အစ္စရေးက ဂျေရုစလင်တွင် ခရစ်ယာန်ပပျောက်အောင်လုပ်မှုအတွက် Holy Sepulchre ဘုရားကျောင်းကို ပိတ်ပစ်ရန် ခရစ်ယာန်အသင်းတော်များ ဆုံးဖြတ်

ဖေဖော်ဝါရီ ၂၅၊ ၂၀၁၈
M-Media

Church of the Holy Sepulchre ဘုရားကျောင်း အတွင်းပိုင်း

– ခရစ်ယာန်ဘာသာဝင်တွေရဲ့ အမြင့်မြတ်ဆုံး ဘုရားကျောင်းတစ်ခုဖြစ်တဲ့ ဂျေရုစလင်က Church of the Holy Sepulchre ကို လုံးဝပိတ်ပစ်ကြောင်း ဂိုဏ်းချုပ်ဘုန်းတော်ကြီးတွေက ဒီနေ့မှာ ကြေငြာလိုက်ပြီး မြင့်မြတ်ရာမြို့အတွင်း ခရစ်ယာန်ဘာသာဝင်တွေ တည်ရှိမှုကို အားနည်းသွားအောင်လုပ်တဲ့ အစ္စရေးရဲ့ ‘ခွဲခြားဆက်ဆံတဲ့’ ပေါ်လစီကြောင့် ဖြစ်တယ်လို့ ပြောကြားလိုက်ပါတယ်။

ဘုရားကျောင်းခေါင်းဆောင်တွေက ဒီကနေ့ထုတ်ပြန်တဲ့ ကြေငြာချက်မှာ အစ္စရေးဟာ ခရစ်ယာသာသနာဝင်တွေရဲ့ အမြင့်မြတ်ဆုံးနေရာတွေထဲက တစ်ခုဖြစ်တဲ့ ဂျေရုစလင်ရဲ့ လက်ရှိ အနေအထားကို ‘မကြံစဖူးအနေအထားနဲ့’ ပျက်ယွင်းအောင်လုပ်နေတယ်လို့ ဖော်ပြထားပါတယ်။

Church of the Holy Sepulchre ဘုရားကျောင်းဟာ ခရစ်တော် ကားစင်တင် အသတ်ခံရပြီး မြှုပ်နှံခဲ့ရာနေရာလို့ ခရစ်ယာန်တွေက ယုံကြည်ကြပြီး ခရစ်ယာန်ဘုရားဖူးတွေ လာရောက်လည်ပတ်ရာ နေရာလည်း ဖြစ်ပါတယ်။

ဘုရားကျောင်းရဲ့ ပိုင်ဆိုင်မှုတွေကို အစ္စရေးအစိုးရက သိမ်းယူကာ ပုဂ္ဂလိကကုမ္ပဏီတွေကို ရောင်းချခွင့်ပြုတဲ့ မူကြမ်းကို အစ္စရေးလွှတ်တော်မှာ မကြာသေးခင်က အတည်ပြုခဲ့ပြီး ခရစ်ယာန်အသင်းတော်တွေက ဒီဥပဒေဟာ ‘ခရစ်ယာန်တွေနဲ့ ခရစ်ယာန်ဘုရားကျောင်းတွေအပေါ် အစ္စရေးရဲ့ စနစ်တကျ ဖိနှိပ်မှုလုပ်ငန်း အမြင့်ဆုံးကို ရောက်စေကာ ခရစ်ယာန်လူ့အဖွဲ့အစည်းတစ်ခုလုံးရဲ့ ပိုင်ဆိုင်မှုတွေကို ပစ်မှတ်ထားတဲ့ လူမျိုးရေးခွဲခြားမှုဥပဒေဖြစ်တယ်’ လို့ ပြောဆိုရှုတ်ချခဲ့ပါတယ်။

အဲဒီကြေငြာချက်ကို ရိုမန်ကက်သလစ်အသင်းတော်၊ အာမေးနီးယားအသင်းတော်၊ ဂရိအော်သိုဒေါ့စ်အသင်းတော် ခေါင်းဆောင်တွေက လက်မှတ်ရေးထိုးထားတာဖြစ်ပြီး ဘုရားကျောင်းပိုင် ပစ္စည်းတွေအပေါ် အခွန်ကောက်ခံမယ့် အစ္စရေးအစိုးရရဲ့ အစီအစဉ်ကိုလည်း ရှုတ်ချခဲ့ပါတယ်။

“ဘုရားကျောင်းတွေရဲ့ အခွင့်အရေး၊ အခွင့်ထူးတွေနဲ့ပတ်သက်တဲ့ ရှိပြီးသား သဘောတူညီချက်တွေ၊ နိုင်ငံတကာ စည်းမျဉ်းတွေကို ဒီလုပ်ရပ်တွေက ချိုးဖောက်နေပြီး ဂျေရုစလင်မှာ ခရစ်ယာန်သာသနာ တည်ရှိမှုကို အားနည်းသွားအောင်လုပ်တဲ့ ကြိုးပမ်းမှုတစ်ခု ဖြစ်ပါတယ်” လို့ ခရစ်ယာန်ခေါင်းဆောင်တွေရဲ့ ကြေငြာချက်မှာ
ဖ်ာပြထားပါတယ်။

Church of the Holy Sepulchre ခရစ်ယာန်ဘုရားကျောင်းဟာ အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် ဂျေရုစလင်မြို့ဟောင်းမှာ တည်ရှိတာပါ။

ပါလက်စတိုင်း ညှိနှိုင်းရေးမှူး ဆအီစ်ဘ် အီရီကတ်က ခရစ်ယာန်အသင်းတော်တွေရဲ့ ဒီတုန့်ပြန်မှုဟာ ‘အစ္စရေးက ပါလက်စတိုင်းပိုက်နက်တွေ ကျူးကျော်သိမ်းပိုက်မှုကို အဆုံးသတ်ဖို့ လိုအပ်တယ်ဆိုတာကို သတိပေးမှု’ ဖြစ်တယ်လို့ ပြောကြားခဲ့ပါတယ်။

Ref: Aljazeera