ကင်ညာဆေးရုံကြီးတွင် လူနာမှားယွင်းခွဲစိပ်မှု ဖြစ်ပွား

မတ် ၂၊ ၂၀၁၈
M-Media

– ကင်ညာနိုင်ငံ မြို့တော်နိုင်ရိုဘီက ကန်ယက်တာဆေးရုံကြီးမှာ လူနာမှားပြီး ဦးနှောက်ခွဲစိပ်မှုတစ်ခု ဖြစ်ပွားခဲ့ကာ တာဝန်ရှိတဲ့ ၀န်ထမ်း ၄ ဦးကို တာဝန်ကနေ ရပ်ဆိုင်းထားပါတယ်။

ဦးနှောက်ထဲမှာ သွေးခဲနေတဲ့ လူနာတစ်ဦးကို ခွဲစိပ်ဖယ်ရှားပေးဖို့ ရှိရာမှာ ဆရာဝန်တွေက လူနာမှားခွဲခဲ့တာ ဖြစ်ပါတယ်။ မှားခွဲခံရတဲ့လူနာက ဦးနှောက်မှာ အကြိတ်ဖြစ်နေပေမယ့် ခွဲစိပ်စရာမလိုသူပါ။

ဆရာဝန်တွေဟာ ဦးနှောက်ကို ဖောက်ပြီးတဲ့နောက် သွေးခဲမတွေ့တော့မှ သူတို့ လူနာမှားယွင်းနေတဲ့အကြောင်း သိရှိခဲ့တာဖြစ်ပါတယ်။

ကန်ယက်တာဆေးရုံရဲ့ အကြီးအကဲက မှားယွင်း ခွဲစိပ်ခံခဲ့ရတဲ့ လူနာဟာ ပြန်လည်သက်သာလာပြီး အခြေအနေ တိုးတက်ကောင်းမွန်နေကာ ဒီဖြစ်ရပ်တွက် စုံစမ်းစစ်ဆေးမှုတွေ ပြုလုပ်နေတယ်လို့ ပြောကြားခဲ့ပါတယ်။

ကင်ညာဆေးဘက်ဆိုင်ရာ ဘုတ်အဖွဲ့က ဒီလိုမှားယွင်းမှုမျိုးဟာ နိုင်ငံအတွင်းမှာ ပထမဆုံးဖြစ်တယ်လို့ ပြောကြားခဲ့ပြီး ဆေးရုံကနေ ထုချေလွှာတောင်းတာကာ ခေါ်ယူစစ်ဆေးဖို့လည်း ရှိနေပါတယ်။

ကလေးမီးဖွားခါစ အမျိုးသမီးတွေအပေါ် လိင်ပိုင်းဆိုင်ရာ စော်ကားမှုတွေ ကန်ယက်တာဆေးရုံမှာ ဖြစ်ပွားခဲ့တာကြောင့် စုံစမ်းစစ်ဆေးမှုတွေလုပ်ဖို့ ကျန်းမာရေးဝန်ကြီးက အမိန့်ပေးခဲ့ပြီး ၆ ပတ်အကြာမှာ ဒီဖြစ်စဉ် ပေါ်ပေါက်လာတာပါ။

ဆေးရုံစီအီးအို လီလီ ကိုရို့စ်က အဖြစ်အပျက်အတွက် အလွန်အမင်းဝမ်းနည်းမိကြောင်း ပြောကြားခဲ့ပြီး လူနာတွေ လုံခြုံစိတ်ချရစေဖို့ တတ်နိုင်သမျှ အားလုံး လုပ်ဆောင်ထားတယ်လို့ ဆိုပါတယ်။

လက်ရှိမှာတော့ ဦးနှောက်နဲ့အာရုံကြော ခွဲစိပ်ဆရာဝန်၊ လူနာဆောင် သူနာပြု၊ ခွဲစိပ်ခန်းသူနာပြုနဲ့ မေ့ဆေးဆရာဝန်တွေကို တာဝန်ကနေ ရပ်ဆိုင်းထားတယ်လို့လည်း သူမက ထည့်သွင်း ပြောကြားခဲ့ပါတယ်။

ဒါပေမယ့် ဆေးရုံက လုပ်ဖော်ကိုင်ဖက်တွေကတော့ ဒီလို အရေးယူတာကို ဆန့်ကျင်ခဲ့ပြီး လူနာမှတ်တမ်း ချိတ်သူကိုသာ အပြစ်ပေးရမယ်လို့ ဆိုပါတယ်။

ဆရာဝန်များသမဂ္ဂကလည်း ကန်ယက်တာဆေးရုံမှာ ၀န်ထမ်းမလုံလောက်မှု၊ ခွဲစိပ်ခန်း နေရာကျဉ်းမှု စတဲ့ ပြဿနာတွေ ရှိနေကြောင်း ပြောကြားခဲ့ပါတယ်။

Ref: BBC