နိုင်ငံအတွင်း ဘာသာရေးလွတ်လပ်ခွင့် မြှင့်တင်မည်ဟု ဆော်ဒီအိမ်ရှေ့မင်းသား ကတိပြု

မတ် ၉၊ ၂၀၁၈
M-Media

ယူကေကို ရောက်ရှိနေတဲ့ မိုဟာမက် ဘင် ဆလ်မန်ဟာ ဘုန်းတော်ကြီး ဂျက်စတင် ၀ီလ်ဘီနဲ့ လမ်ဘက်သ်နန်းတော်မှာ မနေ့က တွေ့ဆုံခဲ့တာ ဖြစ်ပါတယ်။

– နိုင်ငံအတွင်းမှာ ဘာသာရေးလွတ်လပ်ခွင့်ကို မြှင့်တင်ပေးမယ်လို့ ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က ကန်တာဘူရီ ခရစ်ယာန်ဂိုဏ်းချုပ်ဘုန်းတော်ကြီးနဲ့ တွေ့ဆုံစဉ်မှာ ကတိပြု ပြောကြားလိုက်ပါတယ်။

ယူကေကို ရောက်ရှိနေတဲ့ မိုဟာမက် ဘင် ဆလ်မန်ဟာ ဘုန်းတော်ကြီး ဂျက်စတင် ၀ီလ်ဘီနဲ့ လမ်ဘက်သ်နန်းတော်မှာ မနေ့က တွေ့ဆုံခဲ့တာ ဖြစ်ပါတယ်။ ပထမဆုံးနိုင်ငံခြားခရီးစဉ်အဖြစ် မင်းသားဟာ တနင်္လာနေ့က အီဂျစ်နိုင်ငံ ကိုင်ရိုမြို့ အကြီးဆုံး ကော့ပတစ်ဘုရားကျောင်းမှာ ကော့ပတစ်ဂိုဏ်းအုပ်ဘုန်းတော်ကြီးတ၀ါဒရို့စ် ၂ နဲ့လည်း တွေ့ဆုံခဲ့ပါတယ်။

မင်းသားနဲ့ တွေ့ဆုံမှုအတွင်း ဘုန်းတော်ကြီး ဂျက်စတင် ၀ီလ်ဘီက ဆော်ဒီမှာ ခရစ်ယာန်ဘာသာဝင်တွေ ဘုရားဝတ်ပြုမှုကို ကန့်သတ်တာ၊ အစ္စလာမ်မဟုတ်တဲ့ ၀တ်ပြုရာနေရာတွေကို ဆောက်လုပ်ခွင့်မပေးတာတွေကို ထောက်ပြခဲ့ပြီး ခရစ်ယာန်နဲ့ အခြား ဘာသာတရားတွေကို လွတ်လပ်စွာ ကျင့်သုံးခွင့်ပေးဖို့ တောင်းဆိုခဲ့ကာ မင်းသားကလည်း ဘာသာရေးလွပ်လပ်ခွင့်ကို မြှင့်တင်ပေးသွားမယ်လို့ ကတိပြုခဲ့ပါတယ်။

ဘုန်းတော်ကြီးနဲ့ မိုဟာမက် ဘင် ဆလ်မန်တို့ဟာ ရင်းနှီးပွင့်လင်းစွာ ဆွေးနွေးခဲ့ကြပြီး ယီမင်က လူသားချင်း စာနာထောက်ထားမှုဆိုင်ရာ အကြပ်အတည်းတွေနဲ့ပတ်သက်လို့ စိုးရိမ်မိကြောင်းလည်း ဘုန်းတော်ကြီး ၀ီလ်ဘီက ပြောကြားခဲ့ပါတယ်။

မင်းသားဟာ လမ်ဘက်သ်နန်းတော် စာကြည့်တိုက်က ခရစ်ယာန်၊ ဂျူးနဲ့ အစ္စလာမ်သာသနာတို့ရဲ့ အစောဆုံး ဘာသာရေးစာအုပ်ပေတွေကိုလည်း လေ့လာကြည့်ရှုခဲ့ပါတယ်။

ဒီတွေ့ဆုံမှုကို အင်္ဂလန်ခရစ်ယာန်အသင်းတော်ရဲ့ အကြီးတန်းတာဝန်ရှိသူဖြစ်ပြီး နယူးကာဆယ် ဂိုဏ်းချုပ်လည်းဖြစ်တဲ့ သီလရှင် ခရစ္စတိုင်း ဟာ့ဒ်မန်း၊ လိဒ်ဂိုဏ်းချုပ်ဘုန်းတော်ကြီး နစ်က်ဘိန်းစ်တို့လည်း တက်ရောက်ခဲ့ကြပါတယ်။

Ref: Alarabiya, Christiantoday