တောင်ကိုရီးယားသမ္မတဟောင်း ခြစားမှုဖြင့် ဖမ်းဝရမ်းထုတ်ခံရ

မတ် ၂၂၊ ၂၀၁၈
M-Media

– တောင်ကိုရီးယားသမ္မတဟောင်း လီမြောင်ဘတ်အား ခြစားမှုများဖြင့် တရားစွဲဆိုနိုင်ရန်အတွက် ယနေ့တွင် ဖမ်းဝရမ်းထုတ်ခဲ့သည်ဟု တောင်ကိုရီးယားသတင်းဌာန Yonhap က ဖော်ပြခဲ့သည်။

၂၀၀၈ ခုနှစ်မှ ၂၀၁၃ ခုနှစ်အထိ တာဝန်ထမ်းဆောင်ခဲ့သည့် အသက် ၇၆ နှစ်အရွယ် လီမြောင်ဘတ်မှာ ရာဇ၀တ်မှုဆိုင်ရာ စုံစမ်းစစ်ဆေးမှုများ၊ ခြစားမှုနှင့်ပတ်သက်သည့် စုံစမ်းစစ်ဆေးမှုများကို ခံခဲ့ရပြီး ပြီးခဲ့သည့်ရက်ပိုင်း အတွင်း အစိုးရရှေ့နေများက ၎င်းအား ခေါ်ယူ မေးမြန်းခဲ့သည်။

Yonhap သတင်းဌာနက အစိုးရရှေ့နေများမှာ လီမြောင်ဘတ်အနေဖြင့် အထောက်အထားများကို ဖျောက်ဖျက်ပစ်နိုင်သည်ဆိုသည့် စိုးရိမ်မှုများ ရှိနေသည်ဟု ထည့်သွင်း ဖော်ပြခဲ့သည်။ စွပ်စွဲချက်များအတွက် ပြစ်မှုထင်ရှားပါက လီမြောင်ဘတ်မှာ ထောင်ဒဏ် ၄၅ နှစ်အထိ ကျခံရဖွယ် ရှိနေသည်။

၎င်းကမူ ထိုစွပ်စွဲချက်များအား ငြင်းဆိုထားသည်။

စွပ်စွဲချက်များတွင် Samsung အုပ်စုက အခွန်ရှောင်မှုဖြင့် ပြစ်မှုထင်ရှားပြီး ဆိုင်းငံ့ထောင်ဒဏ် ချခံခဲ့ရသည့် ၎င်းတို့၏ ဥက္ကဌဟောင်း လီကွမ်ဟီ လွတ်မြောက်ရန်အတွက် ၂၀၀၉ ခုနှစ်တွင် လီမြောင်ဘတ်ထံမှ သမ္မတလွတ်ငြိမ်းချမ်း သာခွင့်ကို ငွေပေး၍ ၀ယ်ယူခဲ့မှု၊ နိုင်ငံတော် ထောက်လှမ်းရေးအေဂျင်စီမှ ကန်ဒေါ်လာ တစ်သိန်း လက်သိပ်ထိုးရယူခဲ့မှု၊ ၎င်း၏ ဆွေမျိုးအမည်များဖြင့် ထူထောင်ထားသော ကားကုမ္ပဏီတစ်ခုက ငွေကြေးသန်းချီကို ခ၀ါချမှု စသည်တို့ ပါဝင်သည်။

လီမြောင်ဘတ်ကမူ ယခုဆောင်ရွက်မှုမှာ ၎င်း၏ ပြိုင်ဘက်များက ၎င်းအား နိုင်ငံရေးအရ လက်စာချေခြင်းဖြစ်သည်ဟု တုန့်ပြန်ခဲ့သည်။

တောင်ကိုရီးယား၏ သမ္မတဟောင်းများဖြစ်ပြီး လက်ရှိ အသက်ရှင်သန်လျက် ရှိနေသည့် ၄ ဦးစလုံးမှာ ရာဇ၀တ်မှုများဖြင့် ပြစ်ဒဏ်ချခံရမှု၊ တရားစွဲဆိုခံရမှု၊ စုံစမ်းစစ်ဆေးခံရမှုတို့ကို ကြုံတွေ့ခဲ့ရသည်။

Ref: CNA