သမ္မတထရမ့်နှင့် မြောက်ကိုရီးယားခေါင်းဆောင် ကင်ဂျုံအန်တို့ မေလတွင် တွေ့ဆုံဆွေးနွေးမည်

မတ် ၉၊ ၂၀၁၈
M-Media

– ကိုရီးယားကျွန်းဆွယ်မှာ နျူလက်နက်တွေ ဖယ်ရှားရေး သဘောတူညီချက်ရရှိဖို့အတွက် အမေရိကန်သမ္မတဒေါ်နယ်ထရမ့်နဲ့ မြောက်ကိုရီးယားခေါင်းဆောင် ကင်ဂျုံအန်တို့ မေလမှာ တွေ့ဆုံဖို့ရှိတယ်လို့ တောင်ကိုရီးယား အမျိုးသားလုံခြုံရေးအကြံပေး ချွန်အီယွန်က ပြောကြားလိုက်ပါတယ်။

“မြောက်ကိုရီးယားခေါင်းဆောင် ကင်ဂျုံအန်နဲ့ ကျွန်တော်တို့ တွေ့ဆုံမှုအတွင်း သူက နျူကင်းစင်ရေး လုပ်လိုတဲ့ဆန္ဒရှိတယ်လို့ ပြောတာကို သမ္မတထရမ့်ဆီ ကျွန်တော် ပြောပြလိုက်ပါတယ်။ မြောက်ကိုရီးယားအနေနဲ့ နျူစမ်းသပ်မှု၊ ဒုံးကျည်စမ်းသပ်မှုတွေ လုပ်မှာမဟုတ်ဘူးလို့လည်း ကင်က ကတိပြုခဲ့ပါတယ်” လို့ ချွန်အီယွန်က ပြောပါတယ်။

သမ္မတထရမ့်ဟာ ဒီအတွက် ကျေနပ်ကြောင်း၊ အမြဲတမ်းနျူကင်းစင်ရေးအတွက် ကင်ဂျုံအန်နဲ့ မေလမှာ တွေ့ဆုံမှာဖြစ်ကြောင်း ထရမ့်ရဲ့ ပြောကြားမှုကိုလည်း သူက ထည့်သွင်း ပြောဆိုခဲ့ပါတယ်။

“ကိုရီးယားကျွန်းဆွယ်မှာ လုံးဝ နျူကင်းရှင်ရေးအတွက် တောင်ကိုရီးယား၊ အမေရိကန်နဲ့ ကျွန်တော်တို့ရဲ့ မိတ်ဖက်နိုင်ငံတော်တော်များများဟာ အပြည့်အ၀ ဆန္ဒရှိနေပါတယ်။ သမ္မတထရမ့်နဲ့အတူ ကျွန်တော်တို့ဟာ ငြိမ်းချမ်းတဲ့ အဖြေတစ်ခုရရှိနိုင်ရေး သံတမန်နည်းလမ်းနဲ့ ဆက်လက်ကြိုးစားဖို့ အကောင်းဖက်က မျှော်
လင့်ထားပါတယ်”

ထရမ့်နဲ့ ကင်ဂျုံအန်တို့ တွေ့ဆုံမယ့်သတင်းကို အိမ်ဖြူတော်ကလည်း အတည်ပြုခဲ့ပေမယ့် အမေရိကန်ရဲ့ ပိတ်ဆို့မှုတွေက ဆက်လက်ရှိနေအုံးမယ်လို့ ဆိုပါတယ်။

“တောင်ကိုရီးယားကိုယ်စားလှယ်အဖွဲ့နဲ့ သမ္မတမွန်တို့ရဲ့ နှုတ်ရေးကြွယ်မှုအတွက် သမ္မတထရမ့်က တော်တော် သဘောကျနေပါတယ်။ ကင်ဂျုံအန်နဲ့ တွေ့ဆုံဖို့အတွက် အချိန်နဲ့ နေရာကို ဆုံးဖြတ်ပြီးရင် သမ္မတဟာ ဖိတ်ကြားမှုကို လက်ခံမှာဖြစ်ပါတယ်။ မြောက်ကိုရီးယား နျူကင်းစင်ရေး ကျွန်မတို့ ဆက်လက် ဆောင်ရွက်သွားမှာဖြဖ်ပြီး တစ်ချိန်တည်းမှာပဲ ပိတ်ဆို့မှုအားလုံးနဲ့ အမြင့်ဆုံးဖိအားပေးမှုတွေက ဆက်ရှိနေမှာပါ” လို့ အိမ်ဖြူတော် ပြန်ကြားရေးတာဝန်ရှိသူ ဆာရာ ဆန်းဒါးစ်က ပြောကြားခဲ့ပါတယ်။

ထရမ့်ကလည်း ကင်ဂျုံအန်နဲ့ တွေ့ဆုံဖို့ရှိကြောင်း Twitter စာမျက်နှာမှာ အတည်ပြု ရေးသားခဲ့ပါတယ်။ ဒါပေမယ့် ဒီအစီအစဉ် တကယ်ဖြစ်လာမလားဆိုတာနဲ့ပတ်သက်ပြီး ကျွမ်းကျင်သူတွေက သံသယတွေ ရှိနေပါတယ်။

တောင်ကိုရီးယား အမျိုးသားလုံခြုံရေးအကြံပေး ဦးဆောင်တဲ့အဖွဲ့ဟာ အခုတစ်ပတ်အစောပိုင်းက မြောက်ကိုရီးယားကို သွားရောက်ကာ ကင်ဂျုံအန်နဲ့ တွေ့ဆုံခဲ့ပါတယ်။

Ref: CNA