စနေနေ့မနက်ပိုင်း နိုင်ငံတကာသတင်းများ

ဧပြီ ၂၁၊ ၂၀၁၈
M-Media

ဆွီဒင်မှ နာမည်ကြီး ဒီဂျေ တင်မ်ဘာလင်း

မြောက်ကိုရီးယားက လက်နက်စမ်းသပ်မှုမလုပ်တော့
==============
နျူလက်နက်နဲ့ ဒုံးကျည်စမ်းသပ်မှုတွေကို ထပ်လုပ်မှာမဟုတ်ဘဲ နျူလက်နက် စမ်းသပ်တဲ့နေရာကိုလည်း ပိတ်ပစ်မယ်လို့ မြောက်ကိုရီးယားက ဒီနေ့မနက်မှာ ကြေငြာလိုက်ပြီး အမေရိကန်သမ္မတ ဒေါ်နယ်ထရမ့်က ဒီပြောကြားမှုကို ကြိုဆိုခဲ့ပါတယ်။ ကင်ဂျုံအန်နဲ့ ထရမ့်တို့ဟာ မကြာခင်မှာ တွေ့ဆုံဖို့ရှိနေပြီး မနေ့ကလည်း ကင်ဂျုံအန်နဲ့ တောင်ကိုရီးယားသမ္မတတို့အကြား တိုက်ရိုက် ဖုန်းလိုင်းတစ်ခုကို တပ်ဆင်ခဲ့ပါတယ်။

လက်နက်ကိုင်ခွင့်ကိစ္စအတွက် ကန်ကျောင်းသားများ ဆန္ဒထပ်ပြ
=================
လက်နက်ကိုင်ဆောင်ခွင့်ဥပဒေကို အစိုးရက ပြုပြင်ပြောင်းလဲမှု မရှိသေးတာနဲ့ပတ်သက်ပြီး အမေရိကန်နိုင်ငံတစ်ဝှမ်းက ကျောင်းသားတွေဟာ မနေ့မနက်ပိုင်း ၁၀ နာရီတိတိအချိန်မှာ ကျောင်းခန်းတွေထဲကနေ အပြင်ကိုထွက်ကာ ဆန္ဒပြခဲ့ကြပါတယ်။ ဒါဟာ ဖေဖော်ဝါရီလ ဖလော်ရီဒါ အထက်တန်းကျောင်းမှာ လူ ၁၇ ဦးသေဆုံးတဲ့ သေနတ်ပစ်မှုအပြီး ဒုတိယအကြိမ်မြောက် ကျောင်းခန်းအပြင်ထွက် ဆန္ဒပြမှု ဖြစ်ပါတယ်။

နာမည်ကျော် ဆွီဒင်ဒီဂျေ အိုမန်တွင် သေဆုံး
===================
ဂီတလောကမှာ Avicii လို့သိကြတဲ့ ဆွီဒင်က နာမည်ကျော် ဒီဂျေသမား တင်မ်ဘာလင်းကို အိုမန်မြို့တော် မူစကတ်က တိုက်ခန်းတစ်ခုမှာ မနေ့နေ့လယ်ပိုင်းက သေဆုံးလျက် တွေခဲ့ရပါတယ်။ အသက် ၂၈ နှစ်အရွယ်သာရှိသေးတဲ့ တင်မ်ဘာလင်းဟာ ဂီတထူးချွန်ဆု မြောက်များစွာ ရရှိထားသူ ဖြစ်ပါတယ်။ ဘာ့ကြောင့်သေဆုံးရလဲဆိုတာ မထုတ်ပြန်သေးပါဘူး။

မသန့်ရှင်းသည့် တရုတ်ငါးသေတ္တာဗူးများကို မလေးနှင့် အင်ဒိုတို့ပိတ်
===============
ဗူးထဲမှာ သန်ကောင်အသေတွေ တွေ့ခဲ့တာကြောင့် တရုတ်နိုင်ငံထုတ် ငါးသေတ္တာနှစ်မျိုးကို ဈေးကွက်ကနေ ပြန်သိမ်းဖို့ မလေးရှားကျန်းမာရေးဝန်ကြီးဌာနက ကြာသာပတေးနေ့မှာ အမိန့်ပေးခဲ့ပါတယ်။ Fujian Yongfa နဲ့ Dongshan Dongyi Foods ကုမ္ပဏီတွေက ထုတ်လုပ်တဲ့ ငါးသေတ္တာတွေဖြစ်ပြီး၊ အင်ဒိုနီးရှားနိုင်ငံကလည်း ဒီပြဿနာကြောင့်ပဲ တရုတ်ထုတ် ငါးသေတ္တာ ၃ မျိုးကို ဈေးကွက်ကနေ ပြန်သိမ်းခဲ့ပါတယ်။

Ref: CNA, Aljazeera