လုံခြုံရေးကြောင့် တူရကီရှိ သံရုံးကို အမေရိကန်က ပိတ်ထား

မတ် ၅၊ ၂၀၁၈
M-Media

– လုံခြုံရေးဆိုင်ရာ ခြိမ်းခြောက်မှုများကြောင့် အမေရိကန်က တူရကီရှိ ၎င်းတို့၏သံရုံးကို ယနေ့မှစတင်ကာ ပိတ်ပစ်ခဲ့ပြီး အရေးပေါ်လုပ်ငန်းများကိုသာ ဆောင်ရွက်ပေးမည်ဟု ပြောကြားခဲ့သည်။

တူရကီနိုင်ငံအတွင်းရှိ အမေရိကန်နိုင်ငံသားများအနေဖြင့် လူစုလူဝေးနှင့် သံရုံများအား ရှောင်ရှားရန်၊ ကမ္ဘာလှည့်ခရီးသွားများ လည်ပတ်သည့် နေရာများ၊ လူများသည့် နေရာများသို့ သတိထားသွားရောက်ကြရန်လည်း သံရုံး၏ ကြေငြာချက်တွင် ဖော်ပြထားသည်။

သို့သော်လည်း မည်သည့် လုံခြုံရေးဆိုင်ရာ ခြိမ်းခြောက်မှုဆိုသည်ကို ဖော်ပြခဲ့ခြင်းမရှိချေ။

မြို့တော်အန်ကာရာ အုပ်ချုပ်ရေးမှူးရုံးမှ တနင်္ဂနွေနေ့တွင် ထုတ်ပြန်သော ကြေငြာချက်၌ အမေရိကန်သံရုံနှင့် အမေရိကန်နိုင်ငံသားများ နေထိုင်သည့် နေရာများကို ပစ်မှတ်ထား တိုက်ခိုက်မည်ဟု အမေရိကန် ထောက်လှမ်းရေးသတင်းများကြောင့် လုံခြုံရေးဆိုင်ရာ ဆောင်ရွက်မှုများကို တိုးမြှင့်ပြုလုပ်ထားသည်ဟု ဖော်ပြခဲ့သည်။

ဗီဇာအင်တာဗျူးများနှင့် နေ့စဉ် ဆောင်ရွက်နေသည့် ကိစ္စများကို တနင်္လာနေ့မှ စတင်၍ ပိတ်ပင်သွားမည်ဖြစ်ပြီး၊ ပြန်ဖွင့်မည့်ရက်ကို ထပ်မံထုတ်ပြန်မည်ဟု သံရုံးကြေငြာချက်တွင် ဖော်ပြထားသည်။

၂၀၁၃ ခုနှစ်တွင် အန်ကာရာရှိ အမေရိကန်သံရုံးမှာ လက်ဝဲစွန်းရောက်အုပ်စု၏ အသေခံဗုံးခွဲတိုက်ခိုက်မှုကို ခံခဲ့ရပြီး တူရကီ လုံခြုံရေးအစောင့်တစ်ဦး သေဆုံးခဲ့သည်။

ဆီးရီးယားနိုင်ငံမြောက်ပိုင်းရှိ ကာ့ဒ်တပ်ဖွဲ့များကို အမေရိကန်က လက်နက်တပ်ဆင်ပေးခြင်း အပါအ၀င် ကိစ္စအများအပြားကြောင့် တူရကီနှင့် အမေရိကန်တို့၏ ဆက်ဆံရေးမှာ ယခုနှစ်ပိုင်းတွင် တင်းမာလာခဲ့သည်။

Ref: Aljazeera