အစ္စရေး၏ ပိတ်ဆို့မှုရလဒ်ကြောင့် ဂါဇာတွင် သေဆုံးသူ ၁၀၀၀ ကျော်ပြီ

ဖေဖော်ဝါရီ ၂၇၊ ၂၀၁၈
M-Media

– ပါလက်စတိုင်းပိုင် ဂါဇာကမ်းမြှောင်ဒေသအား အစ္စရေးက ပိတ်ဆို့ထားမှု ရလဒ်ကြောင့် သေဆုံးရသူများမှာ ၁၀၀၀ ကျော် ရှိလာခဲ့တယ်လို့ အကူအညီပေးရေးအဖွဲ့တွေက ပြောကြားလိုက်ပါတယ်။

အကူအညီပေးရေးအဖွဲ့များဆိုင်ရာ ညှိနှိုင်းရေးမှူး အဟ်မဒ် အလ်-ကာ့ဒ်က ပြီးခဲ့တဲ့ရက်ပိုင်းအတွင်း လမစေ့ဘဲ မွေးလာတဲ့ ကလေးငယ် ၅ ဦး သေဆုံးခဲ့ပြီး ဆေးဝါးကုသမှု ချို့တဲ့တာကြောင့် ဖြစ်တယ်လို့ ဆိုပါတယ်။

“ပိတ်ဆို့မှုကြောင့် သေဆုံးရသူ ၁၀၀၀ လောက်မှာ ၄၅၀ က ဂါဇာကမ်းမြှောင်မှာ ကျန်းမာရေးစောင့်ရှောက်မှုအခြေအနေ ဆိုးရွားတာကြောင့် ဖြစ်ပါတယ်။ ဥပမာအားဖြင့် ဆေးဝါးတွေမရှိတာ၊ ဒေသပြင်ပထွက်ပြီး ဆေးဝါးကုသခွင့် မရတာတွေကြောင့်ပါ”

ရေနံ လျှပ်စစ်မီးတွေ ပြတ်တောက်မှု၊ ဆေးဝါးတွေမရှိမှု၊ ဆရာဝန်တွေ ခွဲစိပ်ကုသမှု မလုပ်နိုင်မှုတွေကြောင့် ဂါဇာကမ်းမြှောင်ရဲ့ အခြေအနေဟာ အလွန်ဆိုးဝါးနေတာပါ။

ကာ့ဒ်က လျှပ်စစ်အတွက် အခြားနည်းလမ်းတွေ အသုံးပြုရတာကြောင့် ၂၀၀၆ ခုနှစ်ကတည်းက သေဆုံးသူ အရေအတွက်ဟာ ၁၀၀ လောက်ရှိပြီလို့ ထည့်သွင်းပြောဆိုခဲ့ပါတယ်။

“ဖယောင်းတိုင်၊ ထင်းနဲ့ မီးစက်တွေ သုံးရတာကြောင့် အိမ်တွေ မီးလောင်မှုဖြစ်ပြီး ကလေးတွေနဲ့ လူကြီးတွေ သေဆုံးခဲ့ရပါတယ်”

စိုက်ပျိုးရေး၊ ငါးဖမ်းလုပ်ငန်းနဲ့ လှိုဏ်ခေါင်းဖောက် ကုန်သွယ်မှုတွေအတွင်း သေဆုံးရတဲ့ အလုပ်သမားအရေအတွက်ဟာ ၃၅၀ ရှိတယ်လို့ သူက ဆိုပါတယ်။

အစ္စရေးဟာ ဂါဇာကမ်းမြှောင်ကို ၂၀၀၆ ခုနှစ်ကတည်းက ပိတ်ဆို့ထားတာဖြစ်ပြီး ကျူးကျော်တိုက်ခိုက်မှုတွေကိုလည်း မကြာခဏ ဆောင်ရွက်ခဲ့ပါတယ်။

ကာ့ဒ်ကတော့ ပါလက်စတိုင်းပြည်သူ ၂ သန်းလောက်နေထိုင်တဲ့ ဂါဇာကမ်းမြှောင်ဟာ ကမ္ဘာ့ အကြီးဆုံး ထောင်ကြီးဖြစ်နေတယ်လို့ ဆိုပါတယ်။

“ဂါဇာဟာ ကျန်းမာရေး၊ သဘာဝပတ်ဝန်းကျင်၊ လူမှုရေး၊ စွမ်းအင် စသဖြင့် နယ်ပယ်အားလုံးမှာ ဘေးဒုက္ခဆိုးကြီးနဲ့ ရင်ဆိုင်နေရပါတယ် ”

Ref: Aljazeera