အာဆတ်အစိုးရတပ်က ပြည်သူများအပေါ်ဗုံးကြဲမှု ကုလတာဝန်ရှိသူများ ပြင်းပြင်းထန်ထန်ဝေဖန်

ဖေဖော်ဝါရီ ၂၂၊ ၂၀၁၈
M-Media

အရှေ့ဂူတာ မြင်ကွင်းတစ်ချို့

– ဒတ်မတ်စကတ်မြို့ ဆင်ခြေဖုံး အရှေ့ဂူတာဒေသမှာ ဆီးရီးယားအစိုးရတပ်က လေကြောင်းတိုက်ခိုက်မှုတွေ အဆက်မပြတ် ပြုလုပ်နေမှုကို ချက်ခြင်း ရပ်တန့်ဖို့အတွက် ကုလ တာဝန်ရှိသူတွေက တောင်းဆိုလိုက်ပြီး အထွေထွေအတွင်းရေးမှူးကလည်း အဲဒီဒေသဟာ ‘လောကငရဲ’ ဖြစ်နေတယ်လို့ ပြောကြားလိုက်ပါတယ်။

ရုရှားလေတပ်ရဲ့ အကူအညီနဲ့ အာဆတ်အစိုးရတပ်ဖွဲ့တွေက တိုက်ခိုက်မှုတွေကြောင့် မနေ့က ပြည်သူ ၂၇ ဦး ထပ်မံသေဆုံးခဲ့ပြီး ပြီးခဲ့တဲ့ ၃ ရက်အတွင်း သေဆုံးသူဟာ ၂၇၀ ကျော်လာခဲ့ပြီ ဖြစ်ပါတယ်။

“အရှေ့ဂူတာက စစ်ရေးဆောင်ရွက်မှုတွေအားလုံးကို ချက်ခြင်းရပ်တန့်ပေးကြဖို့ ပါဝင်သူတွေအားလုံးကို ကျွန်တော် မေတ္တာရပ်ခံပါတယ်။ ဒါဟာ ကျွန်တော်တို့မျက်စိရှေ့မှာ ဖြစ်နေတဲ့ လူသားထု ဖြစ်ရပ်ဆိုးကြီးဖြစ်ပြီး၊ ဒီလိုကြောက်မက်ဖွယ် ပုံစံတွေနဲ့ ဖြစ်ပျက်နေတာတွေကို ကျွန်တော်တို့ ခွင့်ပြုလို့ မရပါဘူး” လို့ အထွေထွေ အတွင်း ရေးမှူး အန်တိုနီယို ဂူတာရက်စ်က မနေ့မှာပြုလုပ်တဲ့ ကုလ လုံခြုံရေးကောင်စီ အစည်းအဝေးမှာ ပြောကြားခဲ့ပါတယ်။

လူပေါင်း ၄ သိန်းလောက် နေထိုင်တဲ့ အရှေ့ဂူတာဒေသဟာ သူပုန်တွေရဲ့ ထိန်းချုပ်မှုအောက်မှာ ရှိနေပြီး အာဆတ်အစိုးရတပ်ဖွဲ့တွေက နှစ်နဲ့ချီ ပိတ်ဆို့ တိုက်ခိုက်ခဲ့တာပါ။

ကုလက လူ့အခွင့်အရေးဆိုင်ရာ အကြီးအကဲ ဇိုက် ရာအဒ် အလ်-ဟူစိန်က လေကြောင်းကနေတိုက်ခိုက်မှု၊ အမြောက်တွေနဲ့ ပစ်ခတ်မှုတွေဟာ “ကြမ်းကြုတ်တဲ့ အပျောက်ရှင်းမှုကြီး” ဖြစ်တယ်လို့ ပြောကြားခဲ့ပါတယ်။

“နိုင်ငံတကာ လူသားချင်း စာနာထောက်ထားမှုဆိုင်ရာ ဥပဒေဆိုတာ နိုင်ငံရေးနဲ့ စစ်ရေး ရည်မှန်းချက်တွေ ပြည့်ဝဖို့အတွက် ဆောင်ရွက်ရာမှာ အရပ်သားတွေ သေကြေပျက်ဆီးရတဲ့ ဒီလိုအခြေအနေမျိုးကို ရပ်တန့်ဖို့အတွက် ပြဌာန်းထားတာ ဖြစ်ပါတယ်” လို့ အလ်-ဟူစိန်က ပြောကြားခဲ့ပါတယ်။

ဖေဖော်ဝါရီ ၄ ရက်နေ့ကတည်းက အရှေ့ဂူတာမှာ ဆီးရီးယားအစိုးရတပ်နဲ့ ရုရှားတပ်တွေရဲ့ တိုက်ခိုက်မှုကြောင့် သေဆုံးသူ အရပ်သားအရေအတွက်ဟာ ၃၄၆ ဦး ရှိပြီး ၈၇၈ ဦး ဒဏ်ရာရရှိခဲ့ကာ အများစုဟာ အရပ်သားတွေ နေထိုင်ရာနေရာကို လေကြောင်းကနေ တိုက်ခိုက်မှုကြောင့်ဖြစ်တယ်လို့ အလ်-ဟူစိန်က ပြောပါတယ်။

Ref: Aljazeera