မြန်မာနိုင်ငံတွင် Facebook က အမုန်းစကားဖြန့်ဖြူးရာနေရာ ဖြစ်နေသည်ဟု ကုလတာဝန်ရှိသူများပြော

မတ် ၁၃၊ ၂၀၁၈
M-Media

– မြန်မာနိုင်ငံမှာ အမုန်းစကားတွေ ပြန့်နှံ့ရာမှာ Facebook က အဓိကအခန်းကဏ္ဍကနေ ပါဝင်နေတယ်လို့ ကုလစုံစမ်းစစ်ဆေးရေးမှူးတွေက ပြစ်တင်ပြောဆိုလိုက်ပါတယ်။

“လုပ်မယ်ဆိုရင် လူထုထဲမှာ မကျေမချင်းမှုတွေ၊ မှားယွင်းတဲ့ သဘေထားအမြင်တွေနဲ့ ပဋိပက္ခတွေကို အဆင့်တစ်ခုအထိ ဖြစ်လာအောင် ဆိုရှယ်မီဒီယာက တော်တော်လေး အထောက်အကူဖြစ်ပါတယ်။ အဲဒီလိုလုပ်ဖို့အတွက် အမုန်းစကားဟာ တစ်စိတ်တစ်ပိုင်း ပါဝင်ပါတယ်။ မြန်မာနိုင်ငံရဲ့ အခြေအနေက ဆိုရှယ်မီဒီယာဟာ Facebook ဖြစ်ပြီး Facebook ဟာ ဆိုရှယ်မီဒီယာပါပဲ” လို့ ကုလရဲ့ မြန်မာနိုင်ငံဆိုင်ရာ လွတ်လပ်တဲ့ နိုင်ငံတကာ အချက်အလက်ရှာဖွေရေးအဖွဲ့ ဥက္ကဌ မာဇူကီ ဒါရုစ်မန်က မနေ့မှာ ပြောကြားခဲ့ပါတယ်။

မြန်မာနိုင်ငံဆိုင်ရာ ကုလအထူးကိုယ်စားလှယ် ယန်းဟီးလီကလည်း Facebook ဟာ မြန်မာနိုင်ငံရဲ့ လူမှုရေး၊ နိုင်ငံရေးနဲ့ ပုဂ္ဂလိကဘ၀တွမှာ တော်တော်အရေးပါပြီး အစိုးရဟာ သတင်းအချက်အလက်တွေ လူထုဆီရောက်ဖို့ Facebook ကို အသုံးပြုတယ်လို့ ပြောကြားခဲ့ပါတယ်။

“မြန်မာနိုင်ငံမှာ အားလုံးကို Facebook ကနေ လုပ်တာပါ။ ပြည်သူလူထုကို သတင်းပေးဖို့အတွက် သုံးကြတယ်။ ဒါပေမယ့် အစွန်းထွက် ဗုဒ္ဓဘာသာ အမျိုးသားရေးဝါဒီတွေဟာ ကိုယ်ပိုင် Facebook အကောင့်တွေရှိပြီး အကြမ်းဖက်မှုတွေဖြစ်အောင်၊ ရိုဟင်ဂျာနဲ့ အခြားလူနည်းစုတွေအပေါ် အမုန်းတရားတွေ ဖြစ်လာအောင် တကယ့်ကို လှုံ့ဆော်နေကြတာပါ။ Facebook ဟာ သူတို့ရည်ရွယ်ထားသလိုမဟုတ်ဘဲ မကောင်းဆိုးဝါးပုံစံ ဖြစ်လာတဲ့အတွက် ကျွန်မ စိုးရိမ်မိပါတယ်”

ကုလတာဝန်ရှိသူတွေရဲ့ အခုမှတ်ချက်အတွက် Facebook ဖက်က တရားဝင် တုန့်ပြန်တာမျိုး မလုပ်သေးပါဘူး။

မြန်မာနိုင်ငံအတွင်းမှာ အမုန်းစကားတွေကို ဖယ်ရှားရေး၊ အမုန်းစကား ဖြန့်ဖြူးသူတွေကို ပိတ်ပင်ရေး ဆောင်ရွက်နေတယ်လို့ Facebook ဟာ ယခင်က ပြောကြားထားဖူးပါတယ်။

ဗုဒ္ဓစ်ဘင်လာဒင်လို့ အမည်ရတဲ့ မွတ်စလင်ဆန့်ကျင်ရေး အစွန်းရောက်ဘုန်းကြီး ၀ီရသူရဲ့ အကောင့်ကို Facebook က ဇန်န၀ါရီလမှာ ဖယ်ရှားခဲ့ပါတယ်။

Ref : The Guardian