လိင်အကြမ်းဖက်မှုအတွက် ကုလ၏ အမည်ပျက်စာရင်းတွင် မြန်မာစစ်တပ်ပါဝင်လာ

ဧပြီ ၁၄၊ ၂၀၁၈

M-Media

–  ပဋိပက္ခတွေမှာ အဓမ္မကျင့်မှု၊ လိင်ပိုင်းဆိုင်ရာ အကြမ်းဖက်မှုတွေ လုပ်ဆောင်တယ်လို့ သံသယရှိတဲ့ အစိုးရစစ်တပ်တွေ၊ လက်နက်ကိုင် သူပုန်အုပ်စုတွေကို ထည့်သွင်းထားတဲ့ အမည်ပျက်စာရင်းမှာ မြန်မာစစ်တပ်ဟာ ပထမဆုံးအကြိမ် ပါဝင်လာတယ်လို့ သိရပါတယ်။

တနင်္လာနေ့မှာ လုံခြုံရေးကောင်စီကို ကုလအတွင်းရေးမှူးချုပ် အန်တိုနီယို ဂူတာရက်စ်က တင်သွင်းမယ့် အစီရင်ခံစာ မိတ္တူကို AP သတင်းဌာနက ရရှိခဲ့ပြီး အဲဒီအစီရင်ခံစာမှာ ဘင်္ဂလားဒေ့ရ်ှကို ထွက်ပြေးခဲ့ရတဲ့ ရိုဟင်ဂျာ ၇ သိန်းနီးပါးက အများစုမှာ ‘ကြမ်းကြုတ်တဲ့ လိင်ပိုင်းဆိုင်ရာ စော်ကားမှုတွေရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ထိခိုက်မှု လက္ခဏာတွေ’ ကို တွေ့ရှိ မှတ်တမ်းတင်ခဲ့တယ်ဆိုတဲ့ ဘင်္ဂလားဒေ့ရ်ှက နိုင်ငံတကာ ဆေးဖက်ဆိုင်ရာ ၀န်ထမ်းတွေ၊ အခြားသူတွေရဲ့ ပြောကြားမှုကို ဖော်ပြထားပါတယ်။

ဂူတာရက်စ်က ဒီလိုကျူးလွန်မှုတွေဟာ ၂၀၁၆ ခုနှစ် အောက်တိုဘာနဲ့ ၂၀၁၇ ခုနှစ် သြဂုတ်လက နယ်မြေရှင်းလင်းရေး လုပ်ငန်းတွေမှာ ဒေသတွင်း ပြည်သူ့စစ်တွေနဲ့ပေါင်းပြီး တပ်မတော်လို့ခေါ်တဲ့ မြနမာအစိုးရစစ်တပ်ရဲ့ လက်ချက်ဖြစ်တယ်လို့ စွပ်စွဲမှုတွေရှိကြောင်း ပြောကြားခဲ့ပါတယ်။

“ခြိမ်းခြောက်မှုတွေ၊ လိင်အကြမ်းဖက်မှုတွေကို ကျယ်ကျယ်ပြန့်ပြန့် ပြုလုပ်တာဟာ ရိုဟင်ဂျာလူ့အဖွဲ့အစည်းကို အရှက်ရစေဖို့၊ ကြောက်လန့်နေစေဖို့၊ သိမ်းကျုံး အပြစ်ပေးဖို့ဆိုတဲ့ ဗျူဟာမှာ ပါဝင်နေပြီး ဒီလူတွေ သူတို့ရဲ့ ဇာတိမြေကို စွန့်ခွာထွက်ပြေးကာ၊ ပြန်မလာစေဖို့ ရည်ရွယ်တွက်ချက် လုပ်ဆောင်မှုတစ်ခု ဖြစ်ပါတယ်”

ပြီးခဲ့တဲ့နှစ် သြဂုတ်လနှောင်းပိုင်းမှာ ရိုဟင်ဂျာလက်နက်ကိုင်တွေက ရခိုင်ပြည်နယ် မြောက်ပိုင်းမှာရှိတဲ့ ရဲကင်းစခန်းတွေကို စီးနင်းတိုက်ခိုက်ခဲ့ပြီးနောက်ပိုင်း စစ်တပ်ကပြုလုပ်တဲ့ စစ်ဆင်ရေးအတွင်း ရိုဟင်ဂျာအရပ်သားတွေအပေါ် တရားလက်လွတ် သတ်ဖြတ်မှုတွေ၊ အဓမ္မကျင့်မှုတွေ၊ ရွာလုံးကျွတ်မီးရှို့မှုတွေ ရှိခဲ့တယ်ဆိုတဲ့ စွပ်စွဲချက်တွေ ထွက်ပေါ်ခဲ့ပြီး မြန်မာအစိုးရနဲ့ စစ်တပ်တို့ကတော့ ဒီသတင်းတွေကို ငြင်းဆိုထားပါတယ်။

ဂူတာရက်စ်က အကြမ်းဖက်မှုတွေဟာ ကိုယ်ဝန်ဆောင်တွေအပါအ၀င် မျိုးဆက်သစ်တွေကို ကာကွယ်စောင့်ရှောက်သူတွေဖြစ်တဲ့ လူမျိုးရေးအမှတ်သညာကို ဆက်လက်တည်တံ့စေတဲ့ အမျိုးသမီးတွေ၊ လူ့အဖွဲ့အစည်းရဲ့ အနာဂတ်ဖြစ်တဲ့ ငယ်ရွယ်တဲ့ကလေးငယ်တွေအပေါ် တမင်ကျူးလွန်တဲ့ ပုံစံမျိုး ဖြစ်တယ်လို့လည်း ထည့်သွင်းပြောဆိုခဲ့ပါတယ်။

“ဒီလုပ်ရပ်တွေဟာ ရိုဟင်ဂျာတွေရဲ့ မွေးဖွားနှုန်းက မြင့်မားနေပြီး လူများစုအပေါ် ခြိမ်းခြောက်မှု ဖြစ်နေတယ်ဆိုတဲ့ စွပ်စွဲပြောဆို လှုံ့ဆော်မှုတွေနဲ့ ဆက်စပ်နေပါတယ်”

ပဋိပက္ခတွေမှာ လိင်အကြမ်းဖက်မှု တားဆီးရေးအတွက် တနင်္လာနေ့ လုံခြုံရေးကောင်စီမှာ အဓိကထားဆွေးနွေးမယ့် ဂူတာရက်စ်ရဲ့ ဒီအစီရင်ခံစာက အမည်ပျက်စာရင်းမှာ အစိုးရတပ်တွေ၊ သူပုန်တွေ၊ အစွန်းရောက်အုပ်စု စုစုပေါင်း ၅၁ ဖွဲ့ကို ထည့်သွင်းထားပါတယ်။

အစိုးရစစ်တပ်နဲ့ ရဲတပ်ဖွဲ့အပါအ၀င် ကွန်ဂိုနိုင်ငံက ၁၇ ဖွဲ့၊ ဆီးရီးယား အစိုးရတပ်နဲ့ ထောက်လှမ်းရေးအဖွဲ့ အပါအ၀င် ဆီးရီးယားနိုင်ငံက ၇ ဖွဲ့ ဗဟိုအာဖရိကနိုင်ငံနဲ့ တောင်ဆူဒန်တို့က ၆ ဖွဲ့စီ၊ မာလီက ၅ ဖွဲ့၊ ဆိုမာလီယာက ၄ ဖွဲ့၊ ဆူဒန်က ၃ ဖွဲ့၊ အီရတ်နဲ့ မြန်မာတို့က တစ်ဖွဲ့နဲ့ နိုက်ဂျီးရီးယားမြောက်ပိုင်းမှာ အခြေစိုက်တဲ့ ဘိုကိုဟရမ် အကြမ်းဖက်အဖွဲ့တွေ ပါဝင်ပါတယ်။

ဂူတာရက်စ်က ပဋိပက္ခတွေ၊ အစွန်းရောက်ဝါဒတွေ မြင့်တက်လာခြင်းကြောင့် လက်နက်တွေ ပြန့်နှံ့တာ၊ လူတွေ အစုလိုက်အပြုံလိုက် အိုးအိမ်စွန့်ခွာ ထွက်ပြေးရတာနဲ့ လိင်အကြမ်းဖက်မှုခံရတာတွေကို ပိုမိုဖြစ်ပွားစေတယ်လို့ ပြောကြားခဲ့ပါတယ်။

၂၀၁၇ ခုနှစ်အတွင်း ဒီလို အခြေအနေတွေကို ဗဟိုအာဖရိက၊ ကွန်ဂိုနိုင်ငံ အရှေ့ပိုင်းနဲ့ အလယ်ပိုင်း၊ တောင်ဆူဒန်၊ ဆီးရီးယား၊ ယီမင်က ပဋိပက္ခတွေ၊ အကြမ်းဖက်မှုတွေ၊ မြန်မာနိုင်ငံ ရခိုင်ပြည်နယ်က နယ်မြေရှင်းလင်းရေးခေါင်းစဉ်တပ် လူမျိုးစုလိုက် သုတ်သင်ရှင်းလင်းမှုတွေမှာ တွေ့ခဲ့ရကြောင်း၊ ထိခိုက်ခံစားရသူ အများစုဟာ နိုင်ငံရေးနဲ့ စီးပွားရေးအရ ဖယ်ကျဉ်ခံထားရတဲ့ အမျိုးသမီးတွေ၊ မိန်းကလေးတွေဖြစ်ကြောင်း၊ လိင်အကြမ်းဖက်မှုကို စစ်ပွဲ၊ အကြမ်းဖက်မှု၊ ညှင်းပမ်းမှု၊ ဖိနှိပ်ချုပ်ချယ်မှုတွေမှာ နည်းလမ်းတစ်ခုအနေနဲ့ အသုံးပြုနေတာကို ၂၀၁၇ ခုနှစ်အတွင်းမှာ တွေ့ရကြောင်း အစီရင်ခံစာမှာ ဖော်ပြထားပါတယ်။

လိင်အကြမ်းဖက်မှုရဲ့ နောက်ဆက်တွဲရလဒ်တွေဖြစ်တဲ့ စိတ်ဒဏ်ရာ၊ ဆင်းရဲမွဲတေမှု၊ ကျန်းမာရေးချို့တဲ့မှု၊ မလိုချင်တဲ့ ကိုယ်ဝန်ဆောင်မှုတွေကို မျိုးဆက်နဲ့ချီ ခံစားရလိမ့်မယ်လို့လည်း ကုလအတွင်းရေးမှူးက ထည့်သွင်းပြောကြားခဲ့ပါတယ်။

Ref : VOA