ရုရှားသမ္မတရွေးကောက်ပွဲတွင် လက်ရှိသမ္မတပူတင်က ထပ်မံအနိုင်ရရှိ

မတ် ၁၉၊ ၂၀၁၈
M-Media

– ယမန်နေ့က ကျင်းပပြုလုပ်ခဲ့သည့် ရုရှားသမ္မတ ရွေးကောက်ပွဲတွင် လက်ရှိသမ္မတ ဗလာဒီမီရ် ပူတင်က မျှော်မှန်ထားသည့်အတိုင်း အနိုင်ရရှိခဲ့ပြီး အတိုက်အခံများကမူ ပူတင်မှာ ရွေးကောက်ပွဲတွင် မရိုးမသား လုပ်ဆောင်ခဲ့သည်ဟု စွပ်စွဲခဲ့ကြသည်။

တိုင်းပြည်အား နှစ်ပေါင်း ၂၀ နီးပါး အုပ်စိုးခဲ့သည့် ပူတင်မှာ ထောက်ခံမဲ ၇၆.၆၆ ရာခိုင်နှုန်း ရရှိခဲ့ပြီး ၎င်းယှဉ်ပြိုင်ခဲ့သည့် သက်တမ်းတစ်လျှောက်တွင် ထောက်ခံမှု အမြင့်ဆုံးလည်း ဖြစ်သည်။ ထို့ကြောင့် နောက်ထပ် ၆ နှစ် ရာထူး၌ ဆက်ရှိနေမည်ဖြစ်သည်။

အတိုက်အခံများနှင့် လွတ်လပ်သော စောင့်ကြည့်သူများကမူ ပူတင် ၄ ကြိမ်မြောက် တာဝန်ထမ်းဆောင်နိုင်ရေး တရားဝင်ဖြစ်မှု သေချာစေရန်အတွက် မဲဝယ်ခြင်း၊ အခြား မသမာမှုများ ပြုလုပ်ခြင်းတို့ ရှိသည်ဟု ပြောကြားခဲ့သည်။

သို့သော်လည်း ပူတင်အား ထောက်ခံသူများက ဗြိတိန်၏ သူလျှိုကိစ္စ စွပ်စွဲမှု၊ အိုလံပစ်ပြိုင်ပွဲတွင် ရုရှားကစားသမားများအား ဆေးကျသည်ဆိုသည့် စွပ်စွဲမှု စသည့် အနောက်နိုင်ငံများ၏ ဖိအားများကြောင့် ရုရှားပြည်သူများက ၎င်းတို့၏ ခေါင်းဆောင်နောက်၌ ပိုမို မားမားမတ်မတ်ရပ်တည်မှုကို ဖြစ်စေသည်ဟု ဆိုသည်။

၂၀၂၄ ခုနှစ် ရာထူး၌ ဆက်ရှိနေမည့် ပူတင်မှာ အာဏာရှင် ဂျိုးဆက်စတာလင်နောက်ပိုင်း အရှည်ကြာဆုံး ရုရှားခေါင်းဆောင် ဖြစ်လာခဲ့သည်။ ၎င်းကမူ ရာသက်ပန်သမ္မတအဖြစ် ရှိနေမည်မဟုတ်ဟု ဆိုသည်။

“အသက် ၁၀၀ အထိ ကျွန်တော် ဒီရာထူးမှာ နေသွားမယ်ဆိုတာမျိုးလား။ မဟုတ်ပါဘူး” ဟု ယမန်နေ့တွင် သတင်းထောက်များက ၂၀၃၀ ပြည့်နှစ် သမ္မတရွေးကောက်ပွဲတွင် ထပ်မံ ၀င်ရောက်ယှဉ်ပြိုင်မည်လားဆိုသည့် မေးခွန်းကို ဖြေကြားခဲ့သည်။

ရုရှားသမ္မတရွေးကောက်ပွဲတွင် ပူတင်အပါအ၀င် ၈ ဦး ၀င်ရောက်ယှဉ်ပြိုင်ခဲ့သော်လည်း ၎င်းအား ယှဉ်ပြိုင်နိုင်မည်ဟု ယူဆရသည့် အလက်ဇီ နာဗာလ်နီမှာ ဥပဒေဆိုင်ရာ အကြောင်းအရင်းများကြောင့် ယှဉ်ပြိုင်ခွင့် ပိတ်ပင်ခံခဲ့ရသည်။

Ref: CNA