အမေရိကန် စစ်သင်္ဘောဖြတ်ပြီးနောက် တရုတ်က တောင်တရုတ်ပင်လယ်တွင် စစ်ရေးလေ့ကျင့်

မတ် ၂၅၊ ၂၀၁၈
M-Media

တရုတ် တိုက်လေယာဉ်များ

– အနာဂတ်တွင် ဖြစ်လာနိုင်သည့် စစ်ပွဲများအတွက် ကြိုတင်ပြင်ဆင်သည့်အနေဖြင့် တောင်တရုတ်ပင်လယ်နှင့် ပစိဖိတ်အနောက်ခြမ်းတို့တွင် စစ်ရေးလေ့ကျင့်မှု ပြုလုပ်ခဲ့သည်ဟု တရုတ်လေတပ်က ပြောကြားခဲ့သည်။

“လေတပ်ဟာ အနာဂတ်စစ်ပွဲတွေအတွက် လေ့ကျင့်တာဖြစ်ပြီး၊ တိုက်ပွဲဝင်နိုင်ရေး အပြည့်အစုံ ပြင်ဆင်တာလည်း ဖြစ်ပါတယ်” ဟု ယနေ့တွင် တရုတ်လေတပ်မှ ထုတ်ပြန်သော ကြေငြာချက်၌ ဖော်ပြထားသည်။

သောကြာနေ့က အမေရိကန် ဖျက်သင်္ဘောတစ်စီးမှာ တောင်တရုတ်ပင်လယ်ရှိ တရုတ်က တည်ဆောက်နေသော ကျွန်းအနီး ရေမိုင် ၁၂ မိုင်အကွာမှ ဖြတ်သန်းသွားခဲ့ပြီး တရုတ်ကမူ ထိုလုပ်ရပ်အား ရှုတ်ချခဲ့သည်။

အမေရိကန်ဖျက်သင်္ဘောအား မိမိတို့ သင်္ဘောနှစ်စီးက သတိပေးခဲ့ပြီး၊ ‘ဆိုးဆိုးဝါးဝါး ရန်စမှု’ ဖြစ်သည်ဟု ရှုတ်ချခဲ့သည်။ ထို့ပြင် ထိုကဲ့သို့ စစ်ရေးဆောင်ရွက်မှုများက တရုတ်နိုင်ငံ၏ အချုပ်အခြာနှင့် လုံခြုံရေးကို စိန်ခေါ်မှုဖြစ်သည်ဟုလည်း ထည့်သွင်းပြောဆိုခဲ့သည်။

တရုတ်လေတပ်က H-6K ဗုံးကြဲလေယာဉ်၊ Su-30၊ Su-35 တိုက်လေယာဉ်များအပါအ၀င် မိမိတို့ လေယာဉ်များမှာ တောင်တရုတ်ပင်လယ်တွင် တိုက်ပွဲဝင် ကင်းလှည့်မှု၊ ပစိဖိတ်အနောက်ခြမ်းတွင် လေကျင့်မှုများ ပြုလုပ်ခဲ့ကြောင်း၊ ပင်လယ်ပြင်တွင် ၎င်းတို့၏ တိုက်ခိုက်ရေးစွမ်းရည် တိုးတက်စေရန် ရည်ရွယ်ကြောင်း ထုတ်ပြန်ခဲ့သည်။

ပြီးခဲ့သည့်လတွင် အမေရိကန် အာရှ-ဖစိဖိတ်ရေတပ်မှ ထိပ်တန်းဗိုလ်ချုပ်တစ်ဦးက တရုတ်နိုင်ငံမှာ တောင်တရုတ်ပင်လယ်ကို လွှမ်းမိုးရန် ရည်ရွယ်နေသောကြောင့် အမေရိကန်မှာ တရုတ်နှင့် ဖြစ်လာနိုင်သည့်စစ်ပွဲအတွက် ပြင်ဆင်ထားရမည်ဟု အောက်လွှတ်တော်တွင် ပြောကြားခဲ့သည်။

Ref: Press TV