အမုန်းစကားများကို Facebook က ထိထိရောက်ရောက် ဟန့်တားမပေးဟု မြန်မာအရပ်ဖက်အဖွဲ့အစည်းများ ဝေဖန်

ဧပြီ ၆၊ ၂၀၁၈
M-Media

Facebook တည်ထောင်သူ မာ့ခ် ဇူကာဘတ်

– မြန်မာနိုင်ငံက Facebook အသုံးပြုသူတွေကြားထဲမှာ အမုန်းစကားတွေ ပြန့်နှံ့မှုနဲ့ပတ်သက်လို့ Facebook တည်ထောင်သူ မာ့ခ်ဇူကာဘက်ရဲ့ တုန့်ပြန်မှုအတွက် မြန်မာနိုင်ငံက အရပ်ဖက်အဖွဲ့အစည်းတွေ၊ လူ့အခွင့်အရေးအဖွဲ့တွေနဲ့ စောင့်ကြည့်အဖွဲ့တွေက ဝေဖန်လိုက်ပါတယ်။

ပြီးခဲ့တဲ့နှစ် စက်တင်ဘာလောက်မှာ Facebook ဟာ မြန်မာနိုင်ငံက ဗုဒ္ဓဘာသာနဲ့ မွတ်စလင် နှစ်ဖက်လူ့အဖွဲ့အစည်းကြားမှာ တိုက်ခိုက်မှုတွေဖြစ်အောင် လှုံ့ဆော်တဲ့ ၀ါဒဖြန့်စာတွေ ပြန့်နှံ့တာကို သိရှိခဲ့ပြီး ဒါတွေ ထပ်မပြန့်အောင် လုပ်နိုင်ခဲ့တယ်လို့ အခုတစ်ပတ်အစောပိုင်း အင်တာဗျူးတစ်ခုမှာ ဇူကာဘက်က ဖြေကြားခဲ့တာပါ။

ဒါပေမယ့် မြန်မာနိုင်ငံက အဖွဲ့ ၆ ဖွဲ့ပေါင်းပြီး ဇူကာဘတ်ကို လိပ်မူတဲ့ အိပ်ဖွင့်ပေးစာမှာ နိုင်ငံအတွင်း အကြမ်းဖက်မှုဖြစ်အောင် လှုံ့ဆော်တဲ့ အန္တရာယ်ရှိတဲ့ ဒီဝါဒဖြန့်မှုတွေကို Facebook က ၄ ရက်ကြာမှ တားဆီးခဲ့တယ်လို့ ဆိုပါတယ်။ ဒီအဖွဲ့ ၆ ဖွဲ့ဟာ အန္တရာယ်ရှိတဲ့ ရေးသားမှုတွေကို တားဆီးဖို့အတွက် Facebook နဲ့အတူ လက်တွဲလုပ်နေတဲ့ အဖွဲ့တွေဖြစ်ပါတယ်။

“ကျွန်တော်တို့ဟာ ဒီစာတွေကို တွေ့ရှိပြီး မြန်မာစံတော်ချိန် စက်တင်ဘာ ၉ ရက် စနေနေ့မှာ ခင်ဗျားတို့အဖွဲ့ကို အီးမေးလ်နဲ့ အကြောင်းကြားခဲ့ပါတယ်။ အဲဒီလို အကြောင်းကြားပြီးနောက်ပိုင်း ဒီစာဟာ နောက်ထပ် ၃ ရက်အထိ ဆက်လက်ပြန့်နှံ့နေတုန်းပါ” လို့ အိတ်ဖွင့်ပေးစာမှာ ဖော်ပြထားပါတယ်။

ပြန့်နှံတဲ့ဝါဒဖြန့်မှုက နှစ်ခုဖြစ်ပြီး မွတ်စလင်တွေကို ပစ်မှတ်ထားတဲ့စာမှာ မဘသနဲ့ အမျိုးသားရေးအစွန်းရောက်တွေဟာ စက်တင်ဘာ ၁၁ ရက်နေ့ တိုက်ခိုက်မှုတွေလုပ်ဖို့ စီစဉ်ထားတာကြောင့် သတိထားဖို့ ရေးသားထားပါတယ်။

ဗုဒ္ဓဘာသာဝင်တွေကို ရည်ရွယ်တဲ့စာမှာတော့ မွတ်စလင်တွေဟာ အဲဒီနေ့မှာ ဂျီဟတ်လုပ်ဖို့ရှိနေတာကြောင့် သွေးစည်းကြဖို့၊ ဒီစာကို တစ်ဆင့်ပြန်လည်ဖြန့်ဝေပေးဖို့ တိုက်တွန်းထားပါတယ်။

အိတ်ဖွင့်ပေးစာပေးတဲ့ အဖွဲ့တွေကတော့ Facebook ဟာ ဒီစာတွေကို တားဆီးဖို့ ပျက်ကွက်ခဲ့တယ်လို့ ဆိုပါတယ်။

“ရပ်တန့်အောင် မလုပ်ယုံသာမက ဒီစာဟာ မကြုံစဖူးနည်းလမ်းနဲ့ နိုင်ငံတစ်ဝှမ်းကို ပြန့်နှံ့သွားခဲ့ပြီး ကြောက်ရွံ့စိုးရိမ်မှုတွေ ကျယ်ကျယ်ပြန့်ပြန်ဖြစ်ခဲ့ကာ အနည်းဆုံး ရုန်းရင်းဆန်ခတ်မှု ၃ ခုလောက် ဒီကိစ္စမှာ ဖြစ်ခဲ့ပါတယ်”

Myanmar ICT for Development အဖွဲ့က ဒါရိုက်တာတစ်ယောက်ဖြစ်ပြီး အင်တာနက် လွတ်လပ်ခွင့်ရရေး တက်ကြွလှုပ်ရှားသူတစ်ယောက်လည်းဖြစ်တဲ့ မထိုက်ထိုက်က တိုက်ခိုက်မှုတွေဖြစ်မယ်ဆိုတဲ့ ဒီဝါဒဖြန့်မှုကြောင့် နိုင်ငံတစ်ဝှမ်း စိုးရိမ်မှုတွေ ဖြစ်ခဲ့ရတယ်လို့ ဆိုပါတယ်။

“ဒီကိစ္စရဲ့ နောက်ဆက်တွဲတွေကို လမ်းတွေပေါ်မှာ တွေ့ခဲ့ရပါတယ်။ လူတွေဟာ အချင်းချင်း စကားစမြည်ပြောတာတွေ သိပ်မလုပ်တော့ဘူး။ မိဘတွေကလည်း ကလေးတွေကို ကျောင်းမတက်ခိုင်းကြတော့ဘူး”

ဇူကာဘက်က Facebook ရဲ့ ထိထိရောက်ရောက်ဟန့်တားမှုကို ချီးကျူးတယ်လို့ ပြောဆိုမှုကို အံ့အားသင့်ရကြောင်းလည်း ဒီအဖွဲ့ ၆ ဖွဲ့က ပြောကြားခဲ့ပါတယ်။

“ခင်ဗျားတို့အဖွဲ့ဟာ ဒီကိစ္စကို အလေးထားပုံ မရပါဘူး။ ခင်ဗျားတို့အချက်အလက်တွေကိုကြည့်ရင် ခင်ဗျားတို့အဖွဲ့က အကြီးတန်းအဖွဲ့ဝင်တွေကို ဒီကိစ္စအကြောင်း ကျွန်တော်တို့ကပြောမှ ဒါကို ဆောင်ရွက်ခဲ့တဲ့ ပုံစံမျိုးပါ” လို့ အိတ်ဖွင့်ပေးစာမှာ ဖော်ပြထားပါတယ်။

အဓိကပြဿနာက ဗမာစကားပြောဆိုတဲ့ ၀န်ထမ်းမျိုး Facebook မှာ မရှိတာလို့လည်း ဒီအဖွဲ့တွေက ပြောပါတယ်။

“ယုံကြည်ရပြီး ဒီကိစ္စကို ကောင်းကောင်း သတင်းပို့နိုင်ခဲ့တဲ့ အင်္ဂလိပ်စကားပြော နိုင်ငံခြားသားတစ်ဦး ရှိတာ ကျွန်တော်တို့ ကံကောင်းသွားတာပါ။ ဒီလိုစနစ်မျိုးဟာ အားကိုလောက်တဲ့ ခိုင်မာတဲ့စနစ်မျိုး မဟုတ်ပါဘူး။ အစကတည်းကကို နှောင့်နှေးကြံ့ကြာတဲ့ စနစ်မျိုးပါ”

Facebook ဟာ မြန်မာနိုင်ငံက သက်ဆိုင်သူတွေနဲ့ ထိတွေ့ဆက်ဆံဖို့ နောက်တွန့်နေကြောင်း၊ မြန်မာနိုင်ငံကို Facebook ကိုယ်စားလှယ်တွေ လာရောက်ခဲ့ပေမယ့် အခုအချိန်အထိ ပြဿနာတွေကို ထိထိရောက်ရောက် မြန်မြန်ဆန်ဆန် တုန့်ပြန်ဖြေရှင်းဖို့ ဆန္ဒမရှိသေးကြောင်း အိတ်ဖွင့်ပေးစာမှာ ထည့်သွင်းဖော်ပြထားပါတယ်။

“ခင်ဗျားတို့ နည်းပညာအဖွဲ့ဟာ ပို့စ်တွေပွားနေတာကို သိရှိသင့်ပြီး အမုန်းစကားတွေလို့ ဖော်ထုတ်ထားတဲ့ဟာတွေကို လုံးဝ ဖယ်ရှားပစ်သင့်ပါတယ်။ ဒီလို မြန်မြန်ဆန်ဆန် လုပ်ဆောင်တာကို ကျွန်တော်တို့ မတွေ့ရသေးပါဘူး”

Facebook က ပြောရေးဆိုခွင့်ရှိသူတစ်ဦးက Facebook ကို အမုန်းတရားပြန့်နှံ့ဖို့၊ အကြမ်းဖက်အောင် လှုံ့ဆော်ဖို့ အသုံးပြုတာမျိုး မိမိတို့က မလိုချင်ကြောင်း၊ ဒီကိစ္စအတွက် မြန်မာနိုင်ငံက အရပ်ဖက်အဖွဲ့တွေဟာ ပြီးခဲ့တဲ့နှစ်တွေမှာ အကူအညီပေးခဲ့တဲ့အတွက် အလွန် ကျေးဇူးတင်ကြောင်း ပြောကြားခဲ့ပါတယ်။

“ဒီဝါဒဖြန့်မှုကို ပထမဆုံး သတင်းပေးတာက မြန်မာနိုင်ငံက အရပ်ဖက်အဖွဲ့အစည်းတွေ ဖြစ်တယ်ဆိုတဲ့အကြောင့် မာ့ခ်က ရှင်းရှင်းလင်းလင်း မပြောသွားတဲ့အတွက် ကျွန်တော် တောင်းပန်ပါတယ်။ သူတို့ရဲ့ သတင်းပို့မှုကို ကျွ န်တေ်ာတို့ သေသေချချာ ဂရုတစ်စိုက် လက်ခံကာ ဒီသတင်းတွေ ပြန့်နှံ့မှုကို တားဆီးရေး အထောက်အကူဖြစ်စေမယ့် နည်းလမ်းတွေကို ဖော်ထုတ်ခဲ့ပါတယ်။ ကျွန်တော်တို့ဟာ လျင်လျင်မြန် ဆောင်ရွက်သင့်ပြီး၊ စော်ကားတဲ့၊ အမုန်းဆောင်တဲ့ မှားယွင်းတဲ့ ရေးသားချက်တွေကို ဖော်ထုတ်တားဆီးရေးအတွက် နည်းပညာတွေနဲ့ နည်းလမ်းတွေ တိုးတက်အောင် ကျွန်တော်တို့ ကြိုးစားအားထုတ်နေပါတယ်”

Ref: The Guardian