ကမ္ဘာကျော် သိပ္ပံပညာရှင်ကြီး စတီဖင်ဟော့ကင်း ကွယ်လွန်

မတ် ၁၄၊ ၂၀၁၈
M-Media

– ရီလစ်တစ်ဗတီ သီအိုရီ၊ Black Hole သီအိုရီတွေကြောင့် ကျော်ကြားပြီး ကမ္ဘာ့ထိပ်တန်း ဗြိတိသျှ သိပ္ပံပညာရှင်တစ်ယောက်ဖြစ်တဲ့ စတီဖင်ဟော့ကင်း ကွယ်လွန်သွားပြီလို့ မိသားစု ဒီကနေ့မှာ အတည်ပြု ပြောကြားလိုက်ပါတယ်။

အသက် ၇၆ နှစ်အရွယ်ရှိတဲ့ စတီဖင်ဟော့ကင်းဟာ ကမ်းဘရစ်ဂ်ျမြို့က သူ့နေအိမ်မှာ ကွယ်လွန်သွားခဲ့တာ ဖြစ်ပါတယ်။

“ချစ်ခင်ရတဲ့ ကျွန်မတို့အဖေ ဒီကနေ့မှာ ကွယ်လွန်သွားတဲ့အတွက် စိတ်မကောင်းဖြစ်ရပါတယ်။ အဖေဟာ ကြီးကျယ်တဲ့ သိပ္ပံပညာရှင်တစ်ယောက်ဖြစ်ပြီး သူ့ရဲ့လုပ်ဆောင်ခဲ့မှုတွေ၊ အမွေအနှစ်တွေဟာ နှစ်တော်တော်များများ ဆက်လက်ရှင်သန်နေအုံးမှာ ဖြစ်ပါတယ်” လို့ သားသမီးတွေဖြစ်တဲ့ လူစီ၊ ရောဘတ်နဲ့ တင်မ်တို့က ပြောကြားခဲ့ပါတယ်။

ပြီးတော့ ဖခင်ဖြစ်သူဟာ သတ္တိရှိကာ၊ ဘ၀ကို ကြံ့ကြံ့ခံ ရင်ဆိုင်နိုင်သူဖြစ်ပြီး သူရဲ့ ဉာဏ်ထက်မှု၊ ဟာသဉာဏ် ကြွယ်ဝမှုတို့ကို ကမ္ဘာ့ပြည်သူတွေက လေးစားအထင်ကြီးရတယ်လို့လည်း သူတို့က ထည့်သွင်းပြောဆိုခဲ့ပါတယ်။

စတီဖင်ဟော့ကင်းကို ၁၉၄၂ ခုနှစ် ဇန်န၀ါရီ ၈ ရက်နေ့က အင်္ဂလန်နိုင်ငံ အောက်စဖို့ဒ်မြို့မှာ မွေးဖွားခဲ့ပြီး ၁၉၅၉ ခုနှစ်မှာ အောက်စဖို့ဒ်တက္ကသိုလ်မှာ နေရာတစ်နေရာ ရရှိခဲ့ပါတယ်။ နောက်ပိုင်း ကမ်းဘရစ်ခ်ျတက္ကသိုလ်မှာ ဒေါက်တာဘွဲ့ ရယူခဲ့ပါတယ်။

၁၉၆၃ ခုနှစ်မှာ ထူးဆန်းတဲ့ အာရုံကြောရောဂါတစ်ခုကို ခံစားခဲ့ရပြီး ဆရာဝန်တွေက စတီဖင်ဟော့ကင်းဟာ ၂ နှစ်သာ အသက်ရှင်တော့မယ်လို့ ပြောကြားခဲ့ပါတယ်။

ဒါပေမယ့် ဒီထက်ပို အသက်ရှင်ခဲ့ပြီး ၁၉၇၄ ခုနှစ်မှာ Black hole သီအိုရီကို ထုတ်ဖော်ခဲ့သလို ၁၉၈၈ ခုနှစ်မှာ ‘အချိန်၏ သမိုင်းအကျဉ်း’ ဆိုတဲ့ နာမည်ကျော် သိပ္ပံစာအုပ်ကို ထုတ်ဝေခဲ့ကာ ကမ္ဘာတစ်ဝှမ်း ၁၀ သန်းလောက် ရောင်းချခဲ့ရပါတယ်။

စတီဖင်ဟော့ကင်းဟာ အခြား သိပ္ပံဆိုင်ရာ စာအုပ်စာတမ်း တော်တော်များများကိုလည်း ရေးသားခဲ့ပါတယ်။

သူ့ရဲ့ ဘ၀အကြောင်းရုပ်ရှင် The Theory of Everything ကို ၂၀၁၄ ခုနှစ်မှာ ရုိုက်ကူးပြသခဲ့ပါတယ်။

Ref: BBC