အမေရိကန်တက္ကသိုလ်တွင် ကျောင်းသားတစ်ဦးက မိဘများအား ပစ်ခတ်သတ်မှု ဖြစ်ပွား

မတ် ၃၊ ၂၀၁၈
M-Media

သေနတ်ကိုင်ဆောင်ခွင့်ထိန်းချုပ်ရေး အမေရိကန်ပြည်သူများ ဆန္ဒပြမှုတစ်ခု

– အမေရိကန်နိုင်ငံ Central Michigan တက္ကသိုလ်တွင် ကျောင်းသားတစ်ဦးက ကျောင်းဘော်ဒါဆောင်တွင် မိဘနှစ်ဦးအား သေနတ်ဖြင့် ပစ်ခတ်သတ်ဖြတ်မှု ဖြစ်ပွားခဲ့သည်ဟု သိရသည်။

သောကြာနေ့မနက်ပိုင်းက ဖြစ်ပွားခဲ့ခြင်းဖြစ်ပြီး ကျူးလွန်သူမှာ အသက် ၁၉ နှစ်အရွယ် ဂျိမ်းစ် အဲရစ် ဒါဗစ် ဖြစ်သည်ဟု တက္ကသိုလ် တာဝန်ရှိသူများက ပြောကြားခဲ့သည်။ ၎င်း၏ မိဘများမှာ နွေဦးရာသီ ကျောင်းပိတ်ရက်အတွက် လာခေါ်ခြင်းဖြစ်သည်။

ရဲတပ်ဖွဲ့က ထိုအဖြစ်အပျက်မဖြစ်ပွားခင် ဒါဗစ်အား မူယစ်ဆေးနှင့်ပတ်သက်သည့် ပြဿနာကြောင့် ဆေးရုံသို့ ပို့ဆောင်ပေးခဲ့ရသည်ဟု ယမန်နေ့ သတင်းစာရှင်းလင်းပွဲတွင် ပြောကြားခဲ့သည်။ ယခုပစ်ခတ်မှုမှာ အိမ်တွင်းရေးကိစ္စကြောင့် ဖြစ်မည်ဟု ရဲတပ်ဖွဲ့က ယုံကြည်နေသည်။

ဒါဗစ်မှာ မိဘများအား သေနတ်ဖြင့် ပစ်သတ်ခဲ့ပြီးနောက် ထွက်ပြေးသွားခဲ့ပြီး ရဲတပ်ဖွဲ့က ၎င်းအား ရထားပေါ်တွင် ဖမ်းဆီးရမိခဲ့သည်။

ပစ်ခတ်မှုအတွင်း အခြား ထိခိုက်ဒဏ်ရာရသူများ မရှိချေ။

ယခုဖြစ်ရပ်မှာ နိုင်ငံတစ်ဝှမ်း စာသင်ကျောင်းများတွင် လတ်တလောဖြစ်ပွားသည့် ပစ်ခတ်မှုများထဲမှ တစ်ခုလည်းဖြစ်သည်။

ကြာသာပတေးနေ့က အိုဟိုင်းယိုးရှိ အလယ်တန်းကျောင်းတစ်ခုတွင် အသက် ၁၃ နှစ်အရွယ် ကိသ်ဆိုင်မွန်ဆိုသူမှာ သေနတ်တစ်လက်ကို ကိုင်ဆောင်ကာ ကျောင်းအတွင်း လျှောက်သွားနေခဲ့ပြီး လူအစုလိုက်အပြုံလိုက်ကို သေနတ်ဖြင့် ပစ်ခတ်မည့်ပုံ ရသော်လည်း နောက်ပိုင်း အိမ်သာထဲ၌ မိမိကိုယ်ကို သတ်သေသွားခဲ့သည်ဟု ရဲတပ်ဖွဲ့က ပြောကြားခဲ့သည်။

ဖေဖော်ဝါရီ ၁၄ ရက်နေ့ကလည်း ဖလော်ရီဒါပြည်နယ်ရှိ Marjory Stoneman Douglas အထက်တန်းကျောင်းတွင် သေနတ်ဖြင့်ပစ်ခတ်မှုတစ်ခု ဖြစ်ပွားခဲ့ပြီး ကျောင်းသားအများစုအပါအ၀င် လူ ၁၄ ဦး သေဆုံးခဲ့သည်။

Ref: Aljazeera