ရွေးကောက်ပွဲအကြို မြင့်တက်လာသည့် မွတ်စလင် မဘသများ၏ အမုန်းဝါဒဖြန့်မှုကို အင်ဒိုနှိမ်နှင်း

မတ် ၁၅၊ ၂၀၁၈

M-Media

– ၂၀၁၉ ခုနှစ်အတွင်း သမ္မတရွေးကောက်ပွဲရှိနေတဲ့အချိန် အမျိုးဘာသာ သာသနာ ကာကွယ်မယ်ဆိုတဲ့ အုပ်စုတွေရဲ့ အွန်လိုင်းမှာ အမုန်းစကား လုပ်ကြံဝါဒဖြန့်မှုတွေကို အင်ဒိုနီးရှားက ရင်ဆိုင်နေရပြီး ဒီလိုဝါဒဖြန့်မှုတွေအတွက် အင်ဒိုရဲတပ်ဖွဲ့က ဖမ်းဆီးမှုတွေ လုပ်နေပါတယ်။

ကမ္ဘာ့ အစ္စလာမ်ဘာသာဝင်အများစုရှိရာ အင်ဒိုနီးရှားနိုင်ငံမှာ သဘောထားတင်းမာတဲ့ မွတ်စလင်အဖွဲ့တွေက ဆိုရှယ်မီဒီယာတွေကို အမြတ်ထုတ်ကာ ပြီးခဲ့တဲ့လတွေအတွင်း လူနည်းစုတွေနဲ့ပတ်သက်လို့ လုပ်ကြံဝါဒဖြန့်မှုတွေ လုပ်ဆောင်လာတာပါ။

အင်ဒိုနီးရှားရဲတပ်ဖွဲ့က အစိုးရကို တိုက်ခိုက်ပြီး ဘာသာရေးအစွန်းရောက်လာအောင် လှုံ့ဆော်ပေးနေတဲ့ ‘မွတ်စလင်ဆိုက်ဘာတပ်မတော်’ လို့ခေါ်တဲ့ MCA အဖွဲ့က အဖွဲ့ဝင်တွေကို ဖမ်းဆီးခဲ့ကြပါတယ်။

ဒီအုပ်စုတွေရဲ့ အဓိက လုပ်ကြံဝါဒဖြန့်မှုနှစ်ခုက အစ္စလာမ့်ဓမ္မပညာရှင်တွေဟာ လက်ဝဲ၀ါဒီတွေရဲ့ စော်ကားမှုကို ခံနေရပြီး တိုင်းပြည်မှာ ကွန်မြူနစ်ပါတီရဲ့အင်အား ကြီးထွားလာနေတယ်ဆိုတဲ့ အချက်တွေ ဖြစ်တယ်လို့ ရဲတပ်ဖွဲ့က ပြောပါတယ်။

ဘုရားတရားကို လက်မခံတဲ့ ကွန်မြူနစ်ဝါဒဟာ အင်ဒိုနီးရှားမှာ အထိအခိုက်မခံတဲ့ ကိစ္စဖြစ်ပြီး အာဏာရှင် ဆူဟာတိုလက်ထက် ၁၉၆၀ ပြည့်နှစ် အလယ်ပိုင်းမှာ ကွန်မြူနစ်တံဆိပ်ကပ်ကာ လူသန်းဝက်လောက်ကို သတ်ပစ်ခဲ့ပါတယ်။

အင်ဒိုနီးရှားရဲတပ်ဖွဲ့ရဲ့ လူမှုဆိုင်ရာဌာနက အကြီးအကဲ ဂါတော့ အက်ဒီ ပရာမိုနိုက အဲဒီအုပ်စုတွေဟာ အစိုးရကို မတည်မငြိမ်ဖြစ်စေဖို့နဲ့ လူမှုရေး ပဋိပက္ခတွေဖြစ်လာစေဖို့ ဆောင်ရွက်ချင်နေတာဖြစ်တယ်လို့ ပြောကြားခဲ့ပါတယ်။

သမ္မတ ဂျိုကိုဝီဒိုဒို အာဏာရခဲ့တဲ့ ၂၀၁၄ ခုနှစ် သမ္မတရွေးကောက်ပွဲတုန်းကလည်း ၀ီဒိုဒိုကိုဆန့်ကျင်တဲ့ လုပ်ကြံဝါဒဖြန့်မှုတွေ အွန်လိုင်းစာမျက်နှာတွေမှာ ပေါ်ထွက်ခဲ့ဖူးပါတယ်။ ဒါပေမယ့် လက်ရှိအနေအထားကတော့ အာဏာပိုင်တွေကို ပိုပြီး အခက်တွေ့စေမယ့် ပုံစံ ဖြစ်နေပါတယ်။

ပြီးခဲ့တဲ့လက ဆက်သွယ်ရေးဝန်ကြီးဌာနဟာ သူတို့အနေနဲ့ သတင်းအတုတွေကို ဖော်ထုတ်နိုင်မယ့် ဆော့ဖ်ဝဲသစ်ကို စတင်အသုံးပြုနေတယ်လို့ ကြေငြာခဲ့ပါတယ်။ ဇန်န၀ါရီလတုန်းကလည်း သမ္မတ ၀ီဒိုဒိုဟာ ဆိုက်ဘာလုံခြုံရေး အေဂျင်စီအသစ်ကို ဖွင့်လှစ်ပေးခဲ့ပါတယ်။

အွန်လိုင်း ၀ါဒဖြန့်မှုများ

အင်တာနက်မှာ သတင်းမှားတွေနဲ့ လုပ်ကြံဝါဒဖြန့်မှုဂယက်ကို အင်ဒိုနီးရှားနိုင်ငံဟာ ၂၀၁၆ နှစ်ကုန်ပိုင်းနဲ့ ၂၀၁၇ ခုနှစ် အစပိုင်း ဂျကာတာအုပ်ချုပ်ရေးမှူး ရွေးကောက်ပွဲမှာ သိသိသာသာကို ခံစားခဲ့ရပါတယ်။

တရုတ်နွယ်ဖွား ခရစ်ယာန်ဘာသာဝင်ဖြစ်တဲ့ ဂျကာတာအုပ်ချုပ်ရေးမှူး အဟော့ဟာ ကိုရန်ကျမ်းစာကို စော်ကားတယ်လို့ သဘောထားတင်းမာတဲ့ အစ္စလာမ့်မစ်တွေက ပြင်ဆင်ဖြတ်တောက်ထားတဲ့ ဗီဒီယိုနဲ့ ၀ါဒဖြန့်ခဲ့ပါတယ်။

နောက်ဆက်တွဲအဖြစ် အဟော့ဟာ မွတ်စလင်တွေရဲ့ ဆန့်ကျင်ဆန္ဒပြမှုကို ခံခဲ့ရပြီး ရွေးကောက်ပွဲမှာ မွတ်စလင် ပြိုင်ဘက်ကို ရှုံးနိမ့်ခဲ့သလို ဘာသာသာသနာ ညှိုးနွမ်းစေမှုနဲ့ တရားစွဲဆို ထောင်ချခြင်း ခံခဲ့ရပါတယ်။

အဟော့နဲ့ မွတ်စလင်မဟုတ်တဲ့ နိုင်ငံရေးသမားတွေကို ၀ါဒဖြန့်တိုက်ခိုက်ရမှာ MCA က အဓိကကျတဲ့ အခန်းကဏ္ဍကနေ ပါဝင်ခဲ့တယ်လို့ နိုင်ငံရဲ့ အကြီးဆုံး အစ္စလာမ်ဘာသာရေးအဖွဲ့ နဒ်လာသွလ် အိုလမာ (NU) ရဲ့ ဒါရိုက်တာ ဆာဗစ်အလီက ပြောကြားခဲ့ပါတယ်။

“ဒီကိစ္စမှာ MCA ဟာ ဦးဆောင်လှုံ့ဆော်ပေးခဲ့တာပါ။ သူတို့ရဲ့ အကောင့်တော်တော်များများမှာ ဘာသာရေးသဘောတရားတွေ တင်ထားတာကို ထင်ထင်ရှားရှား တွေ့ရပါတယ်”

သူတို့အဖွဲ့ဟာ အနည်းဆုံး အဖွဲ့ ၄ ခုလောက်ရှိပြီး တစ်ဖွဲ့က bot တွေအသုံးပြုတာ၊ အတိုက်အခံတွေရဲ့ အကောင့်တွေကို ဟက်တာလို နည်းလမ်းတွေနဲ့ ၀ါဒဖြန့်တာတွေ ပြုလုပ်ကြတယ်လို့ လူ့အခွင့်အရေးအဖွဲ့ SAFENET က ဒါမာ ဂျူနီယာတိုက ပြောကြားခဲ့ပါတယ်။

အခြားတစ်ဖွဲ့က အစ္စလာမ်သာသနာအတွင်း အစွန်းရောက်ဝါဒကို သွတ်သွင်းကာ ခါလီဖိတ်နိုင်ငံ ထူထောင်ဖို့ တွန်းအားပေးနေပြီး၊ နောက်တစ်ဖွဲ့က ရှေးရိုးစွဲ နိုင်ငံရေးအယူအဆကို ပံ့ပိုးကာ၊ ၀ီဒိုဒိုနဲ့ သဘောထားမတိုက်ဆိုင်တဲ့ စစ်ဖက်အရာရှိတွေကို စန်းတင်တာတွေ လုပ်နေပါတယ်။

“သူတို့ဟာ ၂၀၁၉ ခုနှစ်မှာလုပ်မယ့် သမ္မတရွေးကောက်ပွဲအတွက် ခြိမ်းခြောက်မှုတစ်ရပ် ဖြစ်ပါတယ်။ ၂၀၁၈ မှာ သူတို့ရည်ရွယ်ချက်က ဂျကာတာမှာ ဖြစ်ခဲ့တာကို တိုင်းပြည်ရဲ့ တစ်ခြားနေရာတွေမှာ ကော်ပီလုပ်ချင်တာပါ” လို့ ဂျူနီယာတိုက ပြောပါတယ်။

သတင်းမှားတွေ၊ လုပ်ကြံသတင်းတွေအတွက် ရဲတပ်ဖွဲ့ကို တပ်လှန့်ထားပေမယ့် ထိရောက်မှု နည်းနေပါသေးတယ်။

နိုင်ငံလူဦးရေရဲ့ထက်ဝက် သန်းပေါင်း ၁၃၀ လောက်ဟာ တစ်နေ့ကို ဆိုရှယ်မီဒီယာ ၃ နာရီခွဲလောက် အသုံးပြုနေကြပြီး ကမ္ဘာပေါ်က ဆိုရှယ်မီဒီယာအသုံးပြုမှု အမြင့်ဆုံးတွေထဲမှာ ပါဝင်တယ်လို့ လန်ဒန်အခြေစိုက် We are social အဖွဲ့က ပြောပါတယ်။

နောက်ပြီး ဒစ်ဂျစ်တယ်နည်းပညာဆိုင်ရာ ပညာပေးမှုအစီအစဉ်ကို အင်ဒိုနီးရှားက ဆောင်ရွက်တာ နောက်ကျတယ်လို့လည်း ကျွမ်းကျင်သူတွေက ထောက်ပြပါတယ်။

“အင်တာနက်မှာ တက်လာသမျှ စာတွေ၊ ဗီဒီယိုတွေအားလုံးကို အင်ဒိုပြည်သူများစုက အမှန်လို့ထင်ကြတာ။ အမှားဆိုတာ သူတို့ မသိကြဘူး” လို့ NU က ဆာဗစ်အလီက ပြောကြားခဲ့ပါတယ်။

အင်ဒိုနီးရှားဟာ အစ္စလာမ်ရဲ့ သဘောထားပြည့်ဝမှုကို ကျင့်သုံးပြီး၊ ဘာသာတရား ၆ ခုကို တရားဝင် အသိအမှတ်ပြုကာ ဘာသာရေးလွတ်လပ်ခွင့် ပေးထားတဲ့ သမိုင်းကြောင်းကောင်းတွေ ကာလရှည်ကြာစွာ ရှိခဲ့တာပါ။

ဒါပေမယ့် ပြီးခဲ့တဲ့နှစ်တွေမှာ မွတ်စလင်မဟုတ်သူတွေနဲ့ လိင်တူချစ်သူတွေဟာ ပိုမိုပစ်မှတ်ထားခံလာရပြီး ၀ါဒဖြန့် သတင်းမှားတွေကလည်း မီးလောင်ရာလေပင့်ပေးနေတယ်လို့ SAFENET က တာဝန်ရှိသူ ဂျူနီယာတိုက ပြောကြားခဲ့ပါတယ်။

“ဒါတွေနဲ့ပတ်သက်ပြီး ဘယ်သူမှ ဘာမှ မလုပ်ကြဘူးဆိုရင် သွေးကွဲမှုတွေ၊ ပဋိပက္ခတွေ လွယ်လွယ်ကူကူနဲ့ ဖြစ်လာနိုင်ပါတယ်”

Ref : CNA