ပါကစ္စန်ဝန်ကြီးချုပ်ဟောင်း နာဝဇ်ရှရစ်ဖ် လွှတ်တော်အမတ်အဖြစ် ဆောင်ရွက်ခွင့် ရာသက်ပန် ပိတ်ပင်ခံရ

မတ် ၁၃၊ ၂၀၁၈
M-Media

ပါကစ္စတန်ဝန်ကြီးချုပ်ဟောင်း နာဝဇ်ရှရစ်ဖ်

– ခြစားမှုများရှိသည်ဆိုသည့် စွပ်စွဲချက်များကြောင့် ပြီးခဲ့သည့်နှစ်တွင် ရာထူးမှ ထုတ်ပတ်ခံလိုက်ရသည့် ၀န်ကြီးချုပ်ဟောင်း နာဝဇ် ရှရှစ်ဖ်မှာ တိုင်းပြည်တာဝန်ထမ်းဆောင်ရန် သင့်တော်ခြင်းမရှိဟု ပါကစ္စတန်တရားရုံးချုပ်က ယနေ့တွင် ဆုံးဖြတ်ခဲ့သည်။

နာဝဇ် ရှရစ်ဖ်တွင် ပြည်သူ့ကိုယ်စားလှယ်တစ်ယောက်၌ ရှိရမည့် ရိုသားမှုနှင့် ယုံကြည်စိတ်ချရမှုတို့ မရှိဟု တရားရုံးချုပ်၏ အဖွဲ့ဝင် ၅ ဦးပါ ခုံအဖွဲ့က တစ်ညီတစ်ညွတ်တည်း ဆုံးဖြတ်ခဲ့ခြင်းဖြစ်ပြီး ရွေးကောက်တင်မြှောက်ခံပိုင်ခွင့်ကို ရာသက်ပန် ပိတ်ပင်လိုက်ခြင်းလည်း ဖြစ်သည်။

ပြီးခဲ့သည့်နှစ် ပနားမား ဥပဒေအကျိုးဆောင်အဖွဲ့မှ ပေါက်ကြားလာသည့် ခြစားမှုဆိုင်ရာ အချက်အလက်များ၊ ၎င်း၏သားပိုင်ဆိုင်သော ယူအေအီးအခြေစိုက် ကုမ္ပဏီမှရရှိသည့် လစာကို မကြေငြာမှုတို့ကြောင့် နာဝဇ်ရှရစ်ဖ်မှာ ပြီးခဲ့သည့်နှစ် ဇူလိုင်လတွင် ၀န်ကြီးချုပ်ရာထူးမှ ထုတ်ပယ်ခံခဲ့ရသည်။

ရှရစ်ဖ်က ၎င်းအနေဖြင့် ယူအေအီးကုမ္ပဏီမှ လစာယူခြင်း မရှိဘဲ လုပ်ငန်းဗီဇာ ရရှိရန်အတွက်သာ ရာထူးယူထားခြင်းဖြစ်သည်ဟု ပြောကြားခဲ့သည်။ တရားရုံးချုပ်ကမူ ၎င်းအနေဖြင့် လစာယူခြင်း၊ မယူခြင်းမှာ အရေးမကြီးဟု ဆုံးဖြတ်ခဲ့သည်။

ဝန်ကြီးချုပ်ရာထူးကို ၃ ကြိမ်တိုင်တိုင် ထမ်းဆောင်ခဲ့သူဖြစ်သည့် ရှရစ်ဖ်နှင့် ၎င်း၏ သားသမီး ၃ ဦးမှာ အမျိုးသား တာဝန်ယူမှုဆိုင်ရာဗျူရိုတွင် ခြစားမှုစွဲချက်များဖြင့် တရားရင်ဆိုင်နေရပြီး လာမည့်သီတင်းပတ်များအတွင်း အမိန့်ချရန် ရှိနေသည်။

ပါကစ္စတန်မှာ ဇူလိုင်လတွင် အထွေထွေရွေးကောက်ပွဲ ကျင်းပမည်ဖြစ်သည်။

Ref: Aljazeera