မြန်မာနိုင်ငံတွင် လူမျိုးတုန်းသတ်ဖြတ်မှုရှိသည်ဆိုသည့် စကားအတွက် ဒူတာတေး ပြန်တောင်းပန်

ဧပြီ ၁၃၊ ၂၀၁၈
M-Media

– မြန်မာနိုင်ငံမှာ လူမျိုးတုန်းသတ်ဖြတ်မှုဖြစ်နေတယ်လို့ ပြောဆိုမိတဲ့အတွက် ဖိလစ်ပိုင်သမ္မတ ဒူတာတေးက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဒီကနေ့မှာ ပြန်တောင်းပန်လိုက်ပြီး ရိုဟင်ဂျာတွေကို မကူညီတဲ့ အနောက်နိုင်ငံတွေအပေါ် သရော်တာသာဖြစ်တယ်လို့ ဆိုပါတယ်။

ပြီးခဲ့တဲ့နှစ် သြဂုတ်လမှာ ရိုဟင်ဂျာလက်နက်ကိုင်တွေဟာ ရခိုင်ပြည်နယ်မြောက်ပိုင်းက ရဲကင်းစခန်းတွေကို ၀င်ရောက်စီးနင်းတိုက်ခိုက်ခဲ့ပြီးတဲ့နောက် စစ်တပ်ကပြုလုပ်တဲ့ စစ်ဆင်ရေးအတွင်း ရိုဟင်ဂျာ ၇ သိန်းနီးပါးလောက် ထွက်ပြေးခဲ့ရပြီး ကုလက ဒါဟာ လူမျိုးစုလိုက် သုတ်သင်မှုဖြစ်တယ်လို့ သမုတ်ထားပါတယ်။

ဒူတာတေးက မြန်မာနိုင်ငံမှာ လူမျိုးတုန်းသတ်ဖြတ်မှုကြောင့် ထွက်ပြေးခဲ့ရတဲ့ ရိုဟင်ဂျာတွေကို လက်ခံထားမယ်လို့ ပြီးခဲ့တဲ့တစ်ပတ်မှာ ပြောကြားခဲ့တာပါ။ မြန်မာအစိုးရရဲ့ ပြောရေးဆိုခွင့်ရှိသူတစ်ဦးက ဒူတာတေးဟာ စည်းစောင့်သူတစ်ဦးမဟုတ်ဘဲ မြန်မာနိုင်ငံအကြောင်းလည်း ဘာမှမသိဘူးလို့ တုန့်ပြန်ခဲ့ပါတယ်။

ဒေါ်အောင်ဆန်းစုကြည်ကို ရည်ညွှန်းပြီး ဒီကနေ့ သတင်းထောက်တွေကိုပြောကြားမှုမှာ ဒူတာတေးက မြန်မာနိုင်ငံရဲ့ ပြည်တွင်းစစ်မှာ သူ့အနေနဲ့ ၀င်ရောက်စွက်ဖက်တာမဟုတ်ဘူးလို့ ရှင်းလင်းခဲ့ပါတယ်။

“ခင်ဗျားကို ကျွန်တော် တောင်းပန်မှာပါ။ ဒါပေမယ့် ကျွန်တော့်ရဲ့ ပြောကြားမှုဟာ ပြက်ရယ်ပြုမှုဖြစ်တယ်ဆိုတာကို ခင်ဗျား သိလောက်မှာပါ။ ခင်းရဲ့(ပြည်တွင်းရေးမှာ) ၀င်စွက်ဖို့ ကျွန်တော် အဆင်သင့်မဖြစ်သေးပါဘူး”

ဖိလစ်ပိုင်နဲ့ မြန်မာတို့ဟာ အိမ်နီးချင်းတွေရဲ့ ပြည်တွင်းရေးကို ၀င်မစွက်ရဆိုတဲ့ ကတိရှိတဲ့ အာဆီယံအဖွဲ့ဝင်နိုင်ငံတွေ ဖြစ်ပါတယ်။

ဒူတာတေးက မြန်မာနိုင်ငံမှာ လူ့အခွင့်အရေးချိုးဖောက်မှုတွေ တစ်ပုံတစ်ခေါင်းရှိနေတယ်လို့ပြောပြီး ရိုဟင်ဂျာတွေကို ဘာမှ ကူညီမပေးတဲ့ အနောက်အင်အားကြီးနိုင်ငံတွေကို ဝေဖန်လိုတဲ့အတွက် ရိုဟင်ဂျာတွေကို လက်ခံမယ်လို့ ပြောကြားခဲ့တာဖြစ်ကြောင်း ဖွင့်ဟခဲ့ပါတယ်။

“စစ်ပွဲရဲ့သားကောင် ဖြစ်နေတဲ့သူတွေကို ခဏလောက်ဖြစ်ဖြစ် ကယ်တင်ထားဖို့ ခင်ဗျားတို့မှာ အစီအစဉ်မရှိဘူးလား” လို့ ဥရောပနိုင်ငံတွေကို ရည်ညွှန်းပြီး ဒူတာတေးက ပြောကြားခဲ့ပါတယ်။

ဒုက္ခသည်တွေကို ယာယီကယ်တင်ထားဖို့ အဲဒီနိုင်ငံတွေကို တိုက်တွန်းခဲ့ပြီး၊ သူ့အနေနဲ့ ဒီလိုကယ်တင်ထားမယ်လို့လည်း ပြောကြားခဲ့ပါတယ်။

“လူသားဆန်မှုဆိုတဲ့ ခေါင်းစဉ်အောက်မှာ တာဝန်တွေကို မျှဝေယူဖို့ ကျွန်တော် အဆင်သင့်ရှိနေပါတယ်”

Ref: Reuters