ရုရှားနှင့် ဆီးရီးယားအစိုးရတပ်များ ဆက်လက်တိုက်ခိုက်မှုကြောင့် အရှေ့ဂူတာတွင် သေဆုံးသူ ၄၀၀ ကျော်ပြီ

ဖေဖော်ဝါရီ ၂၃၊ ၂၀၁၈
M-Media

– နိုင်ငံတကာက ဝေဖန်မှုတွေ ရှိနေပေမယ့် ဆီးရီးယားအစိုးရတပ်နဲ့ ရုရှားတို့က အရှေ့ဂူတာဒေသမှာ တိုက်ခိုက်မှုတွေ ဆက်လက်ပြုလုပ်နေတာကြောင့် သေဆုံးသူအရေအတွက်ဟာ ၄၀၀ ကျော်သွားပြီလို့ ဆီးရီးယား လူ့အခွင့်အရေးဆိုင်ရာ စောင့်ကြည့်အဖွဲ့က မနေ့မှာ ပြောကြားလိုက်ပါတယ်။

မြို့တော် ဒမတ်စကတ် ဆင်ခြေဖုံးမှာရှိပြီး သူပုန်တွေထိန်းချုပ်ထားတဲ့ အရှေ့ဂူတာဒေသကို အာဆတ်အစိုးရတပ်ဖွဲ့တွေဟာ တနင်္ဂနွေနေ့ကတည်းက ပြင်းငြင်းထန်ထန် တိုက်ခိုက်နေတာပါ။

စောင့်ကြည့်အဖွဲ့က သေဆုံးသူအရေအတွက် အနည်းဆုံး ၄၀၃ ဦးမှာ ကလေးငယ် ၁၅၀ ပါဝင်ပြီး ဒဏ်ရာရသူက ၂၁၂၀ လောက်ရှိတယ်လို့ ထည့်သွင်း ပြောဆိုခဲ့ပါတယ်။

ဆီးရီးယားနိုင်ငံဆိုင်ရာ ကုလအထူးကိုယ်စားလှယ် စတာဖန် ဒီ မစ္စတူရာက တိုက်ခိုက်မှုတွေ ချက်ခြင်းရပ်တန့်ဖို့ လိုအပ်တယ်လို့ မနေ့က လုံခြုံရေးကောင်စီ အစည်းအဝေးမှာ ပြောကြားခဲ့ပါတယ်။

အရှေ့ဂူတာမှာ တိုက်ခိုက်မှုတွေ ပြုလုပ်နေတာနဲ့ပတ်သက်ပြီး ကုလ အတွင်းရေးမှူးချုပ်နဲ့ လူ့အခွင့်အရေးဆိုင်ရာ အကြီးအကဲတို့ကလည်း ရှုတ်ချထားပါတယ်။

Ref: Aljazeera