ဘုန်းတော်ကြီး အီမန်နျူယဲလ် ဂါရစ်ဘ် (သို့) ကူဝိတ်က ခရစ်ယာန်သာသနာရဲ့ ဦးသျှောင် 

မတ် ၃၊ ၂၀၁၈
M-Media

– ပင်လယ်ကွေ့ရိုးရာခေါင်းပေါင်း ပေါင်းထားကာ အနီရောင် လက်ဝါးကပ်တိုင်ပုံ ထိုးထားတဲ့ ၀တ်ရုံနက်ကုို လွှမ်းခြုံထားတဲ့ ကူဝိတ်ချက်မြှုပ် ခရစ်ယာန်ဘုန်းတော်ကြီးတစ်ဦးဟာ မွတ်စလင်အများစုရှိရာ ကူဝိတ်နိုင်ငံရဲ့ ထူးခြားတဲ့ ပြယုဂ်တစ်ခု ဖြစ်ပါတယ်။

အသက် ၆၈ နှစ်အရွယ်ရှိတဲ့ ဖာသာ အီမန်နျူယဲလ် ဘင်ယာမင် ဂျာကော့ဘ် ဂါရစ်ဘ်ဟာ ကူဝိတ်စီးတီးမှာ သမ္မာကျမ်းစာနဲ့ ပင်လယ်ကွေ့ အာရပ်ယဉ်ကျေးမှုတို့ကို ခံယူကျင့်သုံးနေပါတယ်။

ဝါတော် ၂၀ ပြည့်အကြို လတ်တလော AFP သတင်းဌာနဲ့ အင်တာဗျူးမှာ ဖာသာ အီမန်နျူယဲလ်က ကူဝိတ်ပြည်သူတွေရဲ့ သူ့အပေါ် ရိုသေလေးစားမှုကို ပြောပြခဲ့ပါတယ်။

“ကျွန်တော်ဘယ်သွားသွား လူတိုင်းက ကြိုဆိုကြပါတယ်”

ကူဝိတ်စီးတီးက ကစ်ဘ်လာဒေသမှာ မွေးဖွားခဲ့တဲ့ ဂါရစ်ဘ်ဟာ မွတ်စလင်ပတ်ဝန်းကျင်က ဘာသာရေးကိုင်းရှိုင်းတဲ့ ခရစ်ယာန်မိသားစုကနေ ပေါက်ဖွားလာတာ ဖြစ်ပါတယ်။

ကူဝိတ်က ခရစ်ယာန်တွေလိုပဲ သူ့ရဲ့ မျိုးရိုးဟာ အရှေ့အလယ်ပိုင်း တစ်နေရာက ဖြစ်ပါတယ်။

ခရစ်ယာန်ဘုန်းတော်ကြီးဖြစ်တဲ့ သူ့ရဲ့ဖခင်ဟာ တူရကီအရှေ့တောင်ပိုင်းနေ အက်ဆရီယန် မိသားစုကနေ ဆင်းသက်လာတာဖြစ်ပြီး အော်တိုမန်လက်ထက် အာမေးနီးယန်းနဲ့ အက်ဆရီယန် ခရစ်ယာန်လူနည်းစုတွေအပေါ် နှိပ်ကွပ်မှုကြောင့် ထွက်ပြေးခဲ့ရသူပါ။

လခြမ်းနီအဖွဲ့က ဂါရစ်ဘ်ရဲ့ဖခင်ဖြစ်သူကို အီရတ်နိုင်ငံကို ခေါ်ဆောင်လာပြီး ၁၉၄၅ ခုနှစ် မူဆိုးလ်မြို့မှာ အက်ဆရီယန်လူမျိုးတစ်ဦးဖြစ်တဲ့ ဂါရစ်ဘ်ရဲ့မိခင်နဲ့ အကြောင်းပါခဲ့ပါတယ်။

ပထမကမ္ဘာစစ်အတွင်း အော်တိုမန်လက်အောက်မှာရှိတဲ့မြို့တွေ မတည်မငြိမ်ဖြစ်လာတဲ့အခါ ဂါရစ်ဘ်ရဲ့ မိဘနှစ်ပါးဟာ ကူဝိတ်မှာ ဘ၀သစ်စဖို့ ပြောင်းရွှေ့လာခဲ့ပါတယ်။

သမီး ၄ ယောက်၊ သား ၃ ယောက်ကို သူတို့လင်မယာနှစ်ယောက်က ပြုစုပျိုးထောင်ခဲ့ပြီး အကြီးဆုံးကတော့ အီမန်နျူယဲလ်ဖြစ်ပါတယ်။ သူ့ရဲ့ဖခင်ဟာ အပတ်စဉ် တနင်္ဂနွေနေ့တိုင်း မိသားစုကို ဘုရားကျောင်းခေါ်သွားလေ့ရှိပါတယ်။

သူတို့မိသားစုဟာ မွတ်စလင်အိမ်နီးချင်းတွေနဲ့ တစ်ရင်းတစ်နှီးရှိသူတွေပါ

ဘုန်းကြီးဘ၀

အီမန်နျူယဲလ် ဂါရစ်ဟာ ဘုန်းကြီးလုပ်ဖို့အတွက် စိတ်ကူးရှိခဲ့သူ မဟုတ်ပါဘူး။

၁၉၇၁ ခုနှစ်မှာ ပထ၀ီနဲ့ ဘွဲ့ရခဲ့ပြီး သိပ်မကြာခင်မှာပဲ ကူဝိတ် ရေနံဝန်ကြီးဌာနမှာ အလုပ်ရခဲ့ပါတယ်။

အဲဒီအလုပ်နဲ့ ၁၀ နှစ်လောက်ကြာပြီးတဲ့နောက် အီမန်နျူယဲလ်နဲ့ သူ့ရဲ့ဇနီးတို့ဟာ ကူဝိတ်က ဘာသာရေးညီလာခံတစ်ခုမှာ ပါဝင်ခဲ့ပါတယ်။

“ဒါက ဘ၀အလှည့်အပြောင်းတစ်ခုပါပဲ။ အဲဒီနေရာမှာ ဘုရားက ကျွန်တော့်ဘ၀ကို ပြောင်းပစ်လိုက်တယ်။ ကျွန်တော်ဟာ အသစ်တစ်ဖန် ပြန်မွေးဖွားလာပြီး ယေရှုခရစ်တော်ဆီ ဦးတည်တဲ့ ခရီးကို စတင်ခဲ့ပါတယ်” လို့ သူက ပြောပါတယ်။

၁၉၈၉ ခုနှစ်မှာ သူဟာ အလုပ်ကထွက်ပြီး အီဂျစ်နိုင်ငံ ကိုင်ရိုက အမျိုးသား ဧ၀ံဂေလိ သာသနာ့တက္ကသိုလ်မှာ ကျောင်းတက်ခဲ့ပါတယ်။

၁၉၉၉ ခုနှစ်မှာ သာသနာ့ဘောင်ဝင်ခဲ့ပြီး နောက်ပိုင်းမှာ ကူဝိတ် ဧ၀ံဂေလိ ခရစ်ယာန်အသင်းတော်ရဲ့ အကြီးအကဲအဖြစ် ရွေးကောက်တင်မြှောက်ခံခဲ့ရပါတယ်။ သူဟာ အသင်းတော်ကို ဦးဆောင်တဲ့ ပထမဆုံး အာရပ်လူမျိုးလည်း ဖြစ်ပါတယ်။

၂၀၀၉ ခုနှစ်မှာ အစ္စလာမ်-ခရစ်ယာန် ဆက်ဆံရေးကောင်စီကို ဖာသာ အီမန်နျူယဲလ်က ပူးတွဲတည်ထောင်ခဲ့ပြီး အခုအချိန်အထိ ဒီကောင်စီမှာ ဒုတိယဥက္ကဌအဖြစ် တာဝန်ထမ်းဆောင်နေပါတယ်။

ဧ၀ံဂေလိအသင်းတော်

ဘုန်းတော်ကြီး အီမန်နျူယဲလ် ၀ါတော် ၂၀ ပြည့်မြောက်မယ့် နောက်နှစ်ဟာ ကူဝိတ် ဧ၀ံဂေလိအသင်းတော် နှစ်ပေါင်း ၈၅ နှစ်ပြည့်မြောက်တဲ့နှစ်နဲ့လည်း တိုက်ဆိုင်နေပါတယ်။

ဒါပေမယ့် ကူဝိတ်မှာ ခရစ်ယာန်ဘာသာဝင်တွေတည်ရှိနေတဲ့ သက်တမ်းက ဒီထက်ပို ရှည်လျားပြီး ၁၉၉၀ ပြည့်နှစ်တွေမှာ အမေရိကန် ဧ၀ံဂေလိ သာသနာပြုအဖွဲ့တွေ ရောက်ရှိကာ အမေရိကန် သာသနာပြုဆေးရုံ တည်ထောင်ခဲ့တဲ့အချိန်ကတည်းကလို့ အီမန်နျူယဲလ်က ပြောပါတယ်။

ဂျဟ်ရာတိုက်ပွဲမှာ ဒီဆေးရုံက လူနာတွေကို အဓိကထား ကုသပေးခဲ့တဲ့အတွက် ကူဝိတ်လူ့အဖွဲ့အစည်းမှာ သာသနာပြုအဖွဲ့တွေအပေါ် အကောင်းမြင်မှု မြင့်တက်လာတယ်လို့ ဘုန်းတော်ကြီးက ပြောပါတယ်။ ဂျဟ်ရာတိုက်ပွဲဟာ ဆော်ဒီက ကျောထောက်နောက်ခံပြုထားတဲ့ ၀ါဟာဘီ စစ်သွေးကြွတွေနဲ့ ကူဝိတ်တို့ ၁၉၂၀ မှာ တိုက်ခိုက်ရတဲ့တိုက်ပွဲ ဖြစ်ပါတယ်။

ပြီးခဲ့တဲ့ရာစုအတွင်း မတည်ငြိမ်မှုတွေကြောင့် တူရကီ၊ အီရတ်နဲ့ ပါလက်စတိုင်းတို့ ပြောင်းရွှေ့အခြေချလာတဲ့ ခရစ်ယာန်တွေဟာ ၁၉၅၉ ခုနှစ် နိုင်ငံသားဥပဒေအရ ကူဝိတ်နိုင်ငံသားတွေ ဖြစ်လာခဲ့ကြပါတယ်။ ဒါပေမယ့် နောက်ပိုင်းမှာတော့ မွတ်စလင်မဟုတ်တဲ့ ပြောင်းရွှေ့အခြေချသူတွေကို နိုင်ငံသားပြုခွင့် မပေးတော့ပါဘူး။

နောက်ဆုံးစစ်တမ်းကောက်ယူမှုအရ ကူဝိတ်ရဲ့ ၁.၃၅ သန်းသော လူဦးရေမှာ တိုင်းရင်း ခရစ်ယာန်ဘာသာဝင်အရေအတွက်ဟာ မိသားစု ၈ စု၊ ၂၆၄ ဦးရှိတယ်လို့ ဘုန်းတော်ကြီးက ပြောပါတယ်။

လက်ဘနွန်ကနေ ဖိလစ်ပိုင်အထိ နိုင်ငံခြားတိုင်းပြည်တွေက ၀င်ရောက်လာတဲ့ အလုပ်သမားတွေနဲ့ပေါင်းရင် ကူဝိတ်နိုင်ငံရဲ့ ခရစ်ယာန်လူဦးရေက ၉ သိန်းလောက် ရှိပါတယ်။

ခရစ်ယာန်ဘုရားကျောင်းတွေ ဆောက်လုပ်ခွင့်ကို ပိတ်ပင်ထားတဲ့ ဆော်ဒီနဲ့ မတူတာက ကူဝိတ်စီးတီးရဲ့ စည်ပင်သာယာနယ်နမိတ်အတွင်းက ခရစ်ယာန်အသင်းတော်အမျိုးမျိုးရဲ့ ဘုရားကျောင်းတွေမှာ ဘာသာတရားကို လွတ်လပ်စွာ ကျင့်သုံးခွင့် ရနေပါတယ်။

ကူဝိတ်ခရစ်ယာန်တွေကတော့ သူတို့လူမျိုး ဘုန်းတော်ကြီးတစ်ဦးကို ပိုင်ဆိုင်ထားရတာက အမှတ်သညာ ပိုပြီး ပြည့်ဝတယ်လို့ ခံစားနေရပါတယ်။

“အီဂျစ် ဒါမှမဟုတ် လက်ဘနွန်က ဘုန်းကြီးတစ်ဦးကလည်း ဒီပုံစံအတိုင်းပဲ ၀တ်ပြုဆုတောင်းတာပါ။ ဒါပေမယ့် ကူဝိတ်လူမျိုး ဘုန်းတော်ကြီးကတော့ သမ္မာကျမ်းစာက သွန်သင်ချက်တွေကို ကူဝိတ်ဘာသာစကားနဲ့ ဟောပြောပို့ချပေးနိုင်ပါတယ်” လို့ အသက် ၆၃ နှစ်အရွယ် ကူဝိတ်လူမျိုး ခရစ်ယာန်ဘာသာဝင်တစ်ဦးက ပြောကြားခဲ့ပါတယ်။

အသက် ၅၄ နှစ်အရွယ် အီယဒ် နိုမန်ကလည်း “သူနဲ့ ကျွန်တော်တို့ရဲ့ဆက်ဆံရေးဟာ အင်မတန်အားကောင်းပါတယ်။ သူဟာ ကျွန်တော်တို့ထဲက တစ်ဦးပါ” လို့ ဖွင့်ဟခဲ့ပါတယ်။

Ref: Arab News