ဆော်ဒီတွင် နှစ် ၄၀ အတွင်း ပထမဆုံးရုပ်ရှင်ရုံကို ယခုလအတွင်း ဖွင့်လှစ်မည်

ဧပြီ ၅၊ ၂၀၁၈
M-Media

– ဆယ်စုနှစ်တွေအတွင်း ပထမဆုံးရုပ်ရှင်ရုံကို အခုလနှောင်းပိုင်းမှာ ဖွင့်လှစ်မယ်လို့ ဆော်ဒီက ကြေငြာလိုက်ပြီး ၂၀၂၃ ခုနှစ်မှာ ရုံ ၁၀၀ လောက်အထိ ဖွင့်လှစ်ဖို့ သဘောတူထားတယ်လို့ ဆိုပါတယ်။

ဆော်ဒီနိုင်ငံပိုင် ရန်ပုံငွေအဖွဲ့ဖြစ်တဲ့ PIF ဟာ AMC Entertainment Holdings နဲ့ နိုင်ငံအတွင်းမှာ ရုပ်ရှင်ရုံတွေ ဖွင့်လှစ်ဖို့အတွက် သဘောတူညီချက်တစ်ခုကို မနေ့မှာ လက်မှတ်ထိုးလိုက်တာပါ။ ၅ နှစ်အတွင်း ဆော်ဒီနိုင်ငံက အဓိကမြို့ကြီး ၁၅ မြို့မှာ ရုပ်ရှင်ရုံပေါင်း ၄၀ လောက်အထိ တည်ဆောက်ဖို့ ရှိပါတယ်။

၂၀၃၀ ရောက်ရင်တော့ မြို့ ၂၅ မြို့မှာ ရုပ်ရှင်ရုံ ၅၀ ကနေ ၁၀၀ ကြားဖွင့်လှစ်ဖို့လည်း စီစဉ်ထားပါတယ်။

မြို့တော်ရီယာ့ဒ်ရဲ့ ကင်းအဘ်ဒူလာဘဏ္ဍာရေးမြို့က သံစုံတီဝိုင်းခန်းမနေရာမှာ ပထမဆုံး ရုပ်ရှင်ရုံကို ဧပြီလ ၁၈ ရက်နေ့ကျရင် ဖွင့်လှစ်မှာဖြစ်တယ်လို့ ဆက်သွယ်ရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဆော်ဒီမှာ ရုပ်ရှင်ရုံတွေဖွင့်လှစ်ခွင့် ပိတ်ပင်ထားမှုဟာ နှစ်ပေါင်း ၃၅ နှစ် ကြာမြင့်ခဲ့ပြီး အခုနှစ်အစောပိုင်းမှာ ဖွင့်လှစ်ခွင့်ပေးမယ်လို့ ၂၀၁၇ ခုနှစ် ဒီဇင်ဘာလမှာ ဆော်ဒီအစိုးရက ကြေငြာခဲ့ပါတယ်။

ရုပ်ရှင်ရုံတွေမှာ ဘယ်ဇာတ်ကားတွေတင်မယ်၊ အမျိုးသား၊ အမျိုးသမီးတွေကို ဘယ်လိုသီးသန့်စီထားမလဲဆိုတဲ့ မေးခွန်းတွေလည်း ရှိနေပါတယ်။

ဆော်ဒီမှာ ရုပ်ရှင်ရုံတွေ မရှိသေးပေမယ့် သန်းနဲ့ချီတဲ့ ပြည်သူတွေဟာ Netflix လို အွန်လိုင်းဝန်ဆောင်မှုတွေကနေ ရုပ်ရှင်တွေကို ကြည့်နေကြတာ ဖြစ်ပါတယ်။

Ref: Aljazeera