ခရစ်ယာန်ဓမ္မဆရာ၏ဟောကြားချက် ဘာသာရေးသဟဇာတဖြစ်မှုကို ထိခိုက်မှု ရှိ၊ မရှိ စင်ကာပူ စုံစမ်းနေ

မတ် ၂၇၊ ၂၀၁၈
M-Media

– အမေရိကန် ခရစ်ယာန်တရားဟောဆရာတစ်ယောက်ဟာ စင်ကာပူနိုင်ငံရဲ့ ဘာသာရေးသဟဇာတဖြစ်မှုကို ပျက်ပြားစေတဲ့ ပြောကြားချက်မျိုး ရှိတယ်လို့ အထောက်အထားတွေ့ရရင် တိတိကျကျ အရေးယူဆောင်ရွက်သွားမယ်ဆိုပြီး စင်ကာပူ ပြည်ထဲရေးဝန်ကြီးဌာန MHA က မနေ့မှာ သတင်းထုတ်ပြန်လိုက်ပါတယ်။

အခုလအစောပိုင်းက စင်ကာပူကုန်စည်ပြပွဲတစ်ခုမှာ ခရစ်ယာန်တရားဟောဆရာ လူအိန်ဂျဲလ်ရဲ့ ပြောကြားမှုဟာ စင်ကာပူက ခရစ်ယာန်နဲ့ မွတ်စလင်အကြား သွေးကွဲစေဖို့ ခြိမ်းခြောက်နေတယ်လို့ အွန်လိုင်း သတင်းဌာနတစ်ခုဖြစ်တဲ့ Rice Media က ဖော်ပြခဲ့ပြီးတဲ့နောက် ပြည်ထဲရေးဝန်ကြီးရဲ့ ဒီလိုထုတ်ပြန်ချက် ပေါ်ထွက်လာတာပါ။

“Kingdom Invasion Conference 2018 မှာ အိန်ဂျဲလ်ဟာ ဒီလိုပြောကြားမှုတွေ အထူးသဖြင့် အစ္စလာမ်သာသနာနဲ့ပတ်သက်ပြီး ပြေကြားမှုတွေ ရှိတဲ့ဆိုတဲ့ စွပ်စွဲချက်တွေကို MHA က ကြားနေရပါတယ်။ ဒီကိစ္စနဲ့ပတ်သက်လို့ MHA က ဆောင်ရွက်နေပါတယ်” လို့ ပြည်ထဲရေးဝန်ကြီးဌာနက ထုတ်ပြန်ခဲ့ပါတယ်။

အိန်ဂျဲလ်ရဲ့ တရားပွဲကို စင်ကာပူ Cornerstone Community Church ဘုရားကျောင်းက စီစဉ်ကျင်းပတာဖြစ်ပြီး အဲဒီပွဲကို သွားတက်ခဲ့တဲ့ မစ္စတာဘင်ဂျမင် လင်က Rice Media ရဲ့ အယ်ဒီတာ့အာဘော်မှာ ဒီကိစ္စနဲ့ပတ်သက်လို့ ဆောင်းပါးရေးသားခဲ့တာ ဖြစ်ပါတယ်။

လူ ၂၀၀၀ လောက်တက်ရောက်ခဲ့တဲ့ အဲဒီတရားပွဲမှာ အိန်ဂျဲလ်က ‘ခေတ်သစ်မွတ်စလင်လှုပ်ရှားမှုကို တွန်းလှန်နေရတယ်’ ဆိုပြီး ပြောကြားခဲ့တာပါ။

အိန်ဂျဲလ်ကတော့ သူ့အနေနဲ့ အငြင်းပွားဖွယ်ကိစ္စကိုတွေကို ရှောင်ခဲ့ပြီး စင်ကာပူက လူမှုရေး၊ ဘာသာရေးနဲ့ လူမျိုးရေးသဟဇာတဖြစ်မှုကို ပျက်ပြားစေမယ့်စကားမျိုး မပြောခဲ့ဘူးလို့ တုန့်ပြန်ပါတယ်။

“စင်ကာပူက ဘာသာရေး သဟဇာတဖြစ်မှုကို ပျက်ပြားစေတဲ့ စကားမျိုး၊ ဘာသာရေးနဲ့ နိုင်ငံရေးကို ရောထွေးစေတဲ့စကားမျိုးကို မစ္စတာအိန်ဂျဲလ်က ပြောခဲ့မယ်ဆိုရင် အဲဒီအတွက် ထိထိရောက်ရောက် အရေးယူသွားမှာပါ။ MHA ဟာ စင်ကာပူရဲ့ လူမှုရေး၊ လူမျိုးရေးနဲ့ ဘာသာရေးသဟဇာတဖြစ်မှုကို ပျက်ဆီးအောင်လုပ်တဲ့ ဘယ်လို လူမျိုးကိုမှ သည်းခံမှာ မဟုတ်ပါဘူး” လို့ စင်ကာပူ ပြည်ထဲရေးဝန်ကြီးဌာနက ထည့်သွင်းပြောကြားခဲ့ပါတယ်။

Cornerstone Community Church ဘုရားကျောင်းကတော့ Rice Media ရဲ့ ဆောင်းပါးနဲ့ပတ်သက်ပြီး ရဲတပ်ဖွဲ့မှာ တိုင်ချက်ဖွင့်ထားပါတယ်။

ပြီးခဲ့တဲ့နှစ် စက်တင်ဘာတုန်းက ခရစ်ယာန်တရားဟောဆရာနှစ်ယောက်ကို စင်ကာပူလာရောက်ဟောပြောခွင့် ပိတ်ပင်ခဲ့ပြီး အဲဒီလူနှစ်ဦးဟာ အခြားသော ဘာသာတရားတွေအပေါ် အပုတ်ချတဲ့စကားမျိုး၊ စော်ကားတဲ့စကားမျိုးကို ပြောကြားခဲ့ကြောင်း၊ ဘယ်ဘာသာက တရားဟောဆရာမှ အခြားဘာသာတရားတွေအပေါ် ရှုတ်ချပြောဆိုတာမျိုး အစိုးရက ခွင့်ပြုမှာမဟုတ်ဘူးလို့ ပြည်ထဲရေးဝန်ကြီးဌာနက ထုတ်ပြန်ခဲ့ပါတယ်။

လာမယ့်လအတွင်းမှာ လာရောက်ဖို့ စီစဉ်ထားတဲ့ မွတ်စလင်တရားဟောဆရာနှစ်ဦးကိုလည်း သူ့တို့ရဲ့ အရင်က အခြားဘာသာတွေအပေါ် ပြောကြားခဲ့တဲ့ မှတ်ချက်တွေအတွက် စင်ကာပူက ပြည်ဝင်ခွင့်ပိတ်ပင်ခဲ့ပါတယ်။

Ref: CNA