မိုဇမ်ဘတ်တွင် ဧရာမအမှိုက်ပုံ ပြိုကျမှုကြောင့် လူ ၁၇ ဦး သေဆုံး

ဖေဖော်ဝါရီ ၂၀၊ ၂၀၁၈
M-Media

– အာဖရိကတိုက် တောင်ပိုင်း မိုဇမ်ဘက်နိုင်ငံ မြို့တော် မာပူတိုမှာ ဧရာမ အမှိုက်ပုံကြီး ပြိုကျခဲ့တဲ့အတွက် အနည်းဆုံး လူ ၁၇ ဦး သေဆုံးခဲ့ပြီး အမှိုက်ပုံအောက် ပိမိနေသူတွေ အများအပြား ရှိနေတာကြောင့် သေဆုံးသူအရေအတွက် တိုးလာဖွယ် ရှိနေပါတယ်။

မိုးသည်းထန်စွာ ရွာသွန်းမှုကြောင့် မြို့တော်ရဲ့ ဆင်ခြေဖုံး ဆင်းရဲသားရပ်ကွက်တစ်ခုမှာ တနင်္လာနေ့ မနက် စောစော ၃ နာရီလောက်က အမှိုက်ပုံကြီးတစ်ခုဟာ ဘေးနားမှာရှိတဲ့ အိမ်တွေအပေါ် ပြိုကျခဲ့တာပါ။

အစိုးရရဲ့ ပြည်သူ့လုံခြုံရေးဌာန တာဝန်ရှိသူတစ်ဦးက လူတော်တော်များများ အမှိုက်ပုံအောက်မှာ ပိတ်မိနေဖွယ်ရှိနေပြီး သေဆုံးသူပမာဏဟာ လက်ရှိရရှိထားတဲ့ အရေအတွက်ထက် မြင့်မားနိုင်တယ်လို့ ပြောကြားခဲ့ပါတယ်။

အမှိုက်ပုံကြီးက ၃ ထပ်တိုက်အရွယ်အစားလောက်ရှိပြီး အမှိုက်ပုံတစ်ဝိုက် ကျူးကျော်အိမ်ယာတွေကို ဖယ်ရှားပေးဖို့ အာဏာပိုင်တွေ သတိပေးခဲ့ပေမယ့် နေထိုင်သူတွေက လိုက်နာခဲ့ခြင်းမရှိဘူးလို့ ဆိုပါတယ်။

လူတော်တော်များများဟာ အဲဒီအမှိုက်ပုံမှာ အစားအသောက်တွေ၊ ပြန်လည်ရောင်းချနိုင်မယ့် ပစ္စည်းတွေ လာရောက်ရှာဖွေကြတာတွေလည်း ရှိပါတယ်။

အခုပြိုကျသွားတဲ့ အမှိုက်ပုံနေရာကို လွန်ခဲ့တဲ့ ၁၀ နှစ်လောက်ကတည်းက ပိတ်ပစ်ရမှာ ဖြစ်ပေမယ့် အာဏာပိုင်တွေက လစ်လျူရှုထားခဲ့ကြပြီး အမှိုက်တွေ ထပ်ထပ်ပုံနေတာကြောင့် ဧရာမ အမှိုက်ပုံကြီး ဖြစ်သွားခဲ့တာလို့ ဒေသခံတွေက သတင်းထောက်တွေကို ပြောကြားခဲ့ပါတယ်။

မိုဇမ်ဘတ်နိုင်ငံ လူဦးရေရဲ့ ၅၅ ရာခိုင်နှုန်းဖြစ်တဲ့ လူ ၁၄ သန်းလောက်ဟာ ဆင်းရဲမွဲတွေမှုအောက်မှာ နေထိုင်နေရတယ်လို့ ကုလသမဂ္ဂ ဖွံ့ဖြိုးရေးအစီအစဉ်ရဲ့ မှတ်တမ်းမှာ ဖော်ပြထားပါတယ်။

Ref: Aljazeera