နိုင်ငံအတွင်း ခရစ်ယာန်နှင့် မွတ်စလင်တို့၏ အမှတ်သညာများကို ဖုံးကွယ်ရန် အစ္စရေး စီစဉ်နေ

မတ် ၃၀၊ ၂၀၁၈
M-Media

ဂျေရုစလင်ရှိ Holy Selpulchre ဘုရားကျောင်း

– နိုင်ငံအတွင်း မွတ်စလင်နဲ့ ခရစ်ယာန်တွေရဲ့ အမှတ်သညာတွေအပေါ် လွှမ်းမိုးဖို့အတွက် အစ္စရေးက စီမံကိန်းတစ်ခု ဖော်ဆောင်ဖို့ စီစဉ်နေပါတယ်။

အိမ်ယာနဲ့ ဆောက်လုပ်ရေးဝန်ကြီးဌာနက အဆိုပြုတဲ့ အဲဒီစီမံကိန်းဟာ နိုင်ငံတစ်ဝှမ်း အများပြည်သူနဲ့ သက်ဆိုက်တဲ့ နေရာတွေ၊ လေဆိပ်တွေ၊ အဓိကနေရာတွေမှာ အစ္စရေးအလံဖြစ်တဲ့ ဒေးဗစ်ကြယ်အလံတွေကို များများစားစားလွှင့်ထူထားပြီး ခရစ်ယာန်နဲ့ မွတ်စလင်တွေရဲ့ အမှတ်သညာတွေကို ဖုံးကွယ်ထားဖို့ ဖြစ်ပါတယ်။

“မြောက်ဖက် ဂိုလန်တောင်ကုန်းကနေ၊ တောင်ဘက် နီဂျက်ဗ်သဲကန္တာရအထိ နိုင်ငံအတွင်းက အဝေးပြေးလမ်းတွေ၊ လူသွားလမ်းတွေတစ်လျှောက်လုံးမှာ မြင်ကွင်းကိုလွှမ်းမိုးထားတဲ့ မင်နာရတ်မျှော်စင်တွေကို တွေ့မြင်နေရပြီး ဒါဟာ တိုင်းပြည်ကို မွတ်စလင်-ခရစ်ယာန်ပုံစံမျိုး ဖြစ်နေပါတယ်။ အစ္စရေးတိုင်းပြည်ဖြစ်တယ်၊ ဂျူးတိုင်းပြည်ဖြစ်တယ်ဆိုတဲ့ အချက်ကို ဒီမြင်ကွင်းက ရောင်ပြန်မဟပ်ပါဘူး” လို့ အစ္စရေး အိမ်ယာနဲ့ ဆောက်လုပ်ရေးဝန်ကြီး ယိုအက်ဗ် ဂါလန့်က ပြောကြားခဲ့ပါတယ်။

ဝန်ကြီးဌာနရဲ့ ဒီအဆိုပြုချက်ကို လာမယ့်တနင်္ဂနွေနေ့မှာ အစ္စရေးအစိုးရအဖွဲ့အတွင်း ဆွေးနွေးဖို့ရှိနေပါတယ်။

တိုင်းပြည်မှာ ဂျူးအမှတ်သညာဟာ အဓိကဖြစ်တယ်လို့ လွတ်လပ်ရေးကြေငြာစာတမ်မှာ ဖော်ပြထားပေမယ့် လက်တွေ မြေပြင်မှာတော့ အများပြည်သူနဲ့သက်ဆိုင်တဲ့နေရာတွေမှာ ဂျူးအမှတ်သညာကို ဖော်ပြတဲ့ လက္ခဏာကို မတွေ့ရဘူးလို့လည်း အဆိုပြုချက်မှာ ဖော်ပြထားပါတယ်။

အစ္စရေးဟာ နိုင်ငံအတွင်း အထူးသဖြင့် ဂျေရုစလင်မှာ ခရစ်ယာန်တွေ၊ မွတ်စလင်တွေ လူဦးရေနည်းကာ ဂျူးလူဦးရေများလာအောင် စနစ်တကျ ဆောင်ရွက်နေပြီး ခရစ်ယာန်နဲ့ မွတ်စလင်တွေရဲ့ ဘာသာရေးလွတ်လပ်ခွင့်တွေကိုလည်း ကန့်သတ်တာတွေ ရှိနေပါတယ်။

ခရစ်ယာန်တွေအပေါ် ဖိနှိပ်ချုပ်ခြယ်တဲ့၊ ခရစ်ယာန်တွေပပျောက်အောင် ဆောင်ရွက်တဲ့ အစ္စရေးရဲ့ မူကြမ်းတစ်ခုကို ဆန့်ကျင်တဲ့အနေနဲ့ ခရစ်ယာန်ခေါင်းဆောင်တွေဟာ ပြီးခဲ့တဲ့လအတွင်းက ဂျေရုစလင်မှာရှိနေတဲ့ Holy Selpulchre ဘုရားကျောင်းကို ပိတ်ပစ်ခဲ့ပါတယ်။

ဒါ့ကြောင့် အစ္စရေးအစိုးရဟာ ဒီမူကြမ်း အတည်ပြုဖို့ စီစဉ်ထားမှုကို ရပ်ဆိုင်းခဲ့ရပါတယ်။

Ref: Haareta