ဆော်ဒီ၏ ပထမဆုံး အမျိုးသမီး ဖာရာရီကားပိုင်ရှင် အခမ်းအနားတစ်ခုတွင် ဂုဏ်ပြုခံရ

မတ် ၁၊ ၂၀၁၈
M-Media

– ဆော်ဒီ ကားအသင်းက ပထမဆုံး အမျိုးသမီး ဘုတ်အဖွဲ့ဝင်ဖြစ်ပြီး နိုင်ငံအတွင်း ပထမဆုံး ဖာရာရီကားပိုင်တဲ့ အမျိုးသမီးလည်းဖြစ်တဲ့ အဆီလ် အလ်-ဟာမဒ်ဟာ ဂျစ်ဒါမှာကျင်းပတဲ့ အခမ်းတစ်ခုတစ်ခုမှာ ဂုဏ်ပြုခံခဲ့ရပါတယ်။

အီတလီယဉ်ကျေးမှုစင်တာမှာ ‘Saudi Women Can Drive’ ဆိုတဲ့ခေါင်းစဉ်နဲ့ ဖေဖော်ဝါရီ ၂၇ ရက်နေ့က ကျင်းပခဲ့တဲ့ အဲဒီအခမ်းအနားကို အီတလီအစိုးရ ဒုတိယအတွင်းရေးမှူး ဗင်ဆန်ဇို အေမန်ဒိုလာ၊ ဆော်ဒီဆိုင်ရာ အီတလီသံအမတ် လူကာ ဖရာရီတို့အပါအ၀င် အထူးဧည့်သည်တော်တွေ တက်ရောက်ခဲ့ပြီး အမျိုးသမီးတွေကို ကားမောင်းခွင့် ပိတ်ပင်ထားတာကို ဖယ်ရှားပေးတဲ့ ဘုရင်ဆလ်မန်ကို ချီးကျူးခဲ့ကြပါတယ်။

စီပွားရေးလုပ်ငန်းရှင်တစ်ယောက်ဖြစ်ပြီး၊ အိမ်တွင်းဒီဇိုင်းဆိုင်ရာ အင်ဂျင်နီယာလည်းဖြစ်တဲ့ ဆော်ဒီအမျိုးသမီး အလ်-ဟာမဒ်ဟာ ဖာရာရီကားတွေကို အရူးအမူး စွဲလမ်းသူတစ်ယောက်ပါ။ ဘုရင်ဆလ်မန်က ဆော်ဒီအမျိုးတွေကို ကားမောင်းခွင့်ပြုလိုက်တာဟာ ‘တိုင်းပြည်ရဲ့ လူမှုရေးနဲ့ စီးပွားရေးမှာ အပြုသဘောဆောင်တဲ့ ရလဒ်တွေ’ ရရှိလိမ့်မယ်လို့ သူက ပြောကြားခဲ့ပါတယ်။

“ဒီဆုံးဖြတ်ချက်အတွက် အခြား ဆော်ဒီအမျိုးသမီးတွေလိုပဲ ကျွန်မ အရမ်းကို ပီတိဖြစ်ရပါတယ်။ ကျွန်မ အိမ်မက်ခဲ့ရတဲ့ကားကို ၀ယ်ဖို့ ဆုံးဖြတ်ခဲ့တာကလည်း ကျွန်မရဲ့ချမှတ်ခဲ့တာတွေထဲမှာ အကောင်းဆုံးပါပဲ။ မကြာခင် ကားမောင်းရတော့မယ့်အတွက် အရမ်းကို ပျော်ရွှင်နေပါတယ်”

အီတလီအစိုးရ တာဝန်ရှိသူ အေမန်ဒိုလာက ဆော်ဒီအစိုးရအနေနဲ့ အမျိုးသမီးတွေကို ကားမောင်းခွင့်ပြုလိုက်တာဟာ နိုင်ငံအတွင်းက လူ့စွမ်းအားတွေကို အသုံးပြုရေး အထောက်အကူဖြစ်စေမှာဖြစ်ပြီး၊ အစိုးရက ရည်မှန်းထားတဲ့ ပြုပြင်ပြောင်းလဲရေးတွေ အောင်မြင်ဖို့အတွက် အထောက်အပံ့ဖြစ်မှာဖြစ်တယ်လို့ ပြောကြားခဲ့
ပါတယ်။

“ကျွန်တော်တို့နှစ်နိုင်ငံရဲ့ ဆက်ဆံရေးဟာ သမိုင်းနဲ့ချီရှိခဲ့ပြီး အခုအချိန်မှာတော့ ကျွန်တော်တို့ အတူလက်တွဲလုပ်နေတဲ့ စီမံကိန်းတွေလည်း တော်တော်များများ ရှိနေပါတယ်”

ဓလေ့ထုံးတမ်းအရ အမျိုးသမီး ကားမောင်းခွင့် ပိတ်ပင်ထားမှုကို ပယ်ဖျက်ကြောင်း ဆော်ဒီက ပြီးခဲ့တဲ့နှစ်မှာ ကြေငြာခဲ့ပြီး ဒါဟာ ဆော်ဒီအစိုးရရဲ့ လူမှုစီးပွားရေး ပြုပြင်ပြောင်းလဲမှု တစ်စိတ်တစ်ပိုင်းလည်း ဖြစ်ပါတယ်။

ဆော်ဒီအမျိုးသမီးတွေဟာ ဇန်လ ၂၄ ရက်နေ့ကစပြီး နိုင်ငံအတွင်းမှာ လွတ်လပ်စွာ ကားမောင်နိုင်တော့မှာ ဖြစ်ပါတယ်။

Ref: ArabNews