အီရတ်တွင် IS လက်ချက်ကြောင့် ပျက်ဆီးသွားသည့် သမိုင်းဝင် အလ်-နူရီဗလီကို ယူအေအီး ပြန်ဆောက်ပေးမည်

မတ် ၁၂၊ ၂၀၁၈
M-Media

IS ၏ ဖောက်ခွဲမှုခံရပြီးနောက် တွေ့ရသည့် အလ်-နူရီဗလီ

– IS အကြမ်းဖက်သမားများ၏လက်ချက်ကြောင့် အီရတ်နိုင်ငံ မူဆိုးလ်မြို့တွင် ပျက်ဆီးသွားခဲ့သည့် သမိုင်းဝင် အလ်-နူရီ ဗလီကြီးနှင့် မင်နာရတ်မျှော်စင်တို့ကို ပြန်လည်တည်ဆောက်ပေးရန် အာရပ်စော်ဘွားများပြည်ထောင်စု ယူအေအီးနိုင်ငံက ကမ်းလှမ်းထားသည်ဟု အီရတ်ဝန်ကြီးချုပ်ရုံးက ယမန်နေ့တွင် ထုတ်ပြန်ခဲ့သည်။

အီရတ်ဝန်ကြီးချုပ် ဟိုက်ဒါ အလ်-အာဘာဒီနှင့် စနေနေ့တွေ့ဆုံမှုအတွင်း အီရတ်နိုင်ငံဆိုင်ရာ ယူအေအီးသံအမတ် အဘ်ဒူလာ အီဘရာဟင် အလ်-ရှီဟီက ယခုကဲ့သို့ ကမ်းလှမ်းခဲ့ခြင်းဖြစ်သည်။

“အီရတ်တစ်နိုင်ငံလုံး လွတ်မြာက်မှုအတွက် ချီးကျူးကြောင်းနဲ့ နှုတ်ခွန်းဆက်သပါကြောင်း ယူအေအီးနိုင်ငံနဲ့ ပြည်သူတွေရဲ့ အမှာစကားကို ယူအေအီးသံအမတ်က ပါးခဲ့ပြီး အီရတ်နိုင်ငံမှာ ရရှိနေတဲ့ တည်ငြိမ်လုံခြုံမှုကိုလည်း ချီးကျူးခဲ့ပါတယ်” ဟု ၀န်ကြီးချုပ်ရုံးမှ ထုတ်ပြန်သော ကြေငြာချက်တွင် ဖော်ပြထားသည်။

အလ်-နူရီ ဗလီဝတ်ကျောင်းတော်ကြီးကို ‘နှစ်နိုင်ငံက ညီရင်းအစ်ကိုစိတ်ဓာတ်ကို အခြေခံကာ’ တည်ဆောက်ပေးရန် အဘူဒါဘီ အိမ်ရှေ့မင်းသား ရှိခ် မိုဟာမက် ဘင် ဇေယဒ်က ကမ်းလှမ်းခဲ့ခြင်းဖြစ်ပြီး၊ ထိုလုပ်ငန်းအတွက် ယူအေအီးမှ အထူးကိုယ်စားလှယ်အဖွဲ့လည်း အီရတ်သို့ လာရောက်ရန် ရှိနေသည်။

၂၀၁၄ ခုနှစ်မှစ၍ အီရတ်နိုင်ငံရှိ နယ်မြေအများအပြားကို တိုက်ခိုက်သိမ်းပိုက်ခဲ့သည့် IS အကြမ်းဖက်အဖွဲ့မှာ အီရတ်စစ်တပ်၏ ထိုးစစ်အတွင်း မရှုမလှ ရှုံးနိမ့်ခဲ့ပြီးနောက် ၂၀၁၇ ခုနှစ် ဇွန်လ ၂၁ ရက်နေ့တွင် မူဆိုးလ်မြို့ရှိ အလ်-နူရီ ဗလီဝတ်ကျောင်းတော်ကြီးအား ဖောက်ခွဲဖျက်ဆီးခဲ့သည်။

အီရတ်ဝန်ကြီးချုပ်က မိမိတို့အနေဖြင့် ယူအေအီးနှင့် ဆက်ဆံရေးခိုင်မာရန် စိတ်အားထက်သန်ကြောင်း၊ IS အဖွဲ့အား အောင်မြင်ခဲ့ပြီးနောက် လက်ရှိ မိမိတို့နိုင်ငံတွင် အကြမ်းဖက်ဝါဒကို တွန်းလှန်နေရကြောင်း၊ အီရတ်ပြည်သူများမှာ တိုင်းပြည် ပြန်လည်တည်ဆောက်ရေး လုပ်ငန်းများကို လုပ်ဆောင်သွားမည်ဖြစ်ကြောင်း ယူအေအီး သံအမတ်အား ပြောကြားခဲ့သည်ဟု ၀န်ကြီးချုပ်ရုံး ကြေငြာချက်တွင် ဖော်ပြထားသည်။

အလ်-နူရီ ဗလီဝတ်ကျောင်းတော်ကြီးကို ၁၁၇၀ ပြည့်နှစ်တွင် မူဆိုးလ်နှင့် အလက်ပိုမြို့များအား အုပ်စိုးသည့် ကာ့ဒ်ဘုရင် နူရ် အလ်-ဒင် မဟ်မူးဒ် ဇန်ဂီက တည်ဆောက်ခဲ့ခြင်းဖြစ်သည်။

Ref: Xinhua