Microsof Word ကို ကျောက်သင်ပုန်းနဲ့သင်တဲ့ ဂါနာကျောင်းဆရာကို မိုက်ခရိုဆော့ဖ်က ကွန်ပျူတာပို့ပေးမည်

မတ် ၁၊ ၂၀၁၈
M-Media

– တပည့်တွေကို ကျောက်သင်ပုန်းနဲ့ ကွန်ပျူတာသင်တဲ့ ဂါနာက ကျောင်းဆရာတစ်ယောက်ရဲ့အကြောင်း အွန်လိုင်းမှာ ဟိုးလေးတစ်ကျော်ကျော် ဖြစ်ခဲ့ပြီးတဲ့နောက် မိုက်ခရိုဆော့ဖ်က ကွန်ပျူတာတစ်စုံ ပေးပို့သွား မယ်လို့ ပြောကြားလိုက်ပါတယ်။

နိုင်ငံရဲ့ ဒုတိယမြို့တော် ကူမာဆီက ရစ်ချက် အပီယာ အကိုတိုဆိုတဲ့ ကျောင်းဆရာဟာ ကျောင်းမှာ ကွန်ပျူတာမရှိတဲ့အတွက် Microsot Word ပရိုဂရမ်ကို ကျောက်သင်ပုံးနဲ့ သင်ကြားနေတဲ့ ပုံတွေကို Facebook စာမျက်မှာ လွှင့်တင်ခဲ့ပြီး “ဂါနာကကျောင်းမှာ နည်းပညာကို သင်ကြားရတာ အလွန်ရယ်စရာကောင်းပါတယ်” ဆိုတဲ့ မှတ်ချက်ကိုလည်း ရေးသားခဲ့ပါတယ်။

သူ့ရဲ့ အဲဒီဓာတ်ပုံတွေကို ထောင်သောင်းချီ ပြန်လည်မျှဝေခဲ့ကြပြီးတဲ့နောက် မိုက်ခရိုဆော့ဖ်က ကွန်ပျူတာအသစ်တစ်စုံ ပေးပို့သွားမယ်လို့ ကြေငြာခဲ့တာပါ။

“ကျောင်းသူကျောင်းသားတွေကို ကျွန်တော်ချစ်တယ်။ သူတို့ နားလည်စေမယ့် ပုံစံမျိုးနဲ့ ကျွန်တော် သင်ကြားရတာ ဖြစ်ပါတယ်” လို့လည်း သူက ထည့်သွင်း ရေးသားခဲ့ပါတယ်။

မစ္စတာ အကိုတိုဟာ Betenase M/A Junior အထက်တန်ကျောင်းမှာ နည်းပညာသင်ကြားသူပါ။ အဲဒီကျောင်းမှာ ၂၀၁၁ ခုနှစ်ကတည်းကစလို့ ကွန်ပျူတာမရှိတော့ပေမယ့် ကျောင်းသားတွေဟာ အတန်းတက်ဖို့ဆိုရင် ICT စာမေးပွဲကို အောင်ဖို့လိုတာကြောင့် အကိုတိုက ကျောက်သင်ပုန်းအသုံးပြုကာ ကွန်ပျူတာကို သင်ကြားတာ ဖြစ်ပါတယ်။

ဖေဖော်ဝါရီလ အလယ်ပိုင်းလောက်ကတည်းက လွှင့်တင်ထားတဲ့ ဒီပုံတွေကို တွေ့ရှိခဲ့ပြီးနောက် လူတော်တော်များများက သူ့ရဲ့ ကြိုးပမ်းအားထုတ်မှုအတွက် ချီးကျူးခဲ့ကြပါတယ်။

“ကျောက်သင်ပုန်းမှာ ဒီလိုဆွဲပြီးသင်ရတာဟာ ကျွန်တော့်ဘ၀မှာ ပထမဆုံး မဟုတ်ပါဘူး။ စာသင်ခန်းတဲ့ရောက်တဲ့ ဒီလိုမျိုးပဲ ကျွန်တော် သင်ရတာပါ။ Facebook မှာ ပုံတင်ရတာကို ကြိုက်တဲ့အတွက်ကြောင့် ဒီလိုပဲ တင်လိုက်တာပါ။ လူတွေက သတိထားလိမ့်မယ်လို့ ကျွန်တော် တကယ်မသိခဲ့ပါဘူး” လို့ သူက Quartz Africa
ကို ပြောကြားခဲ့ပါတယ်။

စွန့်ဦးတီထွင်လုပ်ငန်းရှင်တစ်ယောက်ဖြစ်တဲ့ ရေဘက်ကာ အီနွန်ချောင်က ဒီပုံတွေကို Microsoft Africa ထံ တစ်ဆင့်မျှဝေခဲ့ပြီး အကိုတိုဟာ သူတို့ရဲ့ ထုတ်ကုန်တွေကို တကယ်အသုံးမပြုနိုင်ဘဲနဲ့ သင်ကြားနေရတယ်ဆိုတာ ပြောပြခဲ့ပါတယ်။

အဲဒီနောက်မှာ မိုက်ခရိုဆော့ဖ်က အကိုတိုထံ ကွန်ပျူတာတစ်စုံနဲ့ သင်ထောက်ကူပစ္စည်းတွေ ပေးပို့သွားမယ်လို့ အင်္ဂါနေ့မှာ ကြေငြာခဲ့ပါတယ်။

Ref: BBC