အစ္စရေးရှိ အမေရိကန်သံရုံး မေလတွင် ဂျေရုစလင်သို့ ပြောင်းမည်

ဖေဖော်ဝါရီ ၂၄၊ ၂၀၁၈
M-Media

– အစ္စရေးရှိ ၎င်းတို့၏သံရုံးကို ၂၀၁၈ ခုနှစ် မေလတွင် ဂျေရုစလင်သို့ ပြောင်းရွှေ့သွားမည်ဟု အမေရိကန်က ယမန်နေ့တွင် ကြေငြာလိုက်ပြီး သမိုင်းဝင်ခြေလှမ်းတစ်ခု ဖြစ်သည်ဟုလည်း ပြောကြားခဲ့သည်။

ဒုတိယသမ္မတ မိုက်ပန့်စ်က တလ်အဗီးရှိ ၎င်းတို့သံရုံးကို ၂၀၁၉ ခုနှစ်မှ ဂျေရုစလင်သို့ ပြောင်းရွှေ့မည်ဟု ဇန်န၀ါရီလက ပြောကြားခဲ့သော်လည်း ထိုထက်စော၍ အကောင်အထည်ပေါ်လာခြင်းဖြစ်သည်။

မေလမှာ အစ္စရေး၏ လွတ်လပ်ရေးကြေငြာမှု နှစ် ၇၀ တင်းတင်းပြည့်သည့် လလည်းဖြစ်သည်။

ပါလက်စတိုင်းများက မေလ ၁၅ ရက်နေ့ကို ‘ဖြစ်ရပ်ဆိုးကြီး’ ဟု အဓိပ္ပါယ်ရသည့် အလ်-နက္ကဘာနေ့အဖြစ် သတ်မှတ်ထားပြီး ဂျူးလက်နက်ကိုင်တပ်ဖွဲ့များက ပါလက်စတိုင်းပြည်သူများအား သတ်ဖြတ်၍ နေရပ်မှ အဓမ္မနှင်ထုတ်မှုကို ရည်ရွယ်ခြင်းဖြစ်သည်။

၁၉၄၇ ခုနှစ်မှ ၁၉၄၉ ခုနှစ်အတွင်း ပါလက်စတိုင်းပြည်သူ ၁.၉ သန်းမှ ၇ သိန်းခွဲကို ဂျူးလက်နက်ကိုင် အဖွဲ့များက နေရပ်မှ နှင်ထုတ်ခဲ့ကြသည်။

ပြီးခဲ့သည့် ဒီဇင်ဘာလဆန်းပိုင်းတွင် အမေရိကန်သမ္မတ ဒေါ်နယ်ထရမ့်က ဂျေရုစလင်အား အစ္စရေးမြို့တော်အဖြစ် ကြေငြာခဲ့ပြီး နိုင်ငံတကာဥပဒေများ၊ ကုလ၏ ဆုံးဖြတ်ချက်များ၊ နိုင်ငံတကာ သဘောတူညီချက်များနှင့် ဆန့်ကျင်သော ထိုဆုံးဖြတ်ချက်ကို ကမ္ဘာတစ်ဝှမ်းက ရှုတ်ချခဲ့ကြသည်။

ပါလက်စတိုင်းများက အရှေ့ဂျေရုစလင်ကို မြို့တော်အဖြစ်ထား၍ နိုင်ငံတည်ထောင်ရန် အလိုရှိနေခြင်းဖြစ်ပြီး ကမ္ဘာ့နိုင်ငံများကလည်း ထိုသဘောထားကို ထောက်ခံထားသည်။

ဂျေရုစလင်အား အစ္စရေးမြို့တော်အဖြစ် သတ်မှတ်သည့် အမေရိကန်၏သဘောထားကို ကန့်ကွက်သော ဆုံးဖြတ်ချက်တစ်ခုကို ကုလက အတည်ပြုခဲ့သည်။

Ref: Aljazeera