ရေတပ် စီမံခန့်ခွဲမှုစနစ် ပူးတွဲဖော်ဆောင်ရေး ဆော်ဒီနှင့် စပိန်တို့ လက်မှတ်ရေးထိုး

ဧပြီ ၁၄၊ ၂၀၁၈

M-Media

– ဆော်ဒီအာရေဗျရဲ့ စစ်လက်နက်ပစ္စည်း ထုတ်လုပ်မှုစက်ရုံ SAMI နဲ့ စပိန်ကုမ္ပဏီတစ်ခုဖြစ်တဲ့ Navantia တို့ဟာ ရေတပ် တိုက်ပွဲဝင် စီမံခန့်ခွဲမှု စနစ်တစ်ခု ပူးတွဲဖော်ဆောင်ဖို့အတွက် ကြာသာပတေးနေ့မှာ နားလည်မှုစာချွန်လွှာတစ်ခုကို လက်မှတ်ရေးထိုးလိုက်ပါတယ်။

ဆော်ဒီအိမ်ရှေ့မင်းသား မိုဟာမက် ဘင် ဆလ်မန် မက်ဒရစ်ကို တရားဝင် လည်ပတ်မှုအတွင်း လက်မှတ်ရေးထိုးခဲ့တာ ဖြစ်ပါတယ်။

SAMI ရဲ့ ဥက္ကဌ အဟ်မဒ် အလ် ခါတီဘ်နဲ့ Navantia ကုမ္ပဏီအကြီးအကဲ အက်စတီဘန် ဂါစီယာ ဗီလာဆန်းချက်တို့ လက်မှတ်ရေးထိုးတဲ့ အခမ်းအနားမှာ မင်းသား ဆလ်မန်နဲ့ စပိန်ဝန်ကြီးချုပ် မာရီယာနို ရာယွိုင်းတို့ တက်ရောက်ခဲ့ကြပါတယ်။

နားလည်မှုစာချွန်လွှာမှာ စစ်ရေယာဉ်တွေ တည်ဆောက်ရေး၊ တိုက်ပွဲ စီမံခန့်ခွဲမှုဆိုင်ရာ စနစ်ပူးပေါင်းဖန်တီးရေးတို့ ပါဝင်ပြီး အလ်-ခါတစ်ဘ်က ဒီသဘောတူညီချက်ဟာ ဆော်ဒီရဲ့ vision 2030 စီမံကိန်း တစိတ်တစ်ပိုင်းဖြစ်တယ်လို့ ပြောကြားခဲ့ပါတယ်။

အိမ်ရှေ့မင်းသား မိုဟာမက် ဘင် ဆလ်မန်ကလည်း ဆော်ဒီဟာ ၂၀၃၀ ခုနှစ်ရောက်ရင် နိုင်ငံကာကွယ်ရေးရဲ့ လိုအပ်တဲ့ စစ်လက်နက်ပစ္စည်း ၅၀ ရာခိုင်နှုန်းကို ပြည်တွင်းမှာပဲ ထုတ်လုပ်ဖို့ ရည်မှန်းထားတယ်လို့ ပြောကြားထားပါတယ်။

Ref : Alarabiya