ICC အကြီးအကဲကို ဖမ်းချုပ်မည်ဟု ဒူတာတေး ပြောပြန်

ဧပြီ ၁၃၊ ၂၀၁၈
M-Media

– သူ့ရဲ့ မူးယစ်တိုက်ဖျက်ရေးကိစ္စကို စုံစမ်းစစ်ဆေးဖို့ နိုင်ငံတကာ ရာဇ၀တ်ခုံရုံး (ICC) အကြီးအကဲ ဖိလစ်ပို င်ကိုလာရင် ဖမ်းချုပ်သွားမယ်လို့ ဖိလစ်ပိုင်သမ္မတ ဒူတာတေးက ပြောကြားလိုက်ပါတယ်။

ဒူတာတေးရဲ့ မူးယစ်တိုက်ဖျက်ရေးအစီအစဉ်မှာ ရဲတပ်ဖွဲ့ဝင်တွေဟာ လူတွေကို တရားလက်လွတ် သတ်ဖြတ်မှုတွေ ရှိတယ်ဆိုတဲ့ သတင်းတွေ ထွက်လာပြီးတဲ့နောက် လူသားထုအပေါ် ကျူးလွန်တဲ့ ရာဇ၀တ်မှုအတွက် ဒူတာတေးကို စုံစမ်းစစ်ဆေးနိုင်ရေး ICC အကြီးအကဲ ဖာတူ ဘန်ဆူဒါက စီစဉ်နေတာပါ။

ဒီကနေ့ပြုလုပ်တဲ့ သတင်းစာရှင်းလင်းပွဲမှာ ဒူတာတေးက ဖိလစ်ပိုင်ဟာ ICC အဖွဲ့ဝင် မဟုတ်တာကြောင့် နောက်ထပ် ကုဋေကုဋာမက ကြာရင်လည်း ICC က သူ့အပေါ်မှာ တရားစီရင်ပိုင်ခွင့်မရှိဘူးလို့ ဆိုပါတယ်။

“ကနဦး စုံစမ်းစစ်ဆေးမှုလုပ်ဖို့တောင်မှ ခင်ဗျားဟာ အခွင့်မရှိပါဘူး။ ဒါကြောင့် ခင်ဗျား ဒီကိုမလာပါနဲ့ မစ္စ ဖာတူရေ။ ခင်ဗျားကို ကျွန်တော် ဖမ်းချုပ်မှာ။ အခြေအမြစ်မရှိတဲ့ ဘယ်လိုလုပ်ရပ်ကိုမှ ခင်ဗျား ဒီမှာ လုပ်လို့မရပါဘူး။ ဒါဟာ တရားမ၀င်ပါဘူး။ ခင်ဗျားကို ဖမ်းချုပ်သွားမှာပါ”

နိုင်ငံတကာအဖွဲ့တွေမှာ ဖိလစ်ပိုင်က အဖွဲ့ဝင်ထားတာဟာ မှားယွင်းမှုတစ်ခု ဖြစ်တာကြောင့် ဒီအဖွဲ့အစည်းတွေရဲ့ အကျုံးဝင်မှု ဖိလစ်ပိုင်မှာ မရှိတော့ဘူးလို့လည်း ဒူတာတေးက ဆိုပါတယ်။

ကုလ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ်ဟူစိန်က ဒူတာတေးကို ‘စိတ်ကျန်းမာရေး စစ်ဆေးရမယ်’ လို့ တုန့်ပြန်ခဲ့ပါတယ်။

မတ်လမှာ ဒူတာတေးက ICC ကနေ ဖိလစ်ပိုင်းဟာ ချက်ခြင်းနှုတ်ထွက်ကြောင်း ကြေငြာခဲ့ပါတယ်။

ဖိလစ်ပိုင်ဟာ ICC ရဲ့ ရောမသဘောတူညီချက် (Rome Statue) ကို လက်မှတ်ရေးထိုးထားပြီး အဲဒီ သဘောတူညီချက်အရ နိုင်ငံတစ်နိုင်ငံဟာ အဖွဲ့ကနေ နှုတ်ထွက်ကြောင်း ကုလ အထွေထွေညီလာခံကို တရားဝင် အသိပေးပြီး တစ်နှစ်ကြာမှ နှုတ်ထွက်မှု အထမြောက်မယ်လို့ ဖော်ပြထားပါတယ်။

အဖွဲ့ဝင်နိုင်ငံတစ်ခုနဲ့ပတ်သက်ပြီး ICC မှာ ထင်တားတဲ့ အမှုတွဲတွေကို ဒီနိုင်ငံ အဖွဲ့ဝင်အဖြစ်ကနေ မထွက်မချင်း ပလပ်လို့ မရပါဘူး။

ဒူတာတေးရဲ့ မူးယစ်နှိမ်နှင်းရေးအစီအစဉ်ကြောင့် ၂၀၁၆ ခုနှစ် ဇန်န၀ါရီလ ၁ ရက်နေ့ကနေ့ ၂၀၁၇ ခုနှစ် နိုဝင်ဘာ ၂၇ ရက်နေ့အထိ လူပေါင်း ၃၉၆၇ ဦးသေဆုံးခဲ့တယ်လို့ ဖိလစ်ပိုင်ရဲတပ်ဖွဲ့ရဲ့ အစီရင်ခံစာမှာ တွေ့ရပါတယ်။

ဒါပေမယ့် အတိုက်အခံအမတ်တစ်ဦးက ဒူတာတေး အာဏာရလာတဲ့ ၂၀၁၆ ခုနှစ ဇွန်လ ၃၀ ရက်နေ့က အခုအချိန်အထိ မူးယစ်တိုက်ဖျက်ရေးမှာ လူပေါင်း ၂ သောင်းကျော်လောက် သေဆုံးခဲ့တယ်လို့ ပြောကြားခဲ့ပါတယ်။

Ref: Aljazeera