သူလျှိုကိစ္စ မကျေလည်မှုကြောင့် ယူကေက ရုရှားသံအမတ် ၂၀ ကျော်ကို နှင်ထုတ်

မတ် ၁၄၊ ၂၀၁၈
M-Media

ယူကေ၀န်ကြီးချုပ် ထရီဇာမေ

– ယူကအတွက် အလုပ်လုပ်ပေးခဲ့တဲ့ ရုရှားလူမျိုး သူလျှိုဟောင်းတစ်ဦး ဓာတုအဆိပ်နဲ့ လုပ်ကြံခံရမှုမှာ​ ရုရှားက ပူးပေါင်းဆောင်ရွက်ခြင်း မရှိတဲ့အတွက် ယူကကေ ရုရှားသံတမန် ၂၃ ဦးကို နိုင်ငံအတွင်းက ထွက်သွားဖို့အတွက် ဒီကနေ့မှာ အမိန့်ပေးလိုက်ပါတယ်။

‘လူသိရှင်ကြား မထုတ်ဖော်လိုတဲ့ ထောက်လှမ်းရေးသံတမန်တွေ’ အနေနဲ့ တစ်ပတ်အတွင်း ထွက်သွားဖို့ ဗြိတိန် ၀န်ကြီးချုပ် ထရီဇာမေက ပြောကြားလိုက်ပြီး၊ ရုရှားနိုင်ငံခြားရေးဝန်ကြီး လာရောက်ဖို့ ဖိတ်ကြားမှုကို ရုပ်သိမ်းကြောင်း၊ အခုနှစ်နှောင်းပိုင်း ရုရှားမှာလုပ်မယ့် ကမ္ဘာ့ဖလားကို တော်ဝင်မိသားစုတွေ တက်ရောက်မှာမဟုတ်ကြောင်း ထည့်သွင်း ပြောကြားခဲ့ပါတယ်။

ရုရှားလူမျိုး သူလျှိုဟောင်း အသက် ၆၆ နှစ်အရွယ် စကရီပဲလ်နဲ့ သမီးဖြစ်သူ ၃၃ နှစ်အရွယ် ယူလီယာ စကရီပဲလ်တို့ဟာ မတ်လ ၄ ရက်နေ့ ဆေးလ်ဘူရီမြို့ မြို့လယ်ကောင်က ခုံတန်းမှာ လဲကျနေတာကို တွေ့ခဲ့ရပြီး ရုရှားလုပ် စစ်ဖက်သုံး ဓာတ်တုအဆိပ်နဲ့ လုပ်ကြံခံရကြောင်း တွေ့ရှိခဲ့ရပါတယ်။

သူတို့နှစ်ယောက်ဆီကို သွားရောက်ခဲ့တဲ့ ဗြိတိသျှ စုံထောက်တစ်ဦးလည်း ဒီအဆိပ်မိခဲ့ပြီး ၃ ယောက်စလုံး ဆိုးရွားတဲ့အနေအထားမှာ ရှိနေပေမယ့် အခြေအနေကတော့ တည်ငြိမ်နေပါတယ်။

ဒီတိုက်ခိုက်မှုဟာ ရုရှားက ပြုလုပ်တယ်ဆိုတဲ့ ဖြစ်နိုင်ချေ မြင့်မားနေတယ်လို့ ထရီဇာမေက ပြောကြားခဲ့ပြီး ဒီအဆိပ်နဲ့ပတ်သက်လို့ ဓာတုလက်နက် တားဆီးရေးဆိုင်ရာအဖွဲ့ကို အသေးစိတ် ရှင်းလင်းချက်ပေးပို့ရမယ်လို့ တောင်းဆိုခဲ့ပါတယ်။

နောက်ဆုံးရက်ကို အင်္ဂါနေ့ည သန်းခေါင်ယံအချိန် သတ်မှတ်ထားပြီး ရုရှားက မလိုက်နာတဲ့အတွက် အခုလို သံတမန်တွေကို နှင်ထုတ်မှု ပြုလုပ်ခဲ့တာ ဖြစ်ပါတယ်။

ဗြိတိန်နိုင်ငံခြားရေး ၀န်ကြီးဌာနကလည်း ရုရှားသံအမတ်ကို ဆင့်ခေါ်ခဲ့ပြီး ဖြေရှင်းချက်တောင်းခဲ့ပါတယ်။

ရုရှားသံရုံးက ဒီလို သံတမန်တွေကို နှင်ထုတ်ဟာ လက်မခံနိုင်စရာ၊ တရားမဲ့တဲ့၊ အမြင်ကျဉ်းတဲ့ လုပ်ရပ်ဖြစ်ကြောင်း ထုတ်ပြန်ခဲ့ပြီး ရုရှားနိုင်ငံခြားရေးဝန်ကြီး ဆာဂျီ လာဗရော့ကလည်း ဗြိတိန်ဟာ နိုင်ငံရေးကစားကာ နိုင်ငံတကာ သဘောတူညီချက်တွေကို လစ်လျူရှုထားတယ်လို့ ပြောကြားခဲ့ပါတယ်။

နိုင်ငံတကာ ဓာတုလက်နက်ဆိုင်ရာ သဘောတူညီချက်မှာ ဖော်ပြထားတဲ့အတိုင်း တရားဝင်တောင်းဆိုမှုတွေ ပြုလုပ်လာရင် မိမိတို့အနေနဲ့ ပူးပေါင်းဆောင်ရွက်သွားမယ်လို့လည်း နိုင်ငံခြားရေးဝန်ကြီးက ထည့်သွင်းပြောဆိုခဲ့ပါတယ်။ အဲဒီသဘောတူညီချက်မှာ ဖြေရှင်းချက်ပေးဖို့အချိန်ကို ၁၀ ရက် သတ်မှတ်ပေးထားပါတယ်။

ဗြိတိန်က ရုရှားသံအမတ်တွေကို နှင်ထုတ်တာအပြင်၊ ကိုယ်ပိုင်လေယာဉ်တွေ၊ ခရီးသည်တင်လေယာဉ်တွေနဲ့ ကုန်တင်လေယာဉ်တွေကို စစ်ဆေးမှုတိုးမြှင့်တာ၊ ယူကေနိုင်ငံသားတွေနဲ့ ယူကေမှာ နေထိုင်တဲ့သူတွေအပေါ် ခြိမ်းခြောက်ဖို့ အသုံးပြုနိုင်တယ်လို့ ယူဆရတဲ့ ရုရှားရဲ့ နိုင်ငံပိုင်ပစ္စည်းတွေကို ထိန်းချုပ်တာ၊ ယူကေနဲ့ ရုရှားအကြား စီစဉ်ထားတဲ့ နှစ်နိုင်ငံ အဆင့်မြင့် ဆက်သွယ်မှုတွေအားလုံး ရပ်ဆိုင်းတာတွေကိုလည်း ပြုလုပ်မှာ ဖြစ်ပါတယ်။

Ref: BBC