ဆော်ဒီအိမ်ရှေ့မင်းသား ပြင်သစ်သို့ ချစ်ကျည်ရေးခရီး ရောက်ရှိလာ

ဧပြီ ၈၊ ၂၀၁၈
M-Media

ပြင်သစ်သို့ ဆော်ဒီအိမ်ရှေ့မင်းသား ရောက်ရှိလာစဉ်

– အမေရိကန်သို့ ၃ ပတ်ကြာ သွားရောက်ခဲ့ပြီးနောက် ဆော်ဒီ အိမ်ရှေ့မင်းသား မိုဟာမက် ဘင် ဆလ်မန်မှာ ယနေ့တွင် ပြင်သစ်နိုင်ငံ ပဲရစ်မြို့သို့ ရောက်ရှိလာခဲ့သည်ဟု သိရသည်။

ပြင်သစ်အစိုးရ၏ တရားဝင်ဖိတ်ကြားမှုဖြင့် ရောက်ရှိလာခြင်းဖြစ်ပြီး ဘင် ဆလ်မန်မှာ ပြင်သစ်သမ္မတ အီမန်နျူယဲလ် မာခရွန်၊ အခြား တာဝန်ရှိသူများနှင့် တွေ့ဆုံ၍ နှစ်နိုင်ငံ ဆက်ဆံရေးနှင့် အကျိုးစီးပွားရေးရာ ကိစ္စများကို ဆွေးနွေးသွားမည်ဟု သတင်းထုတ်ပြန်ထားသည်။

၂ ရက်တာကြာမြင့်မည့် ထိုခရီးစဉ်အတွင်း အိမ်ရှေ့မင်းသားမှာ ယီမင်၊ ဆီးရီးယားအရေးနှင့် အီရန်၏ နျူသဘောတူညီချက် ကိစ္စများကိုလည်း ဆွေးနွေးမည်ဖြစ်ကာ ယဉ်ကျေးမှုဆိုင်ရာ အခမ်းအနားများနှင့် စီးပွားရေးဖိုရမ်တို့ကိုလည်း တက်ရောက်မည်ဖြစ်သည်။

ပြင်သစ်နှင့် ဆော်ဒီတို့အကြား ခရီးသွားလာရေး စီမံကိန်းတစ်ခုကို ၎င်း၏ ယခုခရီးစဉ်အတွင်း ကြေငြာဖွယ် ရှိနေသည်။

အမေရိကန်မှ ထွက်ခွာခြင်းမပြုမီ ဆလ်မန်က သမ္မတ ဒေါ်နယ်ထရမ့်ကို ကျေးဇူးတင်ကြောင်း ပြောကြားခဲ့ပြီး ဆော်ဒီနှင့် အမေရိကန်အကြား သမိုင်းနှင့်ချီသည့် မဟာဗျူဟာမြောက် ဆက်ဆံရေးအတွက်လည်း ချီးကျူးခဲ့သည်။

Ref: Alarabiya