လူတစ်ဦးအား ပြန်ပေးဆွဲသတ်ဖြတ်ရန် ကြိုးစားသည့် မြန်မာနိုင်ငံသားနှစ်ဦးကို စင်ကာပူ ထောင်ချ

ဧပြီ ၁၇၊ ၂၀၁၈
M-Media

ရုံးထုတ်လာမှုတွင် တွေ့ရစဉ်

– စီးပွားရေးသမားတစ်ယောက်ရဲ့ ခိုင်းစေမှုနဲ့ အမျိုးသားတစ်ဦးကို ဖမ်းဆီး၊ ပြန်ပေးဆွဲ သတ်ဖြတ်ဖို့ ကြိုးစားခဲ့တဲ့ မြန်မာနိုင်ငံသားနှစ်ဦးကို စင်ကာပူက မနေ့မှာ ထောင်ဒဏ်တွေ အသီးသီး ချမှတ်လိုက်ပါတယ်။

အသက် ၄၀ ရွယ် ဇော်မင်းလှိုင်နဲ့ အသက် ၃၄ နှစ်အရွယ် ဖြိုးမင်းနိုင်တို့ ဖြစ်ကြပြီး မြန်မာနိုင်ငံသားတစ်ဦးဖြစ်တဲ့ အသက် ၂၉ နှစ်အရွယ် အေးမောင်မောင်သက်ကို ပြန်ပေးဆွဲ သတ်ဖြတ်ဖို့ စီစဉ်ခဲ့တာဖြစ်ပါတယ်။

ဇော်မင်းလှိုင်ကို တရားရုံးက ထောင်ဒဏ် ၄ နှစ်၊ ၃ လနဲ့ ၂ ပတ် ချမှတ်ခဲ့ပြီး၊ ဒဏ်ငွေ စင်ကာပူဒေါ်လာ ၄ ထောင် ပေးဆောင်ဖို့၊ ယာဉ်မောင်းခွင့် တစ်နှစ်ပိတ်ပင်ဖို့လည်း ဆုံးဖြတ်ခဲ့ပါတယ်။ သူဟာ ပြန်ပေးဆွဲရန် ကြိုးပမ်းမှု၊ ခေါက်ဓားမြှောင်နဲ့ ကျဉ်စက်တွေ လက်ဝယ်ထားရှိမှု၊ လိုင်စင်မရှိတဲ့ မြန်မာနိုင်ငံသားတစ်ဦးကို ကားမောင်းခိုင်းမှု စတာတွေအပါအ၀င် ပုဒ်မ ၇ ခုနဲ့ တရားစွဲဆို ခံခဲ့ရတာဖြစ်ပါတယ်။

သူ့ရဲ့ လုပ်ဖော်ကိုင်ဖက် ဖြိုးမင်းနိုင်ကလည်း ထောင်ဒဏ် ၄ နှစ်နဲ့ ၃ လ ချမှတ်ခံရပြီး ဒဏ်ငွေ စင်ကာပူဒေါ်လာ ၆၀၀၀ ပေးဆောင်ရမှာ ဖြစ်ပါတယ်။ ဖြိုးမင်းနိုင်ဟာ ပြန်ပေးဆွဲဖို့ ကြိုးစားမှု၊ ကျဉ်စက်နဲ့ ငရုတ်ကောင်းစပရေး လက်ဝယ်ထားရှိမှုတွေနဲ့ အပြစ်ရှိကြောင်း ၀န်ခံခဲ့ပါတယ်။

စီးပွားရေးသမား အသက် ၃၃ နှစ်အရွယ် မြန်မာနိုင်ငံသား အောင်အောင်က သူ့ဇနီး စန္ဒီဟာ အေးမောင်မောင်သက်နဲ့ ငြိစွန်းနေတယ်လို့ သံသယဖြစ်တဲ့အတွက် အေးမောင်မောင်သတ်ကို ပြန်ပေးဆွဲသတ်ဖြတ်ဖို့ ၂၀၁၅ ခုနှစ် မေလမှာ ဇော်မင်းလှိုင်နဲ့ ဖြိုးမင်းနိုင်တို့ကို ခိုင်းစေခဲ့တာပါ။

ဒါ့ကြောင့် ဇွန် ၂၁ ရက်နေ့မှာ ဒီနှစ်ယောက်ဟာ အေးမောင်မောင်သက်ကို သွားရောက် ပြန်ပေးဆွဲခဲ့ပေမယ့် လမ်းသွားလမ်းလာတွေ တွေ့ရှိသွားတာကြောင့် အကြံအစည် အထမမြောက်ခဲ့ဘဲ ထွက်ပြေးလွတ်မြောက်သွားပါတယ်။

အေးမောင်မောင်သက်က ဒီကိစ္စကို ရဲတပ်ဖွဲ့ထံ တိုင်ကြားခဲ့ပြီး နောက်တစ်နေ့မှာပဲ ဇော်မင်းလှိုင်နဲ့ ဖြိုးမင်းနိုင်တို့ကို ဖမ်းမိခဲ့ပါတယ်။

ခိုင်းစေသူအောင်အောင်ဟာ ရဲတပ်ဖွဲ့ဝင်တွေ ဖမ်းဆီးခြင်းမပြုနိုင်မီ စင်ကာပူကနေ ထွက်ခွာသွားခဲ့ပြီး၊ အေးမောင်မောင်သက်က ၂၀၁၅ ခုနှစ် ဒီဇင်ဘာမှာ စင်ကာပူကနေ ထွက်သွားခဲ့တယ်လို့ တရားရုံးက ပြောကြားခဲ့ပါတယ်။

ပြစ်ဒဏ်ချမှတ်ခံရတဲ့ ဇော်မင်းလှိုင်နဲ့ ဖြိုးမင်းနိုင်တို့ဟာ စင်ကာပူမှာ အမြဲတမ်းနေထိုင်ခွင့် ရရှိထားသူတွေ ဖြစ်ပါတယ်။

Ref: Strait Times