အမုန်းစကားနှင့် အကြမ်းဖက်ရန်လှုံ့ဆော်မှုကြောင့် ဗုဒ္ဒစ်ဘင်လာဒင်၏အကောင့်ကို ပိတ်ပစ်ခဲ့ဟု Facebook အတည်ပြု

ဖေဖော်ဝါရီ ၂၇၊ ၂၀၁၈
M-Media

– ‘မွတ်စလင်တွေအပေါ် မုန်းတီးအောင် လှုံ့ဆော်တဲ့ပို့စ်တွေ’ တင်တဲ့အတွက့်  ဗုဒ္ဒစ်ဘင်လာဒင်လို့ အမည်ရတဲ့ ဦးဝီရသူရဲ့ အကောင့်ကို ဖယ်ရှားလိုက်တယ်လို့ Facebook က အတည်ပြု ပြောကြားလိုက်ပါတယ်။

အစွန်းရောက် အမျိုးသားရေးလှုပ်ရှားမှုကို ဦးဆောင်တဲ့ ဦးဝီရသူရဲ့ Facbook စာမျက်နှာမှာ follower သိန်းချီရှိနေပြီး သူက မွတ်စလင်တွေကို တိုက်ခိုက်ဖို့၊ ရိုဟင်ဂျာတွေကို ဝေဖန်ဖို့ အသုံးပြုနေတာ ဖြစ်ပါတယ်။

Facebook တာဝန်ရှိသူတစ်ဦးက ဦးဝီရသူရဲ့ စာမျက်နှာကို ဖယ်ရှားခဲ့တယ်ဆိုတာ မနေ့က AFP သတင်းဌာနကို အတည်ပြု ပြောကြားခဲ့ပါတယ်။

“ကျွန်တော်တို့ရဲ့ Community Standards စံနှုန်းအရ အခြားသူတွေအပေါ် မလိုမုန်းထားဖို့၊ အကြမ်းဖက်ဖို့ လှုံ့ဆော်တဲ့ အဖွဲ့အစည်းတွေ၊ လူတွေကို လက်မခံပါဘူး။ မုန်းတီးအောင် လှုံ့ဆော်တဲ့အရာတွေကို လူတစ်ယောက်က အဆက်မပြတ် တင်လာပြီဆိုရင် သူတို့ ပို့စ်တင်လို့မရအောင် ယာယီပိတ်ပစ်တာမျိုးကနေ သူတို့ရဲ့ အကောင့်ကို ဖယ်ရှားတာမျိုးအထိ ကျွန်တော်တို့ အရေးယူ ဆောင်ရွက်ပါတယ်” လို့ အီမေးလ်ကနေတစ်ဆင့် Facebook ပြောရေးဆိုခွင့်က ပြောကြားခဲ့တာပါ။

ဦးဝီရသူရဲ့ Facebook စာမျက်နှာက ဇန်န၀ါရီ နှောင်းပိုင်းကတည်းက ဖယ်ရှားခံရတာ ဖြစ်ပါတယ်။

ပြီးခဲ့တဲ့နှစ်အတွင်း ရက် ၃၀ ယာယီပိတ်ခံရတဲ့အချိန်မှာ ဦးဝီရသူက ‘Facebook ကို မွတ်စလင်တွေ အပိုင်စီးပွားပြီ’ လို့ Youtube ဗီဒီယိုကနေ ပြောကြားဖူးပါတယ်။

၂၀၁၃ ခုနှစ်မှာ စစ်တပ်တစ်ပိုင်း အစိုးရက ဆက်သွယ်ရေးလုပ်ငန်းတွေ ဖွင့်ပေးခဲ့တဲ့နောက်ပိုင်းမှာ Facebook အသုံးပြုမှုဟာ မြန်မာနိုင်ငံမှာ ကြီးထွားလာခဲ့ပြီး ဦးဝီရသူလို သဘောထားတင်းမာတဲ့ ဘုန်းကြီးတွေဟာ မွတ်စလင်မုန်းတီးရေးလုပ်ဖို့အတွက် Facebook ကို ကောင်းကောင်း အသုံးချခဲ့ပါတယ်။

ရန်ကုန်အခြေစိုက် ဘာသာပေါင်းစုံ တက်ကြွလှုပ်ရှားသူ ကိုသက်ဆွေဝင်းကတော့ Facebook ရဲ့ ဒီလုပ်ရပ်ဟာ အမုန်းစကားအပေါ် သည်းမခံဘူးဆိုတဲ့ ထင်ရှားတဲ့ ပြယုဂ်တစ်ခုဖြစ်ပေမယ့်၊ တကယ်တမ်း ပြဿနာကို မဖြေရှင်းနိုင်သေးဘူးလို့ သတိပေးခဲ့ပါတယ်။

“အကောင့်ကို ဖယ်ရှားလိုက်ပေမယ့် သူ့ရဲ့ ဗီဒီယိုတွေ ဘာသာရေးမုန်းတီးစေတဲ့ ဟောပြောမှုတွေကို မဖယ်ရှားသေးပါဘူး။ ဒါတွေဟာ Facebook မှာ ဆက်ရှိနေပြီး သူ့နောက်လိုက်တွေက ထပ်ဖြန့်နေကြပါတယ်”

Ref: straitstimes