အိမ်ယာမဲ့များ ညဖက်ဝင်အိပ်နိုင်ရန် ယူကေဗလီများ စီစဉ်ပေးထား

မတ် ၃၊ ၂၀၁၈
M-Media

– လန်ဒန်မြို့ ဂရိတ်တား မန်ချက်စတာဒေသက ဗလီဝတ်ကျောင်းတော်တွေဟာ အိမ်ယာမဲ့တွေကို ညဖက် ဗလီထဲမှာ ၀င်အိပ်နိုင်အောင် စီစဉ်ပေးနေပြီး အေးခဲနေတဲ့ ရာသီဥတုမှာ သူတို့ ကြုံတွေ့နေတဲ့ ဒုက္ခတစ်ခုကို ပြေလည်စေဖို့ ရည်ရွယ်တာ ဖြစ်ပါတယ်။

ပြီးခဲ့တဲ့ ရက်တွေအတွင်း ဥရောပတစ်ဝှမ်းမှာ အလွန်အေးလာတာကြောင့် လောင်းဆိုက်ရပ်ကွက်က Makki ဗလီဝတ်ကျောင်းတော်၊ အိုလ်ဟမ်ရပ်ကွက်က ‘ဥရောပအစ္စလာမ့်စင်တာ’ တို့ဟာ လမ်းပေါ်မှာအိပ်ရတဲ့ အိမ်ယာမဲ့တွေကို ဗလီဝတ်ကျောင်းတော်ထဲမှာ ၀င်အိပ်နိုင်အောင်၊ ပူပူနွေးနွေး အစားအသောက်တွေ စားသောက်နိုင်အောင်၊ ရေမိုးချိုးနိုင်အောင် စီစဉ်ပေးခဲ့ကြပါတယ်။

ချီတ်ဟမ်ဟေးလ်က Khizra ဗလီဝတ်ကျောင်းတော်ဟာလည်း နေ့ခင်းဖက်မှာ အိမ်ယာမဲ့တွေကို ၀င်ရောက်နေထိုင်ခွင့် ပေးထားပြီး သူတို့ကိုကူညီပေးဖို့အတွက် Booth Center နဲ့ ပူးပေါင်းဆောင်ရွက်နေပါတယ်။

Makki ဗလီဝတ်ကျောင်းရဲ့ တာဝန်ရှိသတစ်ဦးက ကြာသာပတေးနေ့မှာ အိမ်ယာမဲ့ ၅ ယောက်လောက်ကို ဗလီဝတ်ကျောင်းတော်အတွင်းမှာ သိပ်ခဲ့ပြီး သောကြာနေ့မှာလည်း ဒီလိုမျိုး ဆက်လက်စီစဉ်ပေးသွားမယ်လို့ ပြောကြားခဲ့ပါတယ်။

အိုလ်ဟမ်မြို့ကောင်စီဝင်တစ်ဦးဖြစ်သူ ဖီဒါဟူစိန်က ‘ဥရောပအစ္စလာမ့်စင်တာ’ ကို နောက်ထပ် ၇ ရက် ဒါမှမဟုတ် ရာသီဥတု ကောင်းလာတဲ့အထိ ဖွင့်ပေးသွားမယ်လို့ ပြောကြားခဲ့ပါတယ်။

“လိုအပ်နေတဲ့သူတွေကို ပြည်သူတွေက လာရောက်ကူညီတာ အားရစရာကောင်းပါတယ်။ အိုလ်ဟမ်မှာ စေတနာ့ဝန်ထမ်းတွေဟာ အေးနေတဲ့ကြားထဲက ထွက်ပြီး မြို့အတွင်းမှာ အိမ်ယာမဲ့တွေကို ရှာဖွေကာ ဒီစင်တာကို ခေါ်လာကြပါတယ်”

တက္ကဆီသမားတွေကလည်း အိမ်ယာမဲ့တွေကို အခမဲ့ ခေါ်လာပေးကြောင်း၊ ပတ်ဝန်းကျင်အိမ်တွေက ဟင်းအမျိုးမျိုးချက်ကာ စင်တာကိုပို့ပြီး အိမ်ယာမဲ့တွေကို ကျွေးမွေးကြကြောင်း ဟူစိန်က ထည့်သွင်းပြောဆိုခဲ့ပါတယ်။

“တွေ့ရမြင်ရတာ အရမ်းကို ကြည်နူးစရာကောင်းပါတယ်”

KHizra ဗလီဝတ်ကျောင်းတော်က သူတို့အနေနဲ့ ညဖက် အိပ်စရာမရှိသူတွေကို ဆက်လက်နေရာပေးသွားမှာဖြစ်ကြောင်း၊ ဗလီဝတ်ကျောင်းတော်ကို လာရောက်ဖို့ ကုန်ကျစားရိတ်ကိုလည်း ကျခံသွားမှာဖြစ်ကြောင်း ပြောကြားခဲ့ပါတယ်။

Oldham Food Aid Hub အဖွဲ့ကတော့ ညဖက် အိပ်စရာမရှိတဲ့ အိမ်ယာမဲ့တွေကိုတွေ့ရင် နီးစပ်ရာဗလီတွေကို ပို့ပေးဖို့ ပြည်သူတွေကို ဆိုရှယ်မီဒီယာကနေတစ်ဆင့် တိုက်တွန်းထားကာ တက္ကဆီခ ပေးမယ်လို့လည်း ပြောကြားထားပါတယ်။

Ref : Manchester Evening News