ပြဿနာတစ်ခုဖြစ်လာရင် အားနည်းချက်တွေကို သုံးသပ်ဝေဖန်သင့်တယ်လို့ ကိုမြအေးဆို

မတ် ၁၉၊ ၂၀၁၈
M-Media
မိုးစက်

ရန်ကုန်။ ။ အကြောင်းကိစ္စတစ်ခုခုကြောင့် ပြသာနာတစ်ခုခု ဖြစ်လာခဲ့ပြီဆိုရင် အစ္စလာမ်ဘာသာဝင်များအနေဖြင့် အားနည်းချက်တွေကို သုံးသပ်ဝေဖန်သင့်ပြီလို့ ကိုမြအေးက မတ်လ(၁၈) ရက်နေ့က တော်ဝင်နှင်းဆီခန်းမမှာ ကျင်းပပြုလုပ်သော
ကြယ်ငါးပွင့် အမည်ဖြင့် ဂုဏ်ပြုဟောပြောပွဲမှာ ယင်းသို့ ဆိုခဲ့ခြင်းဖြစ်ပါတယ်။

ရန်ကုန်။ ။ အကြောင်းကိစ္စတစ်ခုခုကြောင့် ပြသာနာတစ်ခုခု ဖြစ်လာခဲ့ပြီဆိုရင် အစ္စလာမ်ဘာသာဝင်များအနေဖြင့် အားနည်းချက်တွေကို သုံးသပ်ဝေဖန်သင့်ပြီလို့ ကိုမြအေးက မတ်လ(၁၈) ရက်နေ့က တော်ဝင်နှင်းဆီခန်းမမှာ ကျင်းပပြုလုပ်သော
ကြယ်ငါးပွင့်အမည်ဖြင့် ဂုဏ်ပြုဟောပြောပွဲမှာ ယင်းသို့ ဆိုခဲ့ခြင်းဖြစ်ပါတယ်။

“ငါတို့ချည်းပဲ မှန်တာတော့ နေရာတိုင်းမှာ မဟုတ်ဘူးလို့ ကျွန်တော်ထင်ပါတယ်။ တစ်ခုခုဖြစ်လာခဲ့ရင် ငါတို့လည်း ဘာအားနည်းချက်တွေရှိလည်းဆိုတာကို ပြန်ပြီး အပြန်ပြန်အလှန်လှန် သုံးသပ်ဝေဖန်သင့်တယ်လို့ ကျွန်တော် အစ္စလာမ်ဘာသာဝင်များကို တိုက်ရိုက်တိုက်တွန်းချင်ပါတယ်။

မှားနေတယ်လို့ ကျွန်တော်မဆိုလိုပါဘူး။ အကယ်၍များ မှားနေတယ်ဆိုရင် ငါတို့ ဘယ်လိုပြောင်းလဲရမလည်းဆိုတာကို စဉ်းစားသင့်ပြီလို့ ကျွန်တော်မြင်ပါတယ်။” လို့ ဆိုခဲ့ပါတယ်။

” ကျွန်တော်တို့ နိုင်ငံနဲ့ပတ်သတ်ပြီး စဉ်းစားတဲ့အခါမှာ လူမျိုးတစ်ခုချင်း ဘာသာတစ်ခုချင်းအပေါ်မှာ အခြေတည်ပြီး စဉ်းစားတာထက် နိုင်ငံသူ နိုင်ငံသားဆိုတဲ့ အခြေခံပေါ်မှာ အစ္စလာမ်ဘာသာဝင်တွေကို စဉ်းစားစေချင်ပါတယ်။ တစ်ဖက်ကလည်း ပြောချင်တာက နိုင်ငံသားထက်တော့ နည်းနည်းလေးမှ လျှော့လို့မရတော့ပါဘူး ခင်ဗျာ။ အဲ့နောက်မှာ ချောက်ပဲ ရှိပါတော့တယ်။

အဲ့ဒီတော့ ကျွန်တော်တို့ဟာ နိုင်ငံသားဖြစ်ပါတယ်။ ” လို့ နိုင်ငံသား အခွင့်အရေးနဲ့ ပတ်သတ်ပြီး ဆိုပါတယ်။

အစ္စလာမ်ဘာသာဝင်များက ယခင်က အားကစား၊ ကျန်းမာရေး၊ နိုင်ငံရေး၊ လူမှုရေး အစရှိတဲ့ နယ်ပယ်တွေမှာ မနိမ့်ကျခဲ့ပဲ တိုင်းပြည်တာဝန်ကို ကျရာအခမ်းကဏ္ဍကနေ ထမ်းဆောင်ခဲ့ကြတာဖြစ်ပြီး ဒီနေ့ ဒီမိုကရေစီရေး အကူးအပြောင်းမှာလည်း တိုင်းပြည်ကို ချောက်ထဲမကျအောင် နောက်ပြန်လှည့်လို့မရအောင် မြန်မာနိုင်ငံသားအစ္စလာမ်ဘာသာဝင်များက တခြားတိုင်းရင်းသားများနဲ့ လက်တွဲပြီး ပြသာနာအရပ်ရပ်ကို ဖြေရှင်းဖို့ လိုနေပြီဖြစ်ပြီးတိုင်းပြည်ကို ပို၍ပို၍ချစ်ဖို့ တိုက်တွန်းကြောင်း ဆိုခဲ့ပါတယ်။

ကြယ်ငါးပွင့်လို့ တင်စားရတဲ့ ဟောပြောပွဲမှာတော့ သမိုင်းမှာ ထင်ရှားကျော်ကြားခဲ့ပြီး အစ္စလာမ်ဘာသာဝင်များ ဖြစ်ကြတဲ့ ခေတ်ဦး ကာတွန်းဆရာကြီးဖြစ်ပြီး ဦးရွှေရိုး ဒေါ်မိုး အကကို တီထွင်ခဲ့တဲ့ ကာတွန်းဆရာကြီး ရွှေတလေး၊ ပထမဆုံး တက္ကသိုလ် ကျောင်းသားသမဂ္ဂ ဥက္ကဌဖြစ်တဲ့ ဦးရာရှစ်၊ မေယု တိုက်ရေယာဉ်မှူး ဗိုလ်မှူးဘသော်(ခေါ်) မောင်သောက၊ အမျိုးသမီးထုအား အဖက်ဖက်မှ အကျိုးပြခဲ့တဲ့ ဆရာမကြီး ဝဏ္ဏကျော်ထင် ဟာဂျီမ ဒေါ်စောရွှေနှင့် ပါလီမန် ဒီမိုကရေစီခေတ်က ဝန်ကြီးဟောင်း ဦးခင်မောင်လတ်တို့ အကြောင်းကို စာရေးဆရာ ချစ်ဦးညို၊ စမ်းစမ်းနွဲ့ (သာယာဝတီ)၊ ဝါခယ်မမောင်မင်းနိုင်၊ ကာတွန်း ဝင်းအောင်နှင့် မြန်မာစာပါမောက္ခ ဦးသန်းဝင်းတို့က ဂုဏ်ပြုဟောပြောခဲ့ကြပါတယ်။