အစွန်းရောက်တိုက်ဖျက်ရေးအတွက် စံပြဗလီ ၅၀၀ ကျော် ဘင်္ဂလားဒေ့ရှ် တည်ဆောက်မည်

ဧပြီ ၇၊ ၂၀၁၈
M-Media

ဘင်္ဂလားဒေ့ရှ် ဗလီဝတ်ကျောင်းတော်တစ်ခုတွင် ၀တ်ပြုနေမှု

– နိုင်ငံအတွင်းက အစွန်းရောက်ဝါဒကို တိုက်ဖျက်ရေးအတွက် စံပြဗလီဝတ်ကျောင်းတော်ပေါင်း ရာနဲ့ချီ တည်ဆောက်သွားမယ်လို့ ဘင်္ဂလားဒေ့ရ်ှတာဝန်ရှိသူတွေက မနေ့မှာ ပြောကြားခဲ့ပါတယ်။

ယဉ်ကျေးမှုစင်တာတွေပါ တစ်ပါတည်းပါဝင်မယ့် ဗလီဝတ်ကျောင်းတော်ပေါင်း ၅၆၀ လောက်ကို နောက်ထပ် လပေါင်း ၃၀ အတွင်း ဆောက်လုပ်မှာဖြစ်ပြီး အစွန်းရောက်ဝါဒ တိုက်ဖျက်ရေး အစိုးရရဲ့ ကြိုးစားမှု တစ်စိတ်တစ်ပိုင်းလည်း ဖြစ်ပါတယ်။

အဲဒီဗလီဝတ်ကျောင်းတော်တွေဟာ ဘင်္ဂလားဒေ့ရ်ှက အတိုက်အခံ အစ္စလာမ့်မစ်ပါတီ ဂျမာအသ်-အလ်-အစ္စလာမီလို အဖွဲ့တွေက အစ္စလာမ်သာသနာကို ပုံဖျက်ဝါဒဖြန့်မှုတွေကို ဆန့်ကျင်တားဆီးတဲ့ လုပ်ငန်းတွေ ဆောင်ရွက်သွားမှာဖြစ်ပါတယ်။

ဘင်္ဂလားဒေ့ရ်ှဟာ ပြီးခဲ့တဲ့နှစ်တွေမှာ အစွန်းရောက်ဝါဒကို တွန်းလှန်နေရပြီး စစ်သွေးကြွတွေဟာ ဘာသာရေးလူနည်းစုတွေ၊ တက်ကြွလှုပ်ရှားသူတွေနဲ့ နိုင်ငံခြားသားတွေကို တိုက်ခိုက်မှုတွေ လုပ်ခဲ့ပါတယ်။

အစိုးရရဲ့ အစ္စလာမ့်သာသနာရေးရာဦးစီးဌာန အကြီးအကဲ ရှာမင် အက်ဖ်ဇဲလ်က နိုင်ငံအတွင်း အခြားဗလီတွေလိုမဟုတ်ဘဲ အခု ဗလီအသစ်တွေမှာ အမျိုးသမီးတွေအတွက် ၀တ်ပြုဖို့နေရာတွေ ပါဝင်မှာဖြစ်ကာ စာကြည့်တိုက်တွေ၊ ယဉ်ကျေးမှုစင်တာတွေကိုလည်း ထည့်သွင်းပေးသွားမှာ ဖြစ်တယ်လို့ ဆိုပါတယ်။

“အဲဒီဗလီဝတ်ကျောင်းတော် တစ်ခုစီတိုင်းဟာ တာကာငွေ သန်း ၁၅၀ (အမေရိကန်ဒေါ်လာ ၁.၈သန်း) ကုန်ကျမှာဖြစ်ပါတယ်”

အဲဒီ ဗလီဝတ်ကျောင်းတော်တွေက ရှေ့ဆောင်အီမာမ်တွေဟာ အစွန်းရောက်ဆန့်ကျင်ရေးနဲ့ပတ်သက်ပြီး ပြည်သူတွေကို အသိပညာပေးသွားမှာ ဖြစ်ပါတယ်။

ဘင်္ဂလားဒေ့ရ်ှအစိုးရရဲ့ ဒီစီမံကိန်းမှာ ဆော်ဒီကလည်း ငွေကြေး တစ်စိတ်တစ်ပိုင်း ထည့်ဝင်မှာပါ။

ဝန်ကြီးချုပ် ရှိခ်ဟာဆီနာရဲ့ ဒီစီမံကိန်းဟာ နိုင်ငံရေးရည်ရွယ်ချက်လည်း ပါဝင်မယ်လို့ ဝေဖန်မှုတွေ ရှိနေပါတယ်။

“ရိုးရာစွဲ အစ္စလာမ်အဖွဲ့တွေနဲ့ သူမဟာ နားလည်မှု တည်ဆောက်ချင်တယ်။ ဒီအုပ်စုတွေအပေါ် နိုင်ချင်တာပါ” လို့ ဒါကာအခြေစိုက် အုပ်ချုပ်ရေးဆိုင်ရာ လေ့လာမှုစင်တာ ဥက္ကဌ အာတူရ် ရဟ်မန်းက ပြောကြားခဲ့ပါတယ်။

ဟာဆီနာရဲ့ အာဏာရ အာဝါမီလိဂ်ပါတီဟာ နိုင်ငံအတွင်း ဘာသာရေးမနွယ်တဲ့ အုပ်ချုပ်ရေးစနစ် ဖြစ်လာအောင် ဆယ်စုနှစ်များစွာ ကြိုးစားခဲ့တာဖြစ်ပါတယ်။

ပြီးခဲ့တဲ့နှစ်တွေမှာ ဟာဆီနာဟာ သဘောထားတင်းမာတဲ့ အစ္စလာမ့်မစ်အုပ်စုတွေကို နှိမ်နင်းခဲ့ပြီး အစ္စလာမ့်မစ်ခေါင်းဆောင်တွေကို စစ်ရာဇ၀တ်မှုတွေနဲ့ စွပ်စွဲကွပ်မျက်တာတွေ လုပ်ခဲ့ပါတယ်။ သူမဟာ ဘင်္ဂလားဒေ့ရ်ှရဲ့ အခြေခံဥပဒေအတိုင်း ဘာသာရေးမနွယ်တဲ့ တိုင်းပြည်တစ်ခုကို တည်ဆောက်နေတာ ဖြစ်ပါတယ်။

Ref: CNA