ရုရှားကမ္ဘာ့ဖလားတွင် ဗီဒီယိုအကူဒိုင်အသုံးပြုရန် ဖီဖာ ဆုံးဖြတ်

မတ် ၁၇၊ ၂၀၁၈
M-Media

– အခုနှစ်အတွင်း ရုရှားမှာ ကျင်းပမယ့် ၂၀၁၈ ကမ္ဘာ့ဖလားပြိုင်ပွဲမှာ ဗီဒီယိုအကူဒိုင်စနစ် (VAR) အသုံးပြုဖို့အတွက် ကမ္ဘာ့ဘောလုံးအဖွဲ့ချုပ် ဖီဖာက မနေ့မှာ အပြည့်အ၀ အတည်ပြုလိုက်ပါတယ်။

“ဒီဆုံးဖြတ်ချက်အတွက် ကျွန်တော်တို့ အလွန်အမင်း ပျော်ရွှင်မိပါတယ်။ ဒါဟာ ပိုမို ပွင့်လင်းမြင်သာမှုရှိပြီး၊ မျှတတဲ့ အားကစားပြိုင်ပွဲတစ်ခုကို ဖြစ်စေမှာ ဖြစ်ပါတယ်။ ကျွန်တော်တို့ ခေတ်နဲ့အညီ ဆောင်ရွက်ဖို့ လိုပါတယ်” လို့ ဖီဖာဥက္ကဌဖြစ်တဲ့ ဂီယန်နီ အင်ဖန်တီနိုက သတင်းစာရှင်းလင်းပွဲမှာ ပြောကြားခဲ့ပါတယ်။

ကမ္ဘာဖလားပြိုင်ပွဲကို ဇွန်လ ၁၄ ရက်နေ့ကနေ ဇူလိုင်လ ၁၅ ရက်နေ့အထိ ကျင်းပပြုမှာဖြစ်ပြီး ဗီဒီယိုအကူဒိုင် နည်းပညာအတွက် ဖီဖာဟာ စပွန်ဆာ ရှာနေပါတယ်။

၂၀၂၆ ခုနှစ် ကမ္ဘာ့ဖလားပြိုင်ပွဲအတွက် အိမ်ရှင်ရွေးချယ်ပွဲကို ဇွန်လ ၁၃ ရက်နေ့ မော်စကိုမှာ ပြုလုပ်မယ်လို့လည်း ဖီဖာက ကြေငြာခဲ့ပါတယ်။

ပထမဆုံး နိုင်ငံပေါင်း ၄၈ နိုင်ငံ ပါဝင်မယ့် ပြိုင်ပွဲဖြစ်တဲ့ ၂၀၂၆ ခုနှစ် ကမ္ဘာ့ဖလားပြိုင်ပွဲအတွက် အာဖရိကက မော်ရိုကို၊ မြောက်အမေရိကက အမေရိကန်၊ ကနေဒါနဲ့ မက္ကဆီကို ၃ နိုင်ငံပေါင်းတို့က အိမ်ရှင်အဖြစ် ကျင်းပခွင့်ရရေး စာရင်းသွင်းထားပါတယ်။

လက်ရှိ ရုရှားနဲ့ ဗြိတိန်တို့အကြား ဖြစ်ပွားနေတဲ့ သံခင်းတမန်ခင်း တင်းမာမှုတွေက ကမ္ဘာ့ဖလားပြိုင်ပွဲကို ထိခိုက်စေမလားဆိုတဲ့ မေးမြန်းမှုကို ဖီဖာဥက္ကဌ အင်ဖန်တီနိုက ‘မထိခိုက်ဘူး’ လို့ ပြန်လည်ဖြေကြားခဲ့ပါတယ်။

ဒိုင်လူကြီးတွေရဲ့ ဆုံးဖြတ်ချက်တွေကို အထောက်အကူဖြစ်စေမယ့် ဗီဒီယိုအကူဒိုင် နည်းပညာကို ၂၀၁၇ ခုနှစ် ရုရှား ကွန်ဖက်ဒရေးရှင်းဖလား၊ ဘွန်ဒစ်လီဂါနဲ့ စီးရီးအေတို့အပါအ၀င် ကမ္ဘာတစ်ဝှမ်း ပြိုင်ပွဲတွေမှာ ၁၈ လကြာ စမ်းသပ်ခဲ့တာ ဖြစ်ပါတယ်။

Ref: Alarabiya