့ခ်လန်းမြို့က Marjory Stoneman Douglas High School ကျောင်းမှာ ဗုဒ္ဓဟူးနေ့က ဖြစ်ပွားခဲ့တဲ့ အဲဒီပစ်ခတ်မှုအတွင်း ကျောင်းသားအများစုအပါအ၀င် အနည်းဆုံး လူ ၁၇ ဦး သေဆုံးကာ အများအပြား ဒဏ်ရာရခဲ့တာပါ။

သေနတ်သမားဟာ ကျောင်းသားဟောင်း အသက် ၁၉ နှစ်အရွယ် နီကိုလက်စ် ခရုဇ်ဆိုသူဖြစ်ပြီး သူနဲ့ပတ်သက်လို့ ဇန်န၀ါရီလမှာ တိုင်ကြားမှုတစ်ခု ရရှိခဲ့တယ်လို့ FBI က မနေ့မှာ ပြောကြားခဲ့ပါတယ်။

ခရုဇ်နဲ့ တော်တော်လေးသိကျွမ်းတဲ့သူတစ်ဦးက တိုင်ကြားခဲ့တာဖြစ်ပြီး ခရုဇ်ဟာ ‘လူသတ်ဖို့ ဆန္ဒ ပြင်းပြနေသူ’ ‘ပုံမှန်မဟုတ်တဲ့ အပြုအမူရှိသူ’ ‘ဆိုရှယ်မီဒီယာမှာ ဆိုးဆိုးရွားရွားတွေ တင်လေ့ရှိသူ’ လို့ ပြောခဲ့ပါတယ်။

FBI က သူတို့အနေနဲ့ ဒီတိုင်ကြားမှုကို မိုင်ယာမီက FBI မြေပြင်ရုံးကို ပေးပို့ကာ သင့်လျော်တဲ့ စုံစမ်းစစ်ဆေးမှုတွေကို ပြုလုပ်သင့်ပေမယ့် ဒီလို လုပ်ဆောင်ခဲ့တာမျိုး မရှိဘူးလို့ ကြေငြာချက်မှာ ဖော်ပြခဲ့ပါတယ်။

ဒီကြေငြာချက် ထွက်ပေါ်လာပြီးတဲ့နောက် အမေရိကန်ရှေ့နေချုပ် ဂျက်ဖ် ဆက်ရှင်က FBI နဲ့ တရားရေးဌာတွေရဲ့ လုပ်ထုံးလုပ်နည်းတွေကို ပြန်လည်သုံးသပ်ဖို့ အမိန့်ပေးခဲ့ပြီး ဖလော်ရီဒါပြည်နယ် အုပ်ချုပ်ရေးမှူး ရစ်စကော့က FBI ဒါရိုက်တာ ခရစ္စတိုဖာဂရေး နှုတ်ထွက်ပေးဖို့အထိ တောင်းဆိုခဲ့ပါတယ်။

“လူသတ်သမားအပေါ် အရေးယူဖို့ ပျက်ကွက်ခဲ့တဲ့ FBI ရဲ့ လုပ်ရပ်ဟာ လက်မခံနိုင်စရာပါ။ အပြစ်မဲ့သူ ၁၇ ဦးက သေသွားပါပြီ။ အမှားကိုဝန်ခံပြီး မဆိုင်တော့ဘူး လုပ်လို့မရပါဘူး”

သေဆုံးသူတွေအတွက် ၀မ်းနည်းမှုအထိမ်းအမှတ်အဖြစ် ထောင်နဲ့ချီတဲ့လူတွေဟာ ကြာသာပတေးနေ့က အဲဒီအထက်တန်းကျောင်းရှေ့မှာ စုရုံးခဲ့ကြပါတယ်။

အခုနှစ်အစကတည်းက အမေရိကန်တစ်ဝှမ်း စာသင်ကျောင်းတွေမှာ သေနတ်နဲ့ပစ်ခတ်မှုပေါင်း ၁၁ ခုဖြစ်ပွား ခဲ့ပါတယ်။

Ref: Aljazeera