နေတန်ယာဟုနှင့် ပတ်သက်နေသည့် စီးပွားရေးသမားများကို ခြစားမှုဖြင့် အစ္စရေး ဖမ်းဆီး

ဖေဖော်ဝါရီ ၁၈၊ ၂၀၁၈
M-Media

– နိုင်ငံ၏ အကြီးဆုံး ဆက်သွယ်ရေးကုမ္ပဏီ Bezeq မှ ၀န်ကြီးချုပ် နေတန်ယာဟုနှင့် ဆက်နွယ်နေသည့် အကြီးတန်း အမှုဆောင် တာဝန်ရှိသူ အများအပြားကို အစ္စရေးရဲတပ်ဖွဲ့က ဖမ်းဆီးလိုက်ပြီး ကုမ္ပဏီနှင့် နေတန်ယာဟုတို့အကြား လာဘ်ပေးလာဘ်ယူမှုကိစ္စအတွက် စုံစမ်းစစ်ဆေးမှု၏ တစ်စိတ်တစ်ပိုင်းလည်း ဖြစ်သည်။

အစ္စရေးလုံခြုံရေးအာဏာပိုင်အဖွဲ့ ISA က ထုတ်ပြန်ခဲ့သည့် သီတင်းအချက်အလက်အသစ်အရ ထိုကဲ့သို့ ဖမ်းဆီးလိုက်ခြင်းဖြစ်ပြီး နေတန်ယာဟုနှင့် နီးကပ်သော ဆက်ဆံရေးရှိသူ ၂ ဦးလည်း ပါဝင်ခဲ့သည်။ သို့သော်လည်း ဖမ်းဆီးမှုနှင့်ပတ်သက်၍ အသေးစိတ်အချက်အလက်များကို ထုတ်ပြန်ခြင်း မပြုသေးပေ။

Bezeq မှာ ၀န်ကြီးချုပ် နေတန်ယာဟုအကြောင်း အကောင်းသာ ဖော်ပြမှုကြောင့် အစိုးရထံမှ အကျိုးအမြတ်များ ရရှိခဲ့သည်ဟူသော သတင်းများအတွက် ရဲတပ်ဖွဲ့က စုံစမ်းစစ်ဆေးနေခြင်းဖြစ်သည်။

အစ္စရေး ဆက်သွယ်ရေးဝန်ကြီးဌာန ညွှန်ကြားရေးမှူးချုပ်ဖြစ်ပြီး နေတန်ယာဟုနှင့် နီးကပ်သော ဆက်ဆံရေးရှိသူ ရှလိုမို ဖီလ်ဘာက Bezeq အပေါ် မျက်နှာပေး ဆက်ဆံခဲ့ကြောင်း၊ အစိုးရ၏ ထိပ်တန်းလျှို့ဝှက် စာရွက်စာတမ်းများကို ပေးခဲ့ကြောင်း စွပ်စွဲမှုများလည်း ရှိနေသည်။

Bezeq ကုမ္ပဏီကိစ္စမှာ နေတန်ယာဟု ပါဝင်ပတ်သက်သည်ဟု သတင်းထွက်နေသည့် ခြစားမှုကိစ္စများထဲတွင် ၄ ခုမြောက်ဖြစ်သည်။

ဝန်ကြီးချုပ် နေတန်ယာဟုအား ခြစားမှုဖြင့် တရားစွဲဆိုရန် ပြီးခဲ့သည့်တစ်ပတ်တွင် ထုတ်ပြန်ခဲ့သည့် အစ္စရေးရဲတပ်ဖွဲ့၏ အကြံပြုစာတွင် ဖော်ပြထားပြီး ရှေ့နေချုပ်က ထိုကိစ္စအတွက် ဆုံးဖြတ်ရမည်ဖြစ်သည်။

Ref: Aljazeera