အမေရိကန်ရောက် ဆော်ဒီအိမ်ရှေ့မင်းသား အစ္စရေးလော်ဘီအုပ်စုနှင့် တွေ့ဆုံ

မတ် ၂၉၊ ၂၀၁၈
M-Media

နယူးယောက်မြို့တော်ဝန်ဟောင်း ဘလွန်းဘာ့ဂ်နှင့် တွေ့ဆုံနေသည့် ဘင် ဆလ်မန်(၀ဲ)

– ဆော်ဒီအိမ်ရှေ့မင်းသား မိုဟာမက် ဘင် ဆလ်မန်ရဲ့ အမေရိကန်ခရီးစဉ်အတွင်းမှာ အစ္စရေးလော်ဘီအဖွဲ့တွေရဲ့ ခေါင်းဆောင်တွေ၊ အဖွဲ့ဝင်တွေနဲ့ တွေ့ဆုံခဲ့တယ်ဆိုတဲ့ သတင်းတစ်ခု ပေါက်ကြားလာပါတယ်။

တွေ့ဆုံမှုမှာ ပါလက်စတိုင်းပိုင်နက်တွေအတွင်း တရားမ၀င် အခြေချအိမ်ယာတွေ တည်ဆောက်ရေး ဒေါ်လာသန်းချီ ထောက်ပံ့နေတဲ့ AIPIAC၊ Stand Up for Israel (ADL) နဲ့ Jewish Federations of North America (JFNA) စတဲ့ ဂျူး လယ်ယာစွန်းရောက်အဖွဲ့တွေက တာဝန်ရှိသူတွေ ပါဝင်ပါတယ်။

ပါလက်စတိုင်းပိုက်နက်တွေကို အစ္စရေးက သိမ်းပိုက်မှု ဆန့်ကျင်ရေး ကမ္ဘာလုံးဆိုင်ရာလှုပ်ရှားမှု BDS ကို လည်း အဲဒီ ဂျူးလက်ယာစွန်းအဖွဲ့တွေက ဆန့်ကျင်တိုက်ခိုက်နေကြတာပါ။

အစ္စရေးသတင်းဌာန Haaretz က အိမ်ရှေ့မင်းသားဟာ Conference of Presidents၊ B’nai B’rith၊ the American Jewish Committee (AJC) စတဲ့ အဖွဲ့အစည်းက ခေါင်းဆောင်တွေနဲ့လည်း တွေ့ဆုံခဲ့တယ်လို့ ပေါက်ကြားလာတဲ့ ခရီးသွားမှတ်တမ်းကို ကိုးကားပြီး ဖော်ပြခဲ့ပါတယ်။

ဆော်ဒီအာရေဗျဟာ အစ္စရေးကို တရားဝင် အသိအမှတ်ပြုတာမျိုး မရှိပေမယ့် မိုဟာမက် ဘင် ဆလ်မန်ရဲ့ ဒီလိုတွေ့ဆုံမှုဟာ နှစ်နိုင်ငံအကြား ဆက်ဆံရေးနွေးထွေးလာမှုကို ဖော်ပြနေတာဖြစ်တယ်လို့ သုံးသပ်မှုတွေ ရှိနေပါတယ်။

လက်ရှိ အမေရိကန်မှာရှိနေတဲ့ ဘင် ဆလ်မန်ဟာ ကလင်တန် ဇနီးမောင်နှံ၊ သြဇာရှိတဲ့ အထက်လွှတ်တော်အမတ် ချက် ရှူးမား၊ ကုလအထွေထွေအတွင်းရေးမှူး အန်တိုနီယိုဂူတာရက်စ်၊ အမေရိကန်နိုင်ငံခြားရေးဝန်ကြီးဟောင်း ဟင်နရီ ကစ်ဆင်ဂျာ၊ နယူးယောက်မြို့တော်ဝင်ဟောင်း မီခေးလ် ဘလွန်းဘာ့ဂ်တို့နဲ့လည်း တွေ့ဆုံထားပါတယ်။

မီဒီယာဂုရုတစ်ဦးဖြစ်ပြီး အမေရိကန်ပြည်သူတွေရဲ့ အတွေးအမြင်ကို ပုံဖော်ရာမှာ အရေးပါသူဖြစ်တဲ့ အော်ပရာဝင်းဖရေးနဲ့လည်း လာမယ့်ရက်တွေမှာ တွေ့ဆုံဖို့ ရှိနေပါတယ်။

Ref: Aljazeera