မြန်မာနိုင်ငံသားတစ်ဦးကြောင့် ကိုရီးယားနိုင်ငံသား ၄ ဦး အသက်ရှင်သန်ခွင့်ရ

မတ် ၂၀၊ ၂၀၁၈
M-Media

စက်ရုံတွင် မတော်တဆမှုကြောင့် ကွယ်လွန်သွားသည့် ၀င်းထွဋ်ဇော်

– ကိုရီးယားက စက်ရုံတစ်ခုမှာ အလုပ်သွားလုပ်ရင်း မတော်တဆမှုကြောင့် ကွယ်လွန်သွားတဲ့ မြန်မာနိုင်ငံသားတစ်ဦးရဲ့ ခန္ဓာကိုယ်အစိတ်အပိုင်းတွေကြောင့် ကိုရီးယားနိုင်ငံသား ၄ ဦး အသက်ရှင်သန်ခွင့်ရခဲ့တယ်လို့ သိရပါတယ်။

ဂျောင်ဆန်းတောင်ပိုင်း မီရ်ယန်းမြို့က ကားအစိတ်အပိုင်းစက်ရုံတစ်ခုမှာ အလုပ်လုပ်တဲ့ အသက် ၄၄ နှစ်အရွယ် ၀င်းထွဋ်ဇော်ဟာ ဇန်န၀ါရီလ ၂၁ ရက်နေ့မှာ စက်ရုံအတွင်း ပြုတ်ကျကာ ခေါင်းထိပြီး ဦးနှောက်မှာ ဒဏ်ရာရသွားခဲ့တာပါ။

ခွဲစိပ်ကုသမှု အောင်မြင်ခဲ့ပေမယ့် ဖေဖော်ဝါရီ ၁၃ ရက်နေ့မှာ နှလုံးရပ်သွားခဲ့ပြီး ၂ ပတ်လောက် ကုသမှုတွေ ဆက်လုပ်ခဲ့ရာမှာ တိုးတက်မှုမရရှိဘဲ ဆရာဝန်တွေက ဦးနှောက်သေဆုံးသွားတာဖြစ်တယ်လို့ သတ်မှတ်ခဲ့ပါတယ်။

ကိုရီးယားကို လိုက်သွားခဲ့တဲ့ ၀င်းထွဋ်ဇော်ရဲ့ အမဖြစ်သူက ကွယ်လွန်သူရဲ့ ခန္ဓာကိုယ်အစိတ်အပိုင်းကို လှူဒါန်းဖို့ ပြောကြားခဲ့ပြီး မတ်လ ၃ ရက်နေ့မှာ နှလုံး၊ အသည်းနဲ့ ကျောက်ကပ်တွေကို ကိုရီးယားလူနာ ၄ ဦးဆီ အစားထိုးပေးခဲ့ကာ သူတို့ရဲ့ အသက်တွေကို ကယ်တင်နိုင်ခဲ့ပါတယ်။

ကိုရီးယားမှာ နိုင်ငံခြားသားတွေက ဒီလို ကိုယ်အင်္ဂါအစိတ်အပိုင်း လှူဒါန်းတာမျိုးဟာ ရှားပါးပြီး တစ်နှစ်ကို ၂ ယောက်လောက်သာ ရှိပါတယ်။

ဒီလို လှူဒါန်းရခြင်းဟာ မောင်ဖြစ်သူ အသက်ရှင်စဉ်အခါက ဆောင်ရွက်ခဲ့တဲ့ ပရဟိတစိတ်ဓာတ်၊ မိသားစုရဲ့ ဗုဒ္ဓဘာသာ အယူအဆနဲ့အညီ ဆောင်ရွက်ခဲ့တာဖြစ်တယ်လို့ ၀င်းထွဋ်ဇော်ရဲ့အမက ပြောကြားခဲ့ပါတယ်။

ဝင်းထွဋ်ဇော်ဟာ ချို့တဲ့မိသားစုတွေက သားယောက်ျားလေးတွေကို ရှင်ပြုပေးတာလို အလှူဒါနမျိုးကို ပြုလုပ်လေ့ရှိပြီး အဒေါ်ဖြစ်သူရဲ့ ကျောက်ကပ်ခွဲစိပ်မှုအတွက်လည်း ငွေထုတ်ပေးခဲ့သူ ဖြစ်ပါတယ်။

ကိုရီးယားမှာ ဆက်နေချင်တယ်လို့ မဆုံးခင်က ပြောကြားမှုကြောင့် ၀င်းထွဋ်ဇော်ရဲ့ ဈာပနအခမ်းအနားကို မတ်လ ၆ ရက်နေ့က မီရ်ယန်းဆေးရုံမှာ ပြုလုပ်ခဲ့ပြီး အဲဒီမြို့မှာပဲ ဂူသွင်းခဲ့ပါတယ်။

ဝင်းထွဋ်ဇော်ရဲ့ ဆေးဖိုး၊ ဈာပန ကုန်ကျစားရိတ်အတွက် ကိုရီးယားအစိုးရက စုစုပေါင်း ၀မ် ၅.၄ သန်း ပေးခဲ့ပြီး မိသားစုကတော့ ဒီငွေတွေကို ကလေးငယ်တွေနဲ့ပတ်သက်ပြီး ကူညီပေးနေတဲ့အဖွဲ့ကို လှူဒါန်းခဲ့ပါတယ်။

မြန်မာနိုင်ငံဆိုင်ရာ ကိုရီးယားသံအမတ် လီဆန်ဟွာက ၀င်းထွဋ်ဇော်ရဲ့ မိသားစုနဲ့အတူ ၀မ်းနည်းကြေကွဲရကြောင်း ပြောကြားခဲ့ပါတယ်။

မြန်မာနိုင်ငံက ကိုရီးယားအသင်းကလည်း ၀င်းထွဋ်ဇော်ကို ဂုဏ်ပြုတဲ့အနေနဲ့ သူတက်ခဲ့တဲ့ တက္ကသိုလ်ကို ပညာသင်ဆုပေးဖို့၊ သူ့အမည်နဲ့ ရန်ပုံငွေတစ်ခု တည်ထောင်ဖို့ ရှိနေကြောင်း လီက ထည့်သွင်းပြောကြားခဲ့ပါတယ်။

Ref: mmtimes