ဂျာမနီတွင် နာဇီလက်သစ်များက ဟစ်တလာမွေးနေ့ ကျင်းပမည်

ဧပြီ ၂၀၊ ၂၀၁၈
M-Media

ဖက်ဆစ်ဆန့်ကျင်ရေး ချီတက်ဆန္ဒပြမှု

– နာဇီခေါင်းဆောင် ဟစ်တလာရဲ့ မွေးနေ့ အထိမ်းအမှတ်အဖြစ် ဂျာမနီက နာဇီလက်သစ်တွေဟာ ချီတက်ဆန္ဒပြဖို့ စီစဉ်နေပြီး အစိုးရကလည်း လုံခြုံရေးကို တင်းကြပ်ထားပါတယ်။

ပိုလန်နဲ့နီးတဲ့ နယ်စပ်မြို့ အော်စရစ်မှာ Shield and Sword (SS) ဆိုတဲ့ ခေါင်းစဉ်နဲ့ သောကြာ၊ စနေနေ့တွေမှာ ကျင်းပမှာဖြစ်ပြီး နိုင်ငံတစ်ဝှမ်းက နာဇီလက်သစ်နဲ့ လက်ယာသမား ၁၀၀၀ နီးပါးလောက် တက်ရောက်ဖို့ရှိနေပါတယ်။ ဒီအခမ်းအနားကို ဂျာမနီ လက်ယာစွန်း အမျိုးသားရေးပါတီ NPD က စီစဉ်တာဖြစ်ပါတယ်။

ဂျာမနီနဲ့ ပိုလန်တို့က ဖက်ဆစ်ဆန့်ကျင်ရေးသမားတွေကလည်း SS အခမ်းအနားနဲ့ သိပ်မဝေးတဲ့နေရာမှာ “Rechts Rockt Nicht! ခေါင်းစဉ်နဲ့ ချီတက်ဆန္ဒပြမှု၊ ဂီတပွဲတွေ လုပ်ဖို့ စီစဉ်ထားပါတယ်။ တစ်ချိန်တည်းမှာပဲ အော့စရစ်မြို့လယ်ကောင် ရင်ပြင်မှာ ‘အော့စရစ် ငြိမ်းချမ်းရေးပွဲတော်’ ကို ကျင်းပမှာဖြစ်ပြီး လက်ယာသမားတွေကို ဆန့်ကျင်ဖို့ ရည်ရွယ်တာဖြစ်ပါတယ်။

ဒီနေ့ဟာ နာဇီခေါင်းဆောင် ဟစ်တလာရဲ့ ၁၂၉ နှစ်မြောက် မွေးနေ့ဖြစ်ပြီး လက်ယာသမားတွေက နှစ်စဉ် ဟစ်တလာမွေးနေ့ကို ကျင်းပကြပါတယ်။

အော့စထရစ်မြို့ဟာ လူပေါင်း ၂၅၀၀ လောက်သာရှိတဲ့ မြို့ငယ်လေးဖြစ်ပြီး ဒေသတစ်ဝှမ်းက ရဲတပ်ဖွဲ့ဝင်ပေါင်း ၁၀၀၀ လောက် ဒီမြို့ကို ပို့ထားတယ်လို့ ဒေသတွင်း မီဒီယာတွေက ဖော်ပြပါတယ်။

လမ်းတော်တော်များများကို ပိတ်ထားမှာဖြစ်ပြီး မြို့အ၀င်လမ်းတွေမှာလည်း ရဲတပ်ဖွဲ့ဝင်တွေ ချထားတယ်လို့ ဆိုပါတယ်။

Shield and Sword ပွဲကို လက်ယာသမားတွေနဲ့နီးစပ်တဲ့ ဂျာမန်စီးပွားရေးသမား ဟန်-ပီတာ ဖစ်ရှာရဲ့ Neisseblick ဟိုတယ်မှာ ကျင်းပမှာပါ။ နိုင်ငံရေးမိန့်ခွန်းတွေ၊ လက်ယာသီချင်းဆိုပွဲတွေ၊ နပန်းပွဲတွေ၊ မင်ကြောင်ထိုးပွဲတွေနဲ့ အခြား အခမ်းအနားတွေ ပါဝင်မှာဖြစ်ပါတယ်။ လယ်ယာယိမ်း တံဆိပ်တွေကပ်ထားတဲ့
ထုတ်ကုန်တွေကိုလည်း အခမ်းအနားမှာ ဆိုင်ခန်းငယ်လေးတွေနဲ့ ရောင်းချမှာပါ။

အခမ်းအနားကို NPD ပါတီရဲ့ ဒေသတွင်းအကြီးအကဲ သော်စတန်ဟေဆီနဲ့ ဥရောပလွှတ်တော်က NPD အမတ် အူဒိုဗွိုက်တို့လည်း တက်ရောက်ဖို့ ရှိနေပါတယ်။

ဂျာမနီမှာ ဖက်ဆစ်ဝါဒကို တရားမ၀င်အဖြစ် သတ်မှတ်ထားပေမယ့် အခမ်းအနားစီစဉ်သူတွေဟာ ဂျာမနီ အခြေခံဥပဒေမှာ အာမခံပေးထားတဲ့ လွတ်လပ်စွာစုဝေးခွင့်ကို အသုံးချပြီး အခမ်းအနာတွေ ပြုလုပ်နေကြတာ ဖြစ်ပါတ
ယ်။

ဒီလိုအခမ်းအနားမျိုးတွေဟာ သီးသန့်အဆောက်အဦးတွေမှာ ပြုလုပ်ကြပြီး အများပြည်သူတွေကို လာရောက်ခွင့်ပေးထားပေမယ့် ရုန်းရင်းဆန်ခတ်ဖြစ်တာမျိုး မရှိပါဘူး။

Ref: Aljazeera