ဆော်ဒီရောက် ထိပ်တန်းကာဒီနယ်နှင့် ဘုရင်ဆလ်မန်တို့ တွေ့ဆုံ

ဧပြီ ၁၉၊ ၂၀၁၈
M-Media

– ဆော်ဒီအာရေဗျကို သမိုင်းဝင်ခရီးအဖြစ် ရောက်ရှိနေတဲ့ ဗာတီကန်က ထိပ်တန်း ကာဒီနယ် ဂျီယန် လူးဝစ် တူရန်ဟာ မနေ့က ဘုရင် ဆလ်မန်နဲ့ တွေ့ဆုံခဲ့တယ်လို့ ဆော်ဒီ နိုင်ငံပိုင်သတင်းဌာနက သတင်းထုတ်ပြန်ပါတယ်။

ပြီးခဲ့လတွေအတွင်း ဆော်ဒီအာဏာပိုင်တွေနဲ့ ဒေသတွင်း ခရစ်ယာန်အဖွဲ့အစည်းတွေက ကိုယ်စားလှယ်တွေဟာ ခပ်စိပ်စိပ်တွေ့ဆုံခဲ့ကြပါတယ်။

ဆော်ဒီဟာ အစ္စလာမ်သာသနာရဲ့ အမြင့်မြတ်ဆုံး နေရာတွေ တည်ရှိရာနိုင်ငံ ဖြစ်ပေမယ့် ဆော်ဒီအစိုးရဟာ အခြားသော အယူဝါဒတွေကို လူသိရှင်ကြား လိုက်နာကျင့်သုံးခွင့်ကို ပိတ်ပင်ထားပါတယ်။

ဗာတီကန်ရဲ့ ဘာသာပေါင်းစုံဆွေးနွေးရေးကောင်စီ အကြီးအကဲ တူရန်နဲ့ ဘုရင်ဆလ်မန်တို့ရဲ့ အခုတွေ့ဆုံမှုဟာ ကက်သလစ်အာဏာပိုင်တစ်ဦးနဲ့ အာဏာရှိ ဆော်ဒီဘုရင်တစ်ဦးအကြား ပထမဆုံး တွေ့ဆုံမှုလည်း ဖြစ်ပါတယ်။

ပြီးခဲ့တဲ့နှစ် နိုဝင်ဘာမှာ လက်ဘနွန်က မာရိုနိုက် ခရစ်ယာန် ဂိုဏ်းအုပ်ဘုန်းတော်ကြီး ဘက်စ်ဟာရာ အလ်-ရာအီဟာ ဆော်ဒီကို လာရောက်လည်ပတ်ခဲ့ပါတယ်။ လက်ဘနွန်၊ ဆီးရီးယားနဲ့ ဆိုက်ပရက်စ်နိုင်ငံတို့မှာ ရှိနေတဲ့ မာရိုနိုက် ခရစ်ယာန်ဂိုဏ်းဟာ ရိုမန်ကက်သလစ်အသင်းတော်ရဲ့ အရှေ့တိုင်း ဓလေ့ကို ကျင့်သုံးတဲ့အဖွဲ့ ဖြစ်ပါတယ်။

ပြီးခဲ့တဲ့လ ဗြိတိန်ခရီးစဉ်အတွင်း အင်ဂလီကန်အသင်းတော် အကြီးအကဲ ဘုန်းတော်ကြီးနဲ့ တွေ့ဆုံရာမှာ ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က ပြည်တွင်းပြုပြင်ပြောင်းလဲရေးလုပ်ငန်း တစ်စိတ်တစ်ပိုင်းအဖြစ် ဘာသာပေါင်းစုံချစ်ကျည်မှုကို မြှင့်တင်ပေးသွားမယ်လို့ ကတိပြုခဲ့ပါတယ်။

မင်းသားဟာ လက်ရှိမှာ နိုင်ငံအတွင်း လူမှုရေးဆိုင်ရာ ကန့်သတ်မှုတစ်ချို့ကို ဖြေလျှော့ပေးတာတွေ လုပ်ဆောင်ထားပါတယ်။

Ref: Aljazeera