တရုတ်ပစ္စည်းများအပေါ် အမေရိကန်က အခွန်ကောက်ပြီး ကုန်သွယ်ရေးစစ်ပွဲသို့ ဦးတည်

မတ် ၂၃၊ ၂၁၈
M-Media

– တရုတ်နိုင်ငံက တင်သွင်းတဲ့ ကုန်ပစ္စည်း ကန်ဒေါ်လာ ဘီလီယံ ၆၀ ဖိုးအတွက် အခွန်ကောက်ခံမယ့် အမိန့်တစ်ခုကို အမေရိကန်သမ္မတ ဒေါ်နယ်ထရမ့်က မနေ့မှာ လက်မှတ်ရေးထိုးခဲ့ပြီး ကမ္ဘာ့ စီးပွားရေးအင်အားကြီး နိုင်ငံနှစ်ခုအကြား ကုန်သွယ်ရေးစစ်ပွဲ ဖြစ်ပေါ်လာဖို့ လမ်းစ ဖြစ်ပါတယ်။

ထရမ့်က ဒီဆောင်ရွက်မှုဟာ အမေရိကန်ရဲ့ နည်းပညာတွေကို တရုတ်က ခိုးယူမှု၊ အမေရိကန်ကုမ္ပဏီတွေကို ဖိအားပေးကာ လက်ပြောင်းရယူမှုတွေအတွက် ပြစ်ဒဏ်ခတ်တာဖြစ်ပြီး ကုန်သွယ်ရေးဆိုင်ရာ အရေးယူမှုတွေရဲ့ အများအပြားရဲ့ ‘ပထမဆုံး’ ဖြစ်တယ်လို့ ထည့်သွင်းပြောကြားခဲ့ပါတယ်။

“လက်ရှိ ကျွန်တော်တို့ဟာ အသိပညာပိုင်းဆိုင်ရာ ခိုးယူခံရမှုတွေနဲ့ ကြုံတွေ့နေရပါတယ်”

အခွန်ကောက်ခံမယ့် ကုန်ပစ္စည်းတွေရဲ့ အသေးစိတ်အချက်အလက်တွေကို ၁၅ ရက်အတွင်း ထုတ်ပြန်ဖို့အတွက် ထရမ့်ဟာ အမေရိကန် ကုန်သွယ်ရေး ကိုယ်စားလှယ်အဖွဲ့ (USTR) ကို ညွှန်ကြားမယ်လို့ အိမ်ဖြူတော်က သတင်းထုတ်ပြန်ပါတယ်။ USTR ဟာ ကန်ဒေါ်လာ ၄၈ ဘီလီယံဖိုးရှိမယ့် ကုန်ပစ္စည်းပေါင်း ၁၃၀၀၀ လောက်ကို စာရင်းပြုစုထားပြီး ဖြစ်ပါတယ်။

ကန့်သတ်ရမယ့် တရုတ်ရင်းနှီးမြှုပ်နှံမှုလုပ်ငန်း စာရင်းတွေကိုလည်း ထရမ့်က ဘဏ္ဍာရေးဝန်ကြီး စတီဗင်မူချင်ထံကနေ တောင်းထားပါတယ်။

အမေရိကန်နဲ့ တရုတ်တို့ရဲ့ ကုန်သွယ်ရေးကွာဟမှု ဒေါ်လာ ၃၇၅ ဘီလီယံရှိတာကို ထောက်ပြပြီး ထရမ့်က အမေရိကန်တွေရဲ့ အလုပ်အကိုင်တွေ ဆုံးရှုံးနေကြောင်း ပြစ်တင်ပြောဆိုခဲ့ပါတယ်။

“ဒါဟာ ကမ္ဘာ့သမိုင်းမှာ အကြီးမားဆုံး ကုန်သွယ်ရေးကွာဟချက်ပါပဲ။ ထိန်းလို့မရပါဘူး”

တရုတ်က မိမိကိုယ်ကို ကာကွယ်ဖို့အတွက် လိုအပ်တာတွေအားလုံး ဆောင်ရွက်သွားမယ်လို့ ပြောကြားခဲ့ပြီး စီးပွားရေးအင်အားကြီးနိုင်ငံတွေအကြား ကုန်သွယ်ရေးစစ်ပွဲ ဖြစ်လာနိုင်တယ်လို့ သတိပေးခဲ့ပါတယ်။

Ref: Aljazeera